Genèse 1:26 - Ma Zhiklè

²⁶ A Bi Zhiklè a ngaɗa: Ngo-gokoy ndo, ara mèzhèɓ va nga, a ta gi bi a géɗ klèfihi te iyam mbiaʼa, a géɗ ɗiakihi tʼhwaɗ giɗfèk, a géɗ skwi ndzhamhai, a géɗ skwi dakhai, a géɗ skwi man ta hi a géɗ herkeda!

Genèse 1:26 ပူးပေါင်းရင်းမြစ်များ

Genèse 11:7

Yowa, ngo-do a hai, ngo-dzokoɓokoy nèʼèn ta, a ngiɗè a tsena daʼai ngiɗè ɓai, ngiɗè a tsena daʼai ngiɗè bai.

Genèse 2:19

A Ndo nzi pèc pècèk Zhiklè a ngu skwi dak a ɗiakihai tʼhwaɗ giɗfèk a mberfenèk, a nhel ta a sam Adam, a nda va ta nzlembaɗ. Ara man Adam a va ta nzlembaɗ, ta da baha ta arsa.

Genèse 3:22

A Ndo nzi pèc pècèk a ngaɗa: Na haha, ndo a nʼnga lèmèlèmè ara nga, a sun skwi man amba a skwi man ambaɓai. Anai da tor ri asaɓai, a ngul nyi wof nshèffè a vaʼa, aman a da nzi a mèdèp.

Genèse 5:1

Na haha ndohi te verzi Adam. Aman Bi Zhiklè a ngu Adam, a ngu ara Mèzhèɓ Zhiklè.

Genèse 9:6

Ko wawa man a keɗa ndo, ta da kéɗèʼa, lèmèlèmè. Aman Bi Zhiklè a ngu ndo ara Mèzhèɓ nengaʼa.

Job 35:10

Aman ta gèɗè azɓai: Zhiklè nga, man a ge nga, na tema? A vi dimèsh nshid gèɗ a ma ndo a vaɗ,

Job 39:11

A bizhè a za, a ngècè sam mandi na, a jèjèr sam mɓayaʼa tèlèba.

Job 5:23

Ka gi zlau kwa te gi dau azɓai, a kin gi mandala a skwi dak.

Psaumes 100:3

Va-suna, Ndo nzi pèc pècèk, nengaʼa Zhiklè: nengaʼa a nge nga, nga a nengaʼa, nga ndohi na, a tambakhi te va rèwè nengaʼa.

Psaumes 149:2

Israel da wuffa a géɗ ndo nʼngau, ndohi Sion sèi ta wuffè a géɗ bi tengaʼa.

Ecclésiaste 7:29

Wor skwi man i ngotso: Zhiklè a ngau ndo, a nge ta nzuraʼa; aman ndohi ta woy ndèvèd ma.

Cantique des Cantiques 1:11

Nga da viɗa ka skwi daʼai guro, a verzhègenè te maʼa.

Esaie 45:18

Aman Ndo nzi pèc pècèk, man a ngu giɗfèk, nengaʼa staɗgenè Zhiklè, man a ngau, a ndizla herkeda, a mpau; a gu a géɗ hèshèkèɗ ka ɓai, a gu a géɗ man ndo a nzi a pa. Iyè Bi Zhiklè, ngiɗè azɓai.

Esaie 6:8

Te deɓaʼa i tsena ngèɗè Bi Zhiklè man a gaɗa: I zlindè wa? Nʼwoya a ndè a gi mizlinè nga wa? A i gaɗa: Iyè anai, zlindyè!

Esaie 64:8

Ndo nzi pèc pècèk, ka gu ndav holhola ɓai! Ka hur mali ga a mèdèp ɓai! Na haha, nga tèlèba ndohi ngaya. Ka hur mali nga a mèdèp ɓai! Na haha, nga tèlèba ndohi ngaya.

Jérémie 27:6

Anai i va na herkeda tèlèba a ri a Nebucadnetsar, bi Babylone, ɓèl ga, a skwi ndzham ba; i pa na a ri a nengaʼa.

Jean 14:23

A Yèsu a mʼmbeɗa na a ma: Ndo man a woy iyè a ndav na, a fi gèɗ a ma ga. Bab ga a da woyaʼa a ndav na. A nga da shkè a sam na, a nga da nzi a sam na.

Jean 5:17

A Yèsu a ngaɗa ta: Bab ga a gi mizlinè ani haha ba, a i ba i gi mizlinè.

Actes 17:20

Ka hadka nga ma mɓuaʼa a zlembaɗ nga, a nga woya a nga sun verziaʼa.

Actes 17:26

A nengaʼa a ngu aman te godozlom staɗ, verzi ndohi tèlèba ta zlèzlèmè a géɗ herkeda, a pa ta kuma a sam nʼnzi tengaʼa.

1 Corinthians 11:7

Aman nguraʼa da feda skwa a gèɗ ɓai, te man nengaʼa ara mèzhèɓ nʼnjèl Zhiklè. Aman ngwoz, nengaʼa nʼnjèl nguraʼa.

2 Corinthians 3:18

Anai skwa az a di nga ɓai, a nʼnjèl Bi Zhiklè a rkè, a ngwode nga ara mèzhèɓ va nengaʼa, a nʼnjèl nga a dè a ma ma a sam nengaʼa te Bi Zhiklè, nengaʼa Mèzhèɓ.

2 Corinthians 4:4

a sam ndohi man ta ca a ndav ɓai, man madzagai a pizlèma ta di ta a ruva, aman ta slaha a ta rka skwi nhél sam man a zhè te ma mbelaʼa te nʼnjèlè Kristi ɓai. Kristi, nengaʼa va Zhiklè.

Ephésiens 4:24

va-feda skwi mɓuaʼa a va, man nʼngaʼa ara Zhiklè man a woyaʼa, a ndo nzuraʼa, amba, nkezlaʼa.

Colossiens 1:15

Nengaʼa lèmèlèmè ara Zhiklè man ndo a nrka a di ɓai, tsuvom skwi tèlèba man Zhiklè a gau.

Colossiens 3:10

A kin feda ndo mɓuaʼa a va, man a nʼnge kinè a ndo mɓuaʼa, man a sun skwi Zhiklè tèlèba.

Jacques 3:7

Skwi dakhi a ɗiakihi a zhüzhokihai a skwi nte iyam tèlèba, ndo a slaha a ndzaw ta;

Jacques 3:9

A nengaʼa nga slébèrdè Zhiklè, Bab nga; a nengaʼa za ba nga phomde ta ndohi ngiɗè, man ta gaʼa ara mèzhèɓ Zhiklè,

1 John 5:7

Aman skwi makar man ta gi malwuɗai: