Galates 3:13 - Ma Zhiklè

¹³ Aman Kristi a mpreka nga auda te ma kita Zhiklè man a phomde nga, a géɗ man a gaʼa a skwi mphomdaʼa a géɗ nga, ara ɗèlèwèr Zhiklè a gaɗa: Ndo man ta ktsala, mphomda.

Mofa New Testament

¹³ Aman Kristi a mpreka nga auda te ma kita Zhiklè man a phomde nga, a géƋ man a ga'a a skwi mphomda'a a géƋ nga, ara Ƌèlèwèr Zhiklè a gaƋa: Ndo man ta ktsala, mphomda.

Galates 3:13 ပူးပေါင်းရင်းမြစ်များ

II Samuel 17:23

Aman Achitophel a nrka, ta gu ara ma nengaʼa ɓai, a mfeda skwi a deɓ kɗèh, a nslambaɗa, a mdo a deɓa a kokwar na, a njè ta ma a ndohi gi na. Te deɓaʼa a mʼmanda teɓa a daʼai na, a mʼmets na. A ta feda a gi dzavi bab na.

II Samuel 18:10

Aman ndo ngiɗè a nrkaʼa, a nʼngra na Joab, a ngaɗa: Na haha, i rka Absalom nketsala te wof.

II Samuel 21:3

A David a ngaɗa ta ndohi Gabaon: I gakaɗa sam kinè mè? I da pela kinè gèɗ a mè, a kin pshè na ma skwi Ndo nzi pèc pècèk?

II Samuel 21:9

a mpe ta a ri ndohi Gabaon. Tengaʼa ta man ta a wof a géɗ za a sam Ndo nzi pèc pècèk. A ta bazl ta tsaraɗ tèlèba a sam staɗ. Ta bazl ta, te va man ta tsi dau.

II Rois 22:19

A géɗ man ka hur te ndav ngaya a ka manda gèɗ a hi a sam Ndo nzi pèc pècèk a pats man ka tsena ma man i goɗ a géɗ sam haha, a géɗ ndohi kokwaraʼa, ara man i phomde ta, a ta ndi a skwi man a ndèrè a ndo; a géɗ man ka kuratseda maslaka ngaya aussa, a ka kuɗau a sam ga – i ba i tsena ntsi ri ngaya, Ndo nzi pèc pècèk a gada.

Esther 7:10

A ta ktsalda a pa a wof man a tildahi a géɗ Mardochée. Te deɓaʼa ndav bai a mʼmanahai.

Esther 9:14

A bai a ngoɗ aman ta gi arsa. A ta goɗ ma bai te Suse, a ta ktsal ta wudahi Haman 10 a wof.

Jérémie 44:22

Anai, Ndo nzi pèc pècèk a woya a nrka maya kinè man ambaɓai, a skwi hori man kin giaʼa, asaɓai. A géɗ nengaʼa kokwar nga ngedas na, a lèyè, mphomda, ndo a nzi a pa azɓai, ara man a zhè a patsna.

Jérémie 49:13

I mbaɗa te ma ga, Ndo nzi pèc pècèk a gaɗa: Botsra a da gedas na, a da gi a skwi horai, a mbeɗ na, a gi a skwi mphomdaʼa, a kokwarhi nengaʼa ta nzi a diki a mèdèp.

Daniel 9:24

Nga va ta mvi 70 a ndohi ngaya a kokwar ngaya nkezlaʼa, ha mphömè a mali nʼnga tèlèba ma, ha mali ta mpela ma, a ngi-zuraʼa a zhè a mèdèp, ha ma nshunè a ma ndo nhadka ma a ndikè a pa, a ta bada na mbar a gèɗ a ndo nkezlaʼa a géɗ ndohi nkezli nkezlaʼa tèlèba.

Daniel 9:26

Te deɓ luma 62, ndo man ta bada na mbar a gèɗ ta zeda ambalai, ta ga kita a géɗèʼa ɓai. A kokwar, a sam nkezlaʼa, ndohi bi ngiɗè ta shkè, a ta gedassaʼa. Te deɓaʼa, ndikè-ma skwi a shkè a nda gedassa skwi tèlèba; a var a zhè pèc pècèk, ha nʼndikè-maʼa.

Zacharie 13:7

Tsakwal, kala na va a ndo nwèr skwi ga, a ndo man ndo ga, Zhiklè bi mbiaʼa a gaɗa. I tsi ndo nwèr skwai, a tambakihi ta venda gèɗ ta, a i gedas ta, man wuɗi ta azɓai.

Matthew 26:28

Aman na haha Pombaz ga, Pombaz nderzlè-ma, man mbadahai, a mprè mali ndohi kumba.

Matthew 27:5

A nengaʼa a nwushede Suli aussa a gi Zhiklè, a nʼndo na, a nkelawda teɓa a daʼai na, a mʼmets na.

Actes 5:30

Zhiklè babhi nga a nslambaɗda Yèsu te mʼmetsai, nengaʼa man kin keɗaʼa, a kin gezlalaʼa.

Romans 4:25

Nengaʼa man Zhiklè a njèka na a ri a mʼmetsai a géɗ malihi nga, a nslambaɗde-koɗauda, aman nga ndi a ndohi nzuraʼa a sam di Zhiklè.

Romans 9:3

Ar, i woy a ta phomdyè, a ta kezle nga a Kristi, te di man a kramamhi ga te verzi Israel, gwoli ga.

2 Corinthians 5:21

Aman Zhiklè a ndeda nengaʼa man a sun mali ɓi fèt, a malai a géɗ nga, aman te nengaʼa nga da ndi a ndohi nzuraʼa a sam di Zhiklè.

Galates 3:10

Aman tengahi man ta woy a ta gi sèi ara ma kita Zhiklè, ta tʼhwaɗ ma mphomdaʼa. Aman ɗèlèwèr Zhiklè a gaɗa: Ko wawa man a jèjèr ma ɗèlèwèr ma kita Zhiklè tèlèba azɓai, da phomda!

Galates 4:5

aman a preka ta man ta tʼhwaɗ ma kita auda, aman nga ndi a wud hwaɗ gai.

Ephésiens 5:2

Va-woy ndo, lèmèlèmè ara Kristi man a woy kinè! A mvoko va na a ri na a géɗ nga, ara skwi man a va na Zhiklè, a skwi man a zla na Zhiklè, man ambaha Zhiklè.

Deutéronome 21:23

Aman ka da rda a vèvèɗ a pats nasa. Aman ndo man ta ktsalda a wof, skwi mphomdaʼa a sam Zhiklè. Ka da lizhè kokwar ɓai, man Ndo nzi pèc pècèk, Zhiklè ngaya, a mva ka a skwi nʼndi gai!

Titus 2:14

Yèsu, man a vau va na a géɗ nga, aman a preka nga auda te mali tèlèba, a pènè ndav ndohi nengaʼa, a ta gi gazawa a géɗ mizlinè man amba.

Hébreux 9:12

A mbeza a pa a sam nkezlaʼa sak staɗ, te deɓaʼa klèng; a Pombaz ɓok a wud zlè ka ɓai, aman a Pombaz va nengaʼa, a nʼngatsa nga skwi mʼmbel nga a mèdèp.

Hébreux 9:15

Ar haha nengaʼa ndo mbezda nga nderzlè-ma mɓuaʼa; aman a géɗ mʼmetsi nengaʼa, skwi mbel ndo te malai a sam nderzlè-ma mʼmovaʼa a zhè, a ndohi man Bi Zhiklè a baha ta, ta ngècè mpèsl rai a nʼndi skwi gi a mèdèp.

Hébreux 9:26

Man ar haha, ar a nsu matakwan te nhinkaɗ herkeda pats ngiɗè pats ngiɗè kumba. Aman antanta, man patshi herkeda ta woy a ta ndiv ta, a ngudko va a di sak staɗ, a mvau nshèffè a ri na a skwi mpil gèɗ mali nga.

Hébreux 9:28

ara man Kristi a mvau nshèffe na sak staɗ, te deɓaʼa klèng, aman a ncè malihi ndohai kumba. Macecèwaʼa a di a gudko va a di a géɗ mali ka ɓai, aman a géɗ man a da hel ta ndohi man ta zhèrèʼa.

1 Peter 2:24

Nengaʼa a nco malihi nga a deɓ wof te va nengaʼa, aman nga jèkeda nʼnzi te malai, a nga nzi a géɗ ngi-zuraʼa. Te mblè nengaʼa kin mbel kinè.

1 Peter 3:18

Aman Kristi ba a mʼmets na a géɗ malihai, sak staɗgenè. Ndo nzuraʼa te di man a ndohi nzura ka ɓai, aman a de nga a sam Zhiklè. Ndohi ta keɗa va nengaʼa; aman Zhiklè a mva na nshèffè te Mèzhèɓ.

1 John 4:10

Mwoy-ndo te man nga nwoy Bi Zhiklè ka ɓai, aman a géɗ man nengaʼa a nwoy nga, a nzlündo kra nengaʼa a skwi mpil gèɗ mali nga.

Apocalypse 1:5

te Yèsu Kristi, ndo malwuɗi nzuraʼa, tsuvomaʼa te nslambaɗkaɗauda te va ndohi mʼmetsaʼa, bai a géɗ bihi herkeda. Nengaʼa man a woy nga a ndav na, a mpreka nga auda te mali nga a Pombaz nengaʼa,

Apocalypse 13:8

A ndohi tèlèba a géɗ herkeda ta da tsi ri a nengaʼa. Tengaʼa man nzlembaɗ tengaʼa mwindèʼa te ɗèlèwèr nshèffè kra tambak, man ta zlama na daʼai, daga nhinkaɗ herkeda ma, ta tsi ri a nengaʼa azɓai.

Apocalypse 5:9

A ta slu dimèsh mɓuaʼa, a ta gaɗa: Ka amba, ka slaha a ka cè ɗèlèwèr, a ka pelasla skwi mpizlè ntkotsaʼa, a géɗ man ta zlama ka daʼai, ka sumka ta ndohi te verzi tsaɗ tsaɗ, a daʼai ta tsaɗ tsaɗ, ndohi kokwar a ndohi herkeda tsaɗ tsaɗ tèlèba a deɓa a Zhiklè, a Pombaz ngaya,