Genèse 12:3 - Ma Zhiklè

³ I woy a i pshè ta ma ndohai, man ta pshè ka ma. Ndo man a phomde ka, i woy a i phömdèʼa. Te ka, verzi ndohi kumba ta da ngècè mpshè ma.

Genèse 12:3 ပူးပေါင်းရင်းမြစ်များ

Genèse 18:18

Abraham a da gi a verzi ndohi herkeda mbiaʼa, man wuɗi na a zhè, a ndohi herkeda tèlèba ta ngècè mpshè ma te nengaʼa.

Genèse 18:19

I ngotskoɗauda te va ndohai, aman a nfa ta ma a gèɗ a wudahi nengaʼa, a gi nengaʼa, aman ta jè-jèr civèɗ Ndo nzi pèc pècèk, a ta gi zuraʼa, a ta til kita, a Ndo nzi pèc pècèk a nʼnga na Abraham, ara man a pasla na rai.

Genèse 22:18

Ndohi a géɗ herkeda tèlèba ta da ngècè mpshè ma a géɗ nzlembaɗ ngaya, a géɗ man ka fu gèɗ a ma ga.

Genèse 24:35

Ndo nzi pèc pècèk a mpshè na ma babgi ga a vata, a nʼnda a ndo mèshèlè. A mva na tambakhi a zlèhi a verzhè-genè a guro, ɓèlèlihai – ngwozi a ngurhi – zlugumihi a kɗèhihai.

Genèse 25:11

Te deɓ mʼmetsi Abraham, Bi Zhiklè a mpshè na ma Isaac kra na. Isaac a nʼnza a sam thal Lachai-roi.

Genèse 26:29

a ka da ga nga matakwan azɓai, lèmèlèmè ara nga, nga ga ka matakwan azɓai, nga va ka civèɗ a gumai. Ka ndo man Ndo nzi pèc pècèk a pshè na ma.

Genèse 26:4

I woy a i ga ndohi verzi ngaya kumba, ara bantihi te giɗfèk, a i va ta herkeda haha tèlèba a ndohi verzi ngaya, a ndohi herkeda tèlèba ta da ngècè mpshè ma a nzlembaɗ ngaya,

Genèse 27:29

Ndohi herkeda da ga a ɓèl ngaya; ndohi kokwarhai da gurɓahi a sam ngaya; gu bai a géɗ kramamhi ngaya, a wudahi mam ngaya da gurɓahai a sam ngaya. Ndo man a phomde ka, da phomda. Ndo man a pshè ka ma, da ngots mpshè ma!

Genèse 28:14

Wudahi ngaya ta da gi a vata, ara wyak te woyam. Ka da zlèzlèmè te man a nkèl pats, te man a mvèng pats, te man a tsagi a tsagai, a ndohi herkeda tèlèba ta da ngècè mpshè ma te nzlembaɗ ngaya.

Genèse 30:27

Laban a ngaɗa na: Ka gay skwi staɗ dai! I rka Bi Zhiklè a mpshèy ma a géɗ ngaya.

Genèse 30:30

Aman i shkè a sam ngaya, skwi ngaya kèshkata genè. Antanta a zhè kumba ma. Ndo nzi pèc pècèk a mpshè ka ma, aman i zhè a sam ngaya. Anai i da til gi ga ma.

Genèse 39:5

Daga pats man a mva na skwi gi na a ri tèlèba, Ndo nzi pèc pècèk a mpshè na ma a gi ndo Egypte, a géɗ Joseph. Mpshè ma Ndo nzi pèc pècèk a zhè a géɗ skwi tèlèba man a nʼngotso, te gi ba, te dak ba.

Psaumes 72:17

Nzlembaɗ nengaʼa da nzau a mèdèp, da gra a mbiaʼa a ma ma, ara pats man a zi auda a giɗfèk azɓai. Verzi ndohi herkeda tèlèba, da pshè ta ma ndohi kokwar a nzlembaɗ nengaʼa. Ndohi kokwar tèlèba, do slubordo nengaʼa!

