Galates 3:14 - Ma Zhiklè

¹⁴ Aman mpshè ma Abraham a mshkè a sam ndohi nte deɓa te Yèsu Kristi, a nga ngècè Mèzhèɓ man mpasla nga a ri te ncè-a-ndav.

Mofa New Testament

¹⁴ Aman mpshè ma Abraham a mshkè a sam ndohi nte deɓa te Yèsu Kristi, a nga ngècè Mèzhèɓ man mpasla nga a ri te ncè-a-ndav.

Galates 3:14 ပူးပေါင်းရင်းမြစ်များ

Genèse 22:18

Ndohi a géɗ herkeda tèlèba ta da ngècè mpshè ma a géɗ nzlembaɗ ngaya, a géɗ man ka fu gèɗ a ma ga.

Esaie 32:15

ha pats man mèzhèɓ a shkèhi te géɗèʼa a géɗ nga. Te deɓaʼa tazli hèshèkèɗ nʼngwoda a gi dau, a gi dau nʼngwoda na a gi lak.

Esaie 41:8

Aman ka, Israel, ɓèl ga! Jacob man i ngotskoɗauda, ka te verzi Abraham, mandal ga.

Esaie 49:6

A gada: Aman ka ɓèl ga, a ka til ndohi te verzi Jacob, a ka helka ta ndohi Israel man ta mbel ta a deɓa, a slra ɓai; sèi i ge ka a skwi nhél sam ndohi herkeda; a skwi mʼmbél ndo a ndi-kè a verzi herkeda tèlèba.

Esaie 52:10

Ndo nzi pèc pècèk a ngreda wuɗi nengaʼa nkezlaʼa auda, a gi nrkedi a ri nengaʼa nkezlaʼa, a sam di ndohi herkeda tèlèba; a ndohi te verzi herkeda tèlèba ta rka skwi mʼmbel ndo Zhiklè nga.

Jérémie 31:33

Na haha nderzlè-ma man i da gi a ndohi Israel, te deɓ patshi sa, Ndo nzi pèc pècèk a gaɗa. I da va ta ma kita ga a ndav ta, i da windèʼa a ndav ta, i gi a Zhiklè ta, a tengaʼa ta ndi a ndohi ga.

Jérémie 32:40

A i da derzlè ma a tengaʼa a mèdèp. I da dzadzar ta te pa pèc pècèk, aman i ga ta skwi man amba. I pra ta zlau ga a va, a ta jèkyè te deɓaʼa asaɓai.

Ezéchiel 11:19

I da ngwoda ndav ta, a i va ta Mèzhèɓ mɓuaʼa a ndav ta. I cèma ta ndav ngworaʼa ara kwa auda te va tengaʼa, a i va ta ndav mɓuaʼa ara gwoli ndohai,

Ezéchiel 39:29

I da ngheda va ga te deɓaʼa asaɓai, a géɗ man i va ta Mèzhèɓ ga a gèɗ Israel, Bi Zhiklè a gaɗa.

Zacharie 12:10

A i bèdè mèzhèɓ pombai a mèzhèɓ ntsi rai a hai a géɗ ndohi gi David, a géɗ ndohi Jérusalem, a ta pi di a nengaʼa man ta tuzo, a ta kuɗiaʼa, ara man ta kuɗi kra nstaɗaʼa. Ta kuɗi tsek-tsekaʼa, ara man ta kuɗi tsuvom kra.

Luke 11:13

Ani haha kinè, ndohi ambaɓihiaʼa, kin sun nvi skwi man amba a wudahi kinè. Bab kinè te zhiklè a fenaʼa, aman a va ta Mèzhèɓ Zhiklè nkezlaʼa a tengaʼa man ta jhèɗèʼa. (Mt. 12, 22-30; Marc 3, 19-27)

Luke 24:49

Anai i zlinda kinè skwi man bab ga a mpasla kinè rai. Aman kinè, va-nza a kokwar, ha pats man kin ngots wuɗi te zhiklè.

Jean 7:39

Ma haha a goɗ a géɗ Mèzhèɓ Zhiklè, man ndohi man ta co a ndav, a di ta ngècèʼa. Aman Mèzhèɓ Zhiklè nkezlaʼa a nshkè di ɓai, te man nʼnjèl Yèsu nʼngreda auda di ɓai.

Actes 2:33

Antanta ri mandi Zhiklè a nzalaʼa, a nʼngots Mèzhèɓ Zhiklè nkezlaʼa, man Bab Zhiklè a mpasla na rai, a foko nga skwi haha man kin rkaʼa, a kin tsenaʼa.

Actes 4:12

Skwi mʼmbel ndo te ndo ngiɗè azɓai, tʼhwaɗ giɗfèk nzlembaɗ ngiɗè azɓai, man ta vi a ndohai, aman nga mbel nga.

Actes 5:32

Nga ndohi malwuɗihi te skwi sa; nga a Mèzhèɓ Zhiklè nkezlaʼa, man Zhiklè a va ta tengaʼa man ta fi gèɗ a ma nengaʼa.

1 Corinthians 12:13

Aman nga tèlèba nga gu baptême te Mèzhèɓ staɗgenè, a nga ndaʼa a va staɗgenè, ko nga ndohi Juif, ko Juif ka ɓai, ko ɓèlèlihai, ko wud ngwihai, a nga ngots Mèzhèɓ nkezlaʼa haha staɗgenè.

2 Corinthians 1:22

a ndèda ndav nga a Mèzhèɓ nkezlaʼa, te di skwi man a da va nga.

Galates 3:16

Anai Zhiklè a mpasla na ri a hi a Abraham a ndo te verzi nengaʼa. A gèɗè azɓai, a ndohi verzi nengaʼa, ara man ta kumba. Sèi a ndo staɗgenè – a ndo te verzi nengaʼa, nengaʼa Kristi.

Galates 3:2

I woy a i shinè te ri kinè: Kin ngots Mèzhèɓ Zhiklè a géɗ man kin jèjèr ma kita Zhiklè ɗè, ɗè a géɗ man kin dzodzor ma ncè-a-ndav ɗè?

Galates 4:6

Anai kinè wudahai, man Zhiklè a zlündo Mèzhèɓ kra nengaʼa a ndav kinè, man a gaɗa: Abba, bab ga!

Ephésiens 2:18

Aman te Kristi, nga cèw ba, nga ngots civèɗ a sam Bab nga te Mèzhèɓ staɗ.

Ephésiens 2:22

Te nengaʼa kinè ba ta ɗizl kinè ara gi Zhiklè te Mèzhèɓ.

Ephésiens 3:16

Da va kinè wuɗai, ara mèshèlè nʼnjèl nengaʼa, aman kin gi a ndohi wuɗai te ndav kinè, te Mèzhèɓ nengaʼa.

Ephésiens 4:30

Kin ɗawarama na ndav Mèzhèɓ Zhiklè nkezlaʼa ɓai, aman nengaʼa nʼndèa te kinè, ha pats mpil gèɗ kinè.

1 Peter 1:22

A géɗ man ndav kinè mpana, va-fu gèɗ a ma nzuraʼa, va-woy kramam kinè te Kristi! Va-woy va kinè, ngiɗè a ngiɗè, pèc pècèk a ndav tèlè!

1 Peter 3:9

Ndo man a ga kinè skwi ambaɓiaʼa, kin menda na a deɓa a skwi ambaɓia ɓai. Ndzoan ba, kin menda a deɓa a ndzoan ɓai; aman va-pshè ta ma katak. Zhiklè a baha kinè a pa, aman kin ngècè mpshè ma.