Galates 3:8 - Ma Zhiklè

⁸ Aman ɗèlèwèr Zhiklè a nʼngreda halaʼa, ara man Zhiklè a da va ta ngi-zuraʼa te ncè-a-ndav ta a ndohi nte deɓa. Gar haha a ngaɗa na Abraham: A géɗ ngaya ndohi herkeda tèlèba ta da ngècè mpshè ma.

Mofa New Testament

⁸ Aman Ƌèlèwèr Zhiklè a n'ngreda hala'a, ara man Zhiklè a da va ta ngizura'a te ncè-a-ndav ta a ndohi nte deɓa. Gar haha a ngaƋa na Abraham: A géƋ ngaya ndohi herkeda tèlèba ta da ngècè mpshè ma.

Galates 3:8 ပူးပေါင်းရင်းမြစ်များ

Genèse 12:3

I woy a i pshè ta ma ndohai, man ta pshè ka ma. Ndo man a phomde ka, i woy a i phömdèʼa. Te ka, verzi ndohi kumba ta da ngècè mpshè ma.

Genèse 18:18

Abraham a da gi a verzi ndohi herkeda mbiaʼa, man wuɗi na a zhè, a ndohi herkeda tèlèba ta ngècè mpshè ma te nengaʼa.

Genèse 22:18

Ndohi a géɗ herkeda tèlèba ta da ngècè mpshè ma a géɗ nzlembaɗ ngaya, a géɗ man ka fu gèɗ a ma ga.

Genèse 26:4

I woy a i ga ndohi verzi ngaya kumba, ara bantihi te giɗfèk, a i va ta herkeda haha tèlèba a ndohi verzi ngaya, a ndohi herkeda tèlèba ta da ngècè mpshè ma a nzlembaɗ ngaya,

Genèse 28:14

Wudahi ngaya ta da gi a vata, ara wyak te woyam. Ka da zlèzlèmè te man a nkèl pats, te man a mvèng pats, te man a tsagi a tsagai, a ndohi herkeda tèlèba ta da ngècè mpshè ma te nzlembaɗ ngaya.

Genèse 49:10

Gada bai a kèlè auda te ri Juda azɓai, a gada kita a zhè a sam sak nengaʼa, ha bi mbiaʼa a shkè, man ndohi ta fi gèɗ a ma nengaʼa.

Psaumes 72:7

A pats man nengaʼa a zhè, ngi-zuraʼa a giɗè auda, gumi mbiaʼa a zhè, ara kia man a kèlè auda a giɗfèk azɓai.

Esaie 6:13

Te skwi kula, njèkè skwi staɗ te pa ɗè? Aman te skwi kula skwi staɗ njèkaha, a di a gédèshè zaʼa, lèmèlèmè ara wof man tajèkeda go-doraʼa a pa, lèmèlèmè ara wof lakalak man ta ngelaʼa a ta jèkeda godozlomaʼa a pa. Godozlom nengaʼa, tser ndohi nkezlaʼa.

Esaie 65:9

I gi a ndohi ta shkè auda te verzi Jacob, a ndo nʼndi za ga te ndev ndohi Juda. Ndohi man i par ta ta ngècèʼa, a ɓèlèlihi ga ta nzi a pa.

Jérémie 4:2

Aman ka mbaɗa a nzlembaɗ Ndo nzi pèc pècèk a vava, zuraʼa, te ngi-zuraʼa, te deɓaʼa ndohi herkeda ta pshè ka ma a nzlembaɗ Ndo nzi pèc pècèk, a ta nzal ka a nzlembaɗ nengaʼa.

Jean 19:37

A sam ngiɗè ɗèlèwèr Zhiklè a gaɗa: Ta da pi di a nengaʼa man ta tuzo.

Jean 7:38

Ko wawa man a cyè a ndav na, ara ɗèlèwèr Zhiklè a gaɗa, te va nengaʼa Woyamhi a iyam nshèffè a ta hai.

Jean 7:42

Ɗèlèwèr Zhiklè a ngaɗa ɓi dè, Kristi a shkè te tser David, te Bethléhem, kokwar man David a nza a pa?

Actes 2:35

ha pats man i ge ta ndohi mayamhi ngaya a skwi nfi sak ngaya.

Romans 9:17

Aman ɗèlèwèr Zhiklè a ngaɗa na Pharaon: I ge ka, aman i ngrédè wuɗi ga a sam ngaya, aman ta njè nzlembaɗ ga tʼherkeda tèlèba.

Romans 9:30

Kos nga da gaɗ kè? Nga gèɗè aranta: Ndohi nte deɓa man ta woy ngi-zuraʼa ɓai, ta ngots ngi-zuraʼa ma. I gèɗ ma haha a géɗ ngi-zuraʼa man a shkè te ncè-a-ndav.

Galates 3:16

Anai Zhiklè a mpasla na ri a hi a Abraham a ndo te verzi nengaʼa. A gèɗè azɓai, a ndohi verzi nengaʼa, ara man ta kumba. Sèi a ndo staɗgenè – a ndo te verzi nengaʼa, nengaʼa Kristi.

Galates 3:22

Aman ɗèlèwèr Zhiklè a pizleda ndohi tèlèba a hwaɗ malai. A ndohi man ta co a ndav, ta ngècè ma mpèsl ri te ncè Yèsu Kristi a ndav.

Galates 4:30

Ɗèlèwèr Zhiklè a gaɗ kè? Va-dzarda ngwoz, man ɓèlè, a kra nengaʼa, auda; aman kra ɓèlè da ndu gai a nda kra ngwoz gi ɓai.

Hébreux 4:2

Aman nga ba, nga tsena ma mbelaʼa lèmèlèmè ara tengaʼa. Aman njè-ma a ntakaha ta tengaʼa ɓai; ko ta tsena ma ba, ta ca a ndav ɓai.

Apocalypse 11:15

A gol Zhiklè matsaraɗaʼa a ntsu tolom: a ngèɗè mbiaʼa a ntsenka te zhiklè, man a gaɗa: Ta va na kokwar-bihi herkeda a ri a Bi Zhiklè, a Kristi nengaʼa. Nengaʼa a gi Bai a ma ma a mèdèp.