Exode 23:22

Aman ka fi zlembaɗ a ngèdè nengaʼa zuraʼa, a ka gi tèlèba ara man a gada ka, i woy a i gi a mayam ndohi mayamhi ngaya, a i gi a ndo nzumda gèɗ a ndohi man ta zumda ka gèɗ.

Nombres 24:9

Te deɓaʼa a mènèhi ara marizhèlè, ara mam marizhèlè. Nda slambaɗda wa? Ndo man a pshè ka ma, sèi ta pshè na ma; ndo man a phomde ka, sèi da phomda!

Matthew 25:40

Bai a ngaɗa ta: A vava i gaɗa kinè, aman kin gu arsa a sam mbelaw ndo staɗ te ndev kramamhi ga haha, kin gay a iyè.

Matthew 25:45

Te deɓaʼa a da gaɗa ta: A vava i gaɗa kinè, aman kin ga arsa ɓai a sam mbelaw ndo staɗ haha, kin gay a iyè ɓi ba.

Luke 24:27

Te deɓaʼa a hinè a sam Moise, a sam ma ndohi nhadka ma tèlèba, a nsenda ta ma tèlèba te ɗèlèwèr Zhiklè a géɗ Yèsu.

Romans 4:11

Skwi malwuɗi te nʼngél ngwon nengaʼa a nʼngotso sèi te deɓa, man Zhiklè a nʼngaʼa a ndo nzuraʼa man a nco a ndav ma, a nʼngotso man a ngela ngwon di ɓai. Arsa nʼngaʼa a bab ndohi tèlèba man ta cè a ndav, man ta ngél ngwon ka ɓai. Aman ncè-a-ndav tengaʼa a nge ta a ndohi nzuraʼa.

1 Corinthians 1:30

Kinè a zhè te Yèsu Kristi a géɗ Bi Zhiklè, aman Yèsu a ngi a maya nga, a ge nga a ndohi nzuraʼa, a kezla ndav nga, a Preka nga auda;

Galates 3:16

Anai Zhiklè a mpasla na ri a hi a Abraham a ndo te verzi nengaʼa. A gèɗè azɓai, a ndohi verzi nengaʼa, ara man ta kumba. Sèi a ndo staɗgenè – a ndo te verzi nengaʼa, nengaʼa Kristi.

Galates 3:28

A haha tsaɗ tsaɗ azɓai, ko Juif, ko Grec, ko ɓèlè, ko kra ngwi, ko nguraʼa, ko ngwoz, kin tèlèba staɗ te Yèsu Kristi.

Galates 3:8

Aman ɗèlèwèr Zhiklè a nʼngreda halaʼa, ara man Zhiklè a da va ta ngi-zuraʼa te ncè-a-ndav ta a ndohi nte deɓa. Gar haha a ngaɗa na Abraham: A géɗ ngaya ndohi herkeda tèlèba ta da ngècè mpshè ma.

Ephésiens 1:3

Nga shid gèɗ a Zhiklè, Bab Bi nga Yèsu Kristi, aman a pshè nga ma te Kristi, a va nga skwi Mèzhèɓ man a Zhiklè tsaɗ tsaɗ.

Colossiens 3:11

Gar haha ndo Grec, ndo Juif, ndo man ngwon nʼngela, ndo man ngwon nʼngel ɓai, ndo barbare, ndo Scythe, ɓèlè, kra ngwi ka ɓai, – aman Kristi, tèlèba, te ndohi tèlèba.

Apocalypse 7:9

Te deɓaʼa i rka nhèyè ndo mbiaʼa, ndo a slaha a nʼngrè ɓai, te va ndohi herkeda, a ndohi kokwar, a gerzi ndohai, a daʼai ta tsaɗ tsaɗ tèlèba, ta zlatsa a ma sam nʼnzi bai, a ma kra tambak, a maslaka nslekaɗa a va, a vah gangar te rai,