Exode 9:29 - Ma Zhiklè

²⁹ A Moise a mʼmbeɗa na a ma: Aman i dè auda te kokwar haha, i woy a i pi ri a Ndo nzi pèc pècèk, a i tsi rai, a vandzal a gi asaɓai aman ka da suna, herkeda a Ndo nzi pèc pècèk.

Exode 9:29 ပူးပေါင်းရင်းမြစ်များ

I Rois 8:22

Te deɓaʼa Salomon a mdo a nzlatsa a sam mvi skwi a Ndo nzi pèc pècèk, a sam di mpi ndohi Israel tèlèba, a ngeda ri a zhiklè,

I Rois 8:38

skwi man ndawa ndawa a da tsi rai a géɗèʼa, a njhèɗèʼa, ko ndohi Israel, ndohi ngaya tèlèba ta tsi rai, a géɗ man staɗ staɗ tèlèba skwi man ambaɓai te ndav na a haka na gèɗ, a ta peda ri a zhiklè te gi haha,

Esdras 9:5

A dakwaɗ, man ta ndara na skwi a Zhiklè, i slambaɗa a hori a dai, a maslaka nkuratsa a va, a dawar nkuratsa a va, a i gurɓahai a i peda ri a Ndo nzi pèc pècèk, Zhiklè ga,

Job 11:13

Aman antanta ka til ndav ngaya, a ka tsi ri a Zhiklè,

Psaumes 135:6

Skwi man a woya tèlèba, Ndo nzi pèc pècèk a giaʼa, te zhiklè te géɗèʼa, tʼherkeda ba, tʼhwaɗ iyam mbiaʼa, te drav ba.

Psaumes 143:6

I thè ka rai, ndav ga a woy ka, ara herkeda ngwora man a woy iyam.

Psaumes 50:12

Aman mi a keɗyè, i gaɗa ka azɓai; aman herkeda a skwi nte pa tèlèba a ga ga.

Exode 19:5

Anai aman kin woy a kin tsena ma ga, a kin nzi te nderzlè-ma ga, te va ndohi a géɗ herkeda tèlèba, kinè ndohi ga, aman herkeda tèlè a ga.

Exode 20:11

Aman te mʼmèn mokwa, Ndo nzi pèc pècèk a ngu giɗfèk a herkeda, a iyam mbiaʼa, a skwi tèlè te pa, a nsok va pats matsaraɗaʼa. Gar haha Ndo nzi pèc pècèk a mpshè na ma pats nshèk va, a nkezlaʼa, a nslébèrdèʼa.

Exode 8:22

A Moise a ngaɗa: Nga slaha nga gi arsa azɓai. Skwi man nga zli a Zhiklè nga, a ndara ta ndohi Egypte. Aman nga da zlèh skