Galates 2:20 - Ma Zhiklè

²⁰ I nzi a nshèffè, aman anai i ka ɓai, aman Kristi a nzi a nshèffè te ndav ga. I nzi a nshèffè te va ga haha, a géɗ ncè kra Zhiklè a ndav, man a woy iyè a ndav na, a mvau va na a géɗ ga.

Mofa New Testament

²⁰ I nzi a nshèffè, aman anai i ka ɓai, aman Kristi a nzi a nshèffè te ndav ga. I nzi a nshèffè te va ga haha, a géƋ ncè kra Zhiklè a ndav, man a woy iyè a ndav na, a mvau va na a géƋ ga.

Galates 2:20 ပူးပေါင်းရင်းမြစ်များ

Cantique des Cantiques 7:10

ma ngaya ara iyam nyi wof, man a dè hwaɗ, hitemtemaʼa a daʼai, a tkocè tapiɗaf ma a deɓa a zlèʼèn.

Matthew 20:28

Lèmèlèmè kra-ndo a mshkè aman ndohi ta takaha ka ɓai; a mshkè, aman a takaha ta ndohai, a vi nshèffè nengaʼa a skwi mpil gèɗ a géɗ ndohi kumba.

Matthew 4:3

A ndo-mpe-ndo-a-wai a mshkè a sam na, a ngaɗa: Aman ka, ka kra Zhiklè, gaɗa ta kwahi haha, a ta ngwèdè va ta a movar!

Jean 1:49

Nathanael a mʼmbeɗa na a ma: Rabbi, ka kra Zhiklè, ka Bi Israel!

Jean 10:11

I ndo mɓer skwi man amba. Ndo mɓer skwi man amba a vi nshèffè na a géɗ tambakhi na.

Jean 15:13

Sèi ndo man a vi nshèffè na a géɗ mandalahi na, ndo ngiɗè a fena mwoy-ndo nengaʼa azɓai.

Jean 17:21

Aman ta tèlèba ta gi a nstaɗ, lèmèlèmè ara nga, ka Bab ga, te iyè, a iyè te ka, a tengaʼa ba, ta te nga; a herkeda da co a ndav na, ka nzlindekayè.

Jean 3:16

Gar haha Zhiklè a woy herkeda a ndav na, a mva ta kra nengaʼa, kra nengaʼa staɗgenè, aman ko wawa man a nco nengaʼa a ndav na, a zi azɓai, a nʼngotso nshèffè a mèdèp.

Jean 3:35

Bab kra a woy kra na a ndav na, a mva na skwi tèlèba a ri nengaʼa.

Jean 6:57

Ara man Bab ga, man a zhè a nshèffè, a zlindekayè, a i nzi a nshèffè man a Bab ga, lèmèlèmè ko wawa man a ndi zluèɗ va ga, a nzi a nshèffè a géɗ ga.

Jean 6:69

A nga co a ndav nga, a nga suna, ka, ka ndo nkezlaʼa man a shkè te Bi Zhiklè.

Actes 8:36

Aman ta dè a civèɗ, ta shkè a ma woyam; a ndo mɓer gi bai a ngaɗa: Na haha, iyam a zhè; ka gay baptême azɓi èhèmè?

Actes 9:20

A njè ma Yèsu te gi njengè ma Zhiklè langa, a ngaɗa: Yèsu, nengaʼa kra Zhiklè.

Romans 1:17

Aman te ma mbelaʼa skwi nzuraʼa a Zhiklè a ngredè auda, skwi nzuraʼa man kin ngècè te ncè-a-ndav, aman kin dè a ma ma te ncè-a-ndav, ara man ta Windo: Ndo man a ngots ngi-zuraʼa, te ncè-a-ndav a da nzi a nshèffè.

Romans 14:7

Aman ko staɗ azɓai te ndev nga, man a nzi a nshèffè a géɗ va nengaʼa genè. Ko staɗ azɓai, man a metsi na a géɗ va nengaʼa genè.

Romans 3:22

I gèɗè a géɗ ngi-zuraʼa a sam di Zhiklè, man a shkè te ncè Yèsu Kristi a ndav, a sam ko wawa man a cè a ndav.

Romans 4:25

Nengaʼa man Zhiklè a njèka na a ri a mʼmetsai a géɗ malihi nga, a nslambaɗde-koɗauda, aman nga ndi a ndohi nzuraʼa a sam di Zhiklè.

Romans 5:2

Te Yèsu, a ncè-a-ndav, nga ngots civèɗ pombi haha. Nga-wuffokoya, a nga zhèr nʼnjèl Zhiklè te ndav, man a di a shkè, man Zhiklè a da va nga.

Romans 5:6

Aman Kristi a mʼmets na a géɗ nga, te va man wuɗi nga az di ɓai; tiɗè sama ma, Kristi a mʼmets na a géɗ ndohi man wuɗi ta azɓai.

Romans 5:8

Aman Zhiklè a ngreda mwoy-ndo nengaʼa a sam nga, te man Kristi a mʼmets na a géɗ nga, aman nga ndohi malihi dai.

Romans 6:13

Kin pa na nfèfèn va kinè a malai a ngi skwi ambaɓiaʼa a vna ɓai! Aman va-vau va kinè a Bi Zhiklè a ri kinè, ara ndohi mʼmetsaʼa, man antanta ta zhè a nshèffè. Va-pa na nfèfèn va kinè a Zhiklè a ngi skwi nzuraʼa a vna.

Romans 6:8

Aman nga mets nga a Kristi, nga co a ndav nga, nga da nzi a nshèffè a nda nengaʼa.

Romans 8:10

Aman Kristi a zhè te ndav kinè, ko va kinè mʼmetsa a géɗ malai, aman Mèzhèɓ a mva kinè nshèffè a géɗ man kin gaʼa a ndohi nzuraʼa.

Romans 8:37

Aman te skwi haha tèlèba nga gi a ngulaʼa, a fena ndohi nʼngul skwi tèlèba, te Yèsu man a woy nga a ndav na.

1 Corinthians 6:17

Aman ndo man a humda va a Kristi, nengaʼa mèzhèb staɗ a vna.

2 Corinthians 1:24

Aman nga ara bihi ncè-a-ndav kinè ka ɓai. Aman nga, nga ndohi man nga mba a mwuffe a nda kinè, a kinè man kin zlatsa te ncè-a-ndav.

2 Corinthians 10:3

Ko nga tʼherkeda haha dai, nga gi var a ndohi herkeda ka ɓai.

2 Corinthians 11:10

Ara man ma nzuraʼa te Kristi a zhè te ndav ga a vava, labar njégèr va ga haha te kokwar Achaie da gedassa ɓai!

2 Corinthians 13:3

Kin gaɗa; nga woya nga sun Kristi man a gèɗè te nengaʼa. Kristi wuɗi nʼazɓai ka ɓai a sam kinè; aman wuɗi na zhè a sam kinè.

2 Corinthians 13:5

Vo-jkudo ncè a ndav kinè a ri kinè, gar kinè nza te nce-a-ndav, gar kin nza ɓai. Vo-jkudo ndav kinè a ri kinè! Kin sun ndav kinè a ri kinè ɓi ɗè? Kin sun Kristi te ndav kinè ɓi ɗè? Man ɓai, kin ngatsa ɓai.

2 Corinthians 5:14

Aman mwoy-ndo a ndav te Kristi a erɗe nga, a géɗ man nga huro, aman ndo staɗ a mʼmets na te di man a ndohi tèlèba, ta tèlèba ta bazl ta.

2 Corinthians 5:15

A nengaʼa a mʼmets na te di man a ndohi tèlèba, a géɗ man ndohi a nshèffè ta da nzi a nshèffè man a tengaʼa genè ka ɓai, aman a géɗ nengaʼa man a mets na, a nslambaɗkaɗauda a géɗ tengaʼa.

2 Corinthians 5:7

Aman nga dè te ncè-a-ndav, te nrkè skwi a di ka ɓai.

Galates 1:4

man a vu va na a géɗ mali nga, aman a mbel nga tʼherkeda haha man ambaɓai, ara Zhiklè, Bab nga, man a woyaʼa.

Galates 2:16

Aman nga suna, ndo a ngècè ngi-zuraʼa azɓai a géɗ man a jèjèr ma kita Zhiklè, aman a géɗ man a cè Yèsu Kristi a ndav. Nga ba nga co Yèsu Kristi a ndav, aman nga ba nga ngots ngi-zuraʼa a géɗ ncè Kristi a ndav, a géɗ nfi gèɗ a ma kita Zhiklè ka ɓai. Te ma kita Zhiklè ndo a ngècè ngi-zuraʼa asaɓai.

Galates 3:11

Aman ndo a ngècè ngi-zuraʼa a sam di Zhiklè azɓai a géɗ man a jèjèr ma kita Zhiklè; aman ndo a nzi a nshèffè a géɗ ngi-zuraʼa te ncè-a-ndav.

Galates 5:24

Aman ndohi man te Yèsu Kristi, ta gezlala ntétékè va tengaʼa, a skwi man a woyaʼa.

Galates 6:14

Aman i woy a i jégèr va azɓi fèt ba. Aman nʼnjèl ga staɗgenè, nengaʼa wof ngézlèl Bi nga Yèsu Kristi, te nengaʼa herkeda ngezlala a sam ga, a iyè a sam herkeda.

Ephésiens 3:17

Aman Kristi da nza te ndav kinè te ncè-a-ndav, a mwoy-ndo kinè a gi ara zluzlor man a gidè azɓai gedeng-gedengaʼa.

Ephésiens 5:2

Va-woy ndo, lèmèlèmè ara Kristi man a woy kinè! A mvoko va na a ri na a géɗ nga, ara skwi man a va na Zhiklè, a skwi man a zla na Zhiklè, man ambaha Zhiklè.

Ephésiens 5:25

Kinè ngurhai, va-woy ngwozi kinè a ndav kinè, lèmèlèmè ara Kristi a woy mpi ndohi Zhiklè a ndav na, a vau nshèffè na a géɗ nengaʼa,

Philippiens 1:21

A nshèffè ga, i te Kristi, te mʼmetsai i da ngècè skwi nfenaʼa.

Philippiens 4:13

I slaha skwi tèlèba a nda nengaʼa, man a vay wuɗai.

Colossiens 1:27

tengaʼa man Zhiklè a woya a ngreda ta skwi mèshèlè a nʼnjèlè te skwi man nʼngheda a sam ndohi nte deɓa: nasa Kristi te kinè, nʼnjèlè man nga zhèrè te ndav.

1 Thessalonians 1:10

a kin zhèr kra nengaʼa te zhiklè, nengaʼa man a slambaɗda te ndev ndohi mʼmetsaʼa; Yèsu, man a mbel nga a sam ndzoan man a di a shkè.

1 Thessalonians 5:10

man a mʼmets na a géɗ nga, aman nga nzi a nshèffè a nda nengaʼa, ko nga nzi a dai, ko nga nzhuna.

Titus 2:14

Yèsu, man a vau va na a géɗ nga, aman a preka nga auda te mali tèlèba, a pènè ndav ndohi nengaʼa, a ta gi gazawa a géɗ mizlinè man amba.

Hébreux 8:3

Aman ta fu bi ndohi mvi skwi a Zhiklè staɗ staɗ tèlèba, man a vi skwai, a zli skwai, a Bi Zhiklè. Gar haha ndo haha ba sèi a ngècè skwi man a viaʼa.

1 Peter 1:8

Ko man kin rka nengaʼa di ɓai, aman kin woyaʼa a ndav kinè genè. Antanta kin co a ndav, ko kin rkaʼa a di di ɓai, a kin wuffè a mwuffè mbiaʼa, a nʼnjèlè te pa,

1 John 1:7

Aman nga dè te ndev sam nhelaʼa, lèmèlèmè ara nengaʼa ba te ndev sam nhelaʼa, nga humda, ngiɗè a ngiɗè. A Pombaz Yèsu, kra nengaʼa, a pan nga te mali staɗ staɗ tèlèba.

1 John 4:14

A nga rkaʼa a di nga, a nga gi malwuɗai, Bab Zhiklè a nzlündo kra nengaʼa a ndo mbél herkeda.

1 John 5:20

Aman nga suna, kra Zhiklè a mshkè, a mva nga maya, aman nga sun nengaʼa, man nzuraʼa a vava. Nga te nengaʼa man nzuraʼa a vava, te Yèsu Kristi, kra nengaʼa. Nengaʼa Zhiklè nzuraʼa, nengaʼa nshèffè a mèdèp.

Apocalypse 1:5

te Yèsu Kristi, ndo malwuɗi nzuraʼa, tsuvomaʼa te nslambaɗkaɗauda te va ndohi mʼmetsaʼa, bai a géɗ bihi herkeda. Nengaʼa man a woy nga a ndav na, a mpreka nga auda te mali nga a Pombaz nengaʼa,

Apocalypse 3:20

Na haha iye a ntamagai, a i bèhè. Ndo man a tsena daʼai ga, a da winay ntamagai, i dè a pa a sam nengaʼa, a nga da ndi skwi a nda nengaʼa, a nengaʼa a nda iyè.