Galates 2:19 - Ma Zhiklè

¹⁹ Aman ma kita Zhiklè a gu aman i metsi ga a sam ma kita Zhiklè ma, aman i nzi a nshèffè a Zhiklè: i gezlala a nda Kristi.

Mofa New Testament

¹⁹ Aman ma kita Zhiklè a gu aman i metsi ga a sam ma kita Zhikle ma, aman i nzi a nshèffe a Zhiklè: i gezlala a nda Kristi.

Galates 2:19 ပူးပေါင်းရင်းမြစ်များ

Romans 4:15

Aman ma kita Zhiklè a cka sèi ndzoan. Aman a sam man ma kita azɓai, ntèwèɗè ma kita ba, azɓai.

Romans 5:20

Aman ma kita Zhiklè a gu aman malai a ngredè auda holholaʼa. A sam man malai nʼngreda auda holholaʼa, pombi ba nʼngreda a fenaʼa.

Romans 6:11

Gar haha kinè ba, va-rka va kinè ara man a mets na a sam mali ma, a kin nzi a nshèffè man a Zhiklè te Yèsu Kristi.

Romans 6:14

Malai a slaha a nda gi bi kinè asaɓai, te man kinè tʼhwaɗ ma kita Zhiklè ka ɓai, aman kinè tʼhwaɗ pombai.

Romans 6:2

Aʼai! Nga, man nga mets nga a sam mali ma, nga slaha nga gi mali a ma ma ɗè?

Romans 7:14

Nga suna, ma kita Zhiklè, ma Mèzhèɓ; aman iyè, ara nyakaɗ ga i ɓel malai.

Romans 7:4

Lèmèlèmè kinè, dalahimam ga, kin mets kinè a ma kita Zhiklè te Yèsu Kristi. Kinè a ndo ngiɗè, a nengaʼa man a slambaɗkaɗauda te va ndohi mʼmetsaʼa, aman nga gi mizlinè man ambaha Zhiklè.

Romans 8:2

A géɗ man ma kita Mèzhèɓ Zhiklè man a vi nshèffè te Yèsu Kristi, a mpreka ka auda te ma kita mali ma, man a da na ma a mʼmetsai.

1 Corinthians 10:31

Ko kin ndi skwai, ko kin si skwai, skwi ko mèmè man kin giaʼa, va-gau tèlèba, aman kin slébèrdè Zhiklè.

1 Corinthians 9:20

A sam ndohi Juif i ndaʼa ara ndo Juif, a géɗ man i da ngats ta ndohi Juif. A sam ndohi njèjèr ma kita Zhiklè, i ndaʼa ara ndo njèjèr ma kita Zhiklè—ko man i tʼhwaɗ ma kita ka ɓai— a géɗ man i da ngats ta ndohi njèjèr ma kita Zhiklè.

2 Corinthians 5:15

A nengaʼa a mʼmets na te di man a ndohi tèlèba, a géɗ man ndohi a nshèffè ta da nzi a nshèffè man a tengaʼa genè ka ɓai, aman a géɗ nengaʼa man a mets na, a nslambaɗkaɗauda a géɗ tengaʼa.

Galates 2:20

I nzi a nshèffè, aman anai i ka ɓai, aman Kristi a nzi a nshèffè te ndav ga. I nzi a nshèffè te va ga haha, a géɗ ncè kra Zhiklè a ndav, man a woy iyè a ndav na, a mvau va na a géɗ ga.

Galates 3:10

Aman tengahi man ta woy a ta gi sèi ara ma kita Zhiklè, ta tʼhwaɗ ma mphomdaʼa. Aman ɗèlèwèr Zhiklè a gaɗa: Ko wawa man a jèjèr ma ɗèlèwèr ma kita Zhiklè tèlèba azɓai, da phomda!

Galates 3:24

Gar haha ma kita Zhiklè, skwi nʼngatsa nga maya a ma ma a sam Kristi, aman nga da ndi a ndohi nzuraʼa te ncè-a-ndav.

Galates 6:14

Aman i woy a i jégèr va azɓi fèt ba. Aman nʼnjèl ga staɗgenè, nengaʼa wof ngézlèl Bi nga Yèsu Kristi, te nengaʼa herkeda ngezlala a sam ga, a iyè a sam herkeda.

Colossiens 2:20

Aman antanta kin mets kinè a sam skwi herkeda ma, te Kristi, a kin va ta civèɗ, aman ta fa kinè ma kita a gèɗ, ara man kinè a herkeda dai:

Colossiens 3:3

Aman kin mets kinè ma, nshèffè kinè nʼngheda te Kristi, te Bi Zhiklè.

1 Thessalonians 5:10

man a mʼmets na a géɗ nga, aman nga nzi a nshèffè a nda nengaʼa, ko nga nzi a dai, ko nga nzhuna.

Titus 2:14

Yèsu, man a vau va na a géɗ nga, aman a preka nga auda te mali tèlèba, a pènè ndav ndohi nengaʼa, a ta gi gazawa a géɗ mizlinè man amba.

Hébreux 9:14

holholaʼa Pombaz Kristi, man a vau nshèffè a ri na a skwi nzli a Zhiklè, man mali a te pa ɓai, te Mèzhèɓ Zhiklè man a zhè a mèdèp, a pènè mèzhèɓ ndav nga te mizlinè mʼmetsaʼa, man kala a deɓa ma, a nga gi mizlinè Zhiklè man a zhè a nshèffè.

1 Peter 2:24

Nengaʼa a nco malihi nga a deɓ wof te va nengaʼa, aman nga jèkeda nʼnzi te malai, a nga nzi a géɗ ngi-zuraʼa. Te mblè nengaʼa kin mbel kinè.

1 Peter 4:6

Ta njè ta ma mbelaʼa a ndohi man a géɗ mali ta ara ndohi mʼmetsa èhèmè? A géɗ man ta ngècè kita ara ndohi man ta zhè a nshèffè, a ta nzi a nshèffè te Mèzhèɓ, a nshèffè Zhiklè.