Ezéchiel 7:9 - Ma Zhiklè

⁹ I pi di mwoy-ndo azɓai, kin siyè te va azɓai, i da ga kinè kita a géɗ civèɗ kinè. A skwi hori da ngredakaɗ na auda te ndav kinè, a kin da suna, i Ndo nzi pèc pècèk man i tsi ndo.

Ezéchiel 7:9 ပူးပေါင်းရင်းမြစ်များ

Esaie 9:13

Ndo nzi pèc pècèk a nʼngelama na gèɗ a hutor a Israel, kuza nwuzaɗ a gangar, a pats staɗ.

Jérémie 13:14

Te deɓaʼa i tseda ta gèɗ, babhi a nda wudahi ta, Ndo nzi pèc pècèk a gaɗa. Ta da siyè te va azɓai, i jèke ta azɓai, i gedas ta, a laydyè asaɓai.

Jérémie 21:7

Ndo nzi pèc pècèk a gaɗa: Te deɓaʼa i da pe ta Sédécias, bi Juda, ɓèlèlihi nengaʼa, a ndohai, man ta mbelka ta auda te ri gidiɓèr, te ri tsakwal a mai, a ri a Nebucadnetsar, bi Babylone, a ri a mayamhi tengaʼa, a ri a ndohi man ta woy a ta zeda nshèffè ta. Ta da bazl ta a tsakwal, ta da hi azɓai, ta si ndo te va azɓai, ta pre ta azɓai.

Jérémie 36:31

I gi kita a géɗ nengaʼa, a géɗ ndohi te verzi nengaʼa, a géɗ golahi nengaʼa, a géɗ mali ta. I da ngwoda ta skwi ambaɓiaʼa man i gaɗdahai a gèɗ a tengaʼa, man ta fa na gèɗ ɓai, a gèɗ a ndohi Jérusalem, a ndohi Juda.

Lamentations de Jérémie 2:17

Ndo nzi pèc pècèk a nrufa skwi man a huro, a ngu skwi man a nguv ta a vna halaʼa: A mbeɗdahai, a sia te va azɓai, a ngu aman ndo mayam a wuffè a géɗ nengaʼa, a mva ta wuɗi a ndohi nʼnga ka matakwan.

Ezéchiel 22:22

Ara verzhègenè man ta tia te gezla, i da te kinè te Jérusalem, a kin gi a skwi man ta wèslè te gezla, a kin da suna, lyè Ndo nzi pèc pècèk, man i ga kinè ndzoan a va.

Ezéchiel 23:49

Kin ngècè kita a gèɗ mphömè kinè, a mali mʼmbèh skwi kinè a da ngwoda kinè va a gèɗ, a kin da suna, i Bi Zhiklè Ndo nzi pèc pècèk.

Ezéchiel 5:11

Gar haha, ara man a vava i zhè, Bi Zhiklè Ndo nzi pèc pècèk a gaɗa, a géɗ man ka lizhè sam ga nkezlaʼa a skwi mbèh skwi man hori te pa, i ba i woy a i kwol ka, i woy a i pi di mwoy-ndo azɓai, ta siyè te va azɓai.

Ezéchiel 7:10

Anai patsa a mshkè ma! Na haha a zhè ma! Ri wof a tsai, nfi va a gi holholaʼa.

Ezéchiel 7:8

Antanta i ga kinè ndzoan a gèɗ, a i ga kinè ndzoan a va, i woya a i ga kinè kita ara civèɗ kinè, a i ga kinè kita a géɗ skwi hori kinè tèlèba.

Michée 6:9

Ndo nzi pèc pècèk a bèhè te kokwar. Ndo man a gi zlau nzlembaɗ na, maya na zhè. Va-tsenaʼa, kinè ndohi mɓicaʼa te dak a ndohi te kokwar!

Galates 6:7

Kin pu va kinè a wi a ri kinè ɓai! Kin slaha kin mbèhwali a Zhiklè azɓai. Skwi man ndo a zlekiaʼa, a di a ɓicèʼa.

Apocalypse 20:13

A iyam mbiaʼa a mʼmendka ta ndohi mʼmetsaʼa a deɓa zaʼa. A mʼmetsai, a kokwar-bi nengaʼa a mʼmendka ta ndohi mʼmetsaʼa a deɓa zaʼa. A ta ga ta kita a gèɗ ndo staɗ staɗ ara skwi man a gau.