Galates 6:1 - Ma Zhiklè

¹ Dalahimam ga, kinè man Mèzhèɓ Zhiklè a ndha ndav kinè! Man mali a kala na a gèɗ ndo ngiɗè, va-takaha, va-tilèʼa a ndav nlüɓekwaʼa. A ndo staɗ staɗ da gu maya a géɗ va na ba, man ɓai ta pe kinè a wi arsa.

Mofa New Testament

¹ Dalahimam ga, kinè man Mèzhèɓ Zhiklè a ndha ndav kinè! Man mali a kala na a gèƋ ndo ngiƋè, vatakaha, vatilè'a a ndav nlüɓekwa'a. A ndo staƋ staƋ da gu maya a géƋ va na ba, man ɓai ta pe kinè a wi arsa.

Galates 6:1 ပူးပေါင်းရင်းမြစ်များ

II Samuel 11:2

Pats ngiɗè, a dakwaɗ, aman David a nslambaɗa a sam mʼmènè na, a shèwèlè a géɗ gi bi na, a mpoko di a hai, a nrka ngwoz ngiɗè a pèn va. Va nengaʼa amba, mbikaɓai.

Psaumes 141:5

Aman ndo nzuraʼa a tsyè, di na; aman ndo nzuraʼa a nʼngezyè, di na. Aman mbar ndohi ambaɓihia i woy a gèɗ ga ɓai, te man ntsi ri ga a gi malwuɗai a gèɗ shèwa tengaʼa.

Ezéchiel 34:16

I hèsh skwi man a zlak na, i hulkoɗi skwi man a ksar na, a deɓa; skwi mpaslaʼa i manaʼa; skwi man wuɗi na azɓai i tsa na mbazlav; a i wèr skwi ngraʼa a skwi man wuɗi na zhè, a i da war ta amba zuraʼa.

Matthew 11:29

Va-kelawda wof nte daʼai ga a daʼai kinè, va-slebau a sam ga! Aman iyè, i ndo man ndav lüɓekwaʼa, a i manda gèɗ ga a hi a sam tèlèba; a ndav kinè a ngècè nshèk va.

Matthew 26:69

Pierre a nʼnza tʼuda te gala. A dem mizlinè a mshkè a sam na, a ngaɗa: Ka ba, kin nza a nda Yèsu, ndo Galilée!

Matthew 26:75

A Pierre a nhur ma Yèsu, ara man a gaɗa na: Ga ngarah a tsi daʼai, ka cèkèlma a géɗ ga, sak makar. A mdo auda, a nkuɗau a vata.

Matthew 9:13

Vo-do, va-sun skwi haha: I woy aman ndo a si ndo te va, mvi skwi a Zhiklè ka ɓai. I shkè aman i bèhè ndohi nzuraʼa ka ɓai; i shkè, a i bèhè ndohi malihai.

Romans 14:1

Ndo man wuɗi ncè-a-ndav azɓai, va-takaha, va-nza na a deɓa, kin dzakaɓama na gèɗ ɓai!

Romans 15:1

Aman nga, man wuɗi nga a zhè, sèi nga takaha ta ndohi man wuɗi ta azɓai te skwi man ta slaha ɓai, a nga nzi ara man ambaha nga genè ka ɓai.

Romans 8:6

Skwi man ndohi ta hérèʼa, a da na ma a mʼmetsai. Skwi man Mèzhèɓ a hérèʼa, a da na ma a nshèffè, a gumai.

1 Corinthians 10:12

Gar haha ndo man a huro a gaɗa i zlatsa, da gu maya, aman da kalahi asaɓai.

1 Corinthians 14:37

Aman ndo ngiɗè a huro, i ndo nhadka ma, Mèzhèɓ Zhiklè te ndav ga, da suna, ma man i winda kinè, ma nkwèr Zhiklè.

1 Corinthians 2:15

Aman ndo man Mèzhèɓ Zhiklè te ndav, a ɗèl skwi tèlèba. Aman géɗ va na, ta slaha nɗèl nengaʼa ɓai.

1 Corinthians 3:1

Iyè, dalahimam ga, i slaha a i gaɗa kinè azɓai, ara man i gaɗa ta ndohi man Mèzhèɓ Zhiklè te ndav ta; aman ara man a ndohi njèjèr ntétékè ta, ara man ta wudahi dai te Kristi.

1 Corinthians 4:21

Kin war kè? I dè a sam kinè a mènèwèɗ te ri ɗè, ɗè a mwoy-ndo a ndav, a ndav nlüɓekwaʼa ɗè?

1 Corinthians 7:5

Kin menda va kinè a deɓa bai, sèi man kin menda ma kinè a pa, a kin nzi kètè, a kin ngècè ri a ntsi rai, a kin humda va kinè te deɓaʼa zaʼa, aman Sadan a slaha a mpe kinè a wi azɓai, a géɗ man kin menda va kinè a deɓa.

2 Corinthians 10:1

Iyè, Paul, i bid kinè a ri ga a ndav nlüɓekwaʼa, a maya man amba te Kristi. Aman i a sam kinè, i gi huyo kokoʼa; aman i dra a sam kinè, i gèɗè a wuɗai.

2 Corinthians 2:7

Anai sèi kin pra na malai, a kin bidèʼa. Da kuɗau holholaʼa, ha a fena wuɗi na ɓai.

2 Corinthians 2:8

A i dzhaɗ kinè, aman kin ngra na mwoy-ndo kinè.

Galates 5:23

ndav nlüɓekwaʼa, ngshè va; ma kita Zhiklè a gedassa skwi haha azɓai!

Galates 6:18

Pombi Bi nga Yèsu Kristi, da zhè a nda Mèzhèɓ kinè, dalahimam ga! Amen.

1 Thessalonians 4:1

A vaʼa, dalahimam nga, nga bid kinè, nga fa kinè ma a gèɗ, te Bai Yèsu: Ara man kin ngotso a sam nga, vo-do arsa, ambaha Zhiklè. Skwi man kin giaʼa, va-gu holholaʼa a ma ma.

2 Thessalonians 3:15

Aman kin rkaʼa ara ndo mayam ɓai, va-ngra na maya ara kramam kinè.

2 Timothy 2:25

a ngatsa ta maya a ndav nlüɓekwaʼa a ndohi man ta Sala na va a dai. A zhèrè te ndav, wa ngiɗè ba Zhiklè a takaha ta a ta ngwèdè ndav ta genè, a ta shin ma nzuraʼa;

Hébreux 12:13

Vo-do a civèɗ saraʼa, aman ko ndo vedal a kèlèhi azɓai, aman a mbel na.

Hébreux 13:3

Va-hur ndohi dangai, ara man kinè te dangai a nda tengaʼa, a ndohi te skwi mwuɗitpa, ara man kin te vaʼa.

Jacques 3:13

Te ndev kinè ndo man a ngots maya te gèɗ, a nshin skwi, wa? Da ngreda maya nshèffè man amba te skwi man amba man a giaʼa, a ndav nlüɓekwaʼa, man a shkè auda te maya.

Jacques 3:2

Aman nga tèlèba nga kèlè a maharam tsaɗ tsaɗ kumba. Aman ndo man a gèɗ ma ambaɓiaʼa azɓi fèt, nengaʼa nʼngaʼa a ndo nshfaʼa ma, a slaha a ngshè va na tèléba.

1 Peter 3:15

Aman va-kezla ndav kinè, va-nza a ndav ntila pèc pècèk te Bi Yèsu Kristi, aman kin slaha kin mbeɗa ta a ma a ndohi tèlèba, man ta dzhaɗ kinè a géɗ skwi man kin zhèrè te ndav.

1 John 5:16

Ndo man a rka, kramam nengaʼa a gi malai, mali mʼmetsi ka ɓai, da tsu ri a Zhiklè, gar haha a di a va na nshèffè a nengaʼa man a gu malai, mali mʼmetsi ka ɓai. Mali mʼmetsai a zhè, a géɗ nengaʼa i gèɗè azɓai, aman ndo da tsu rai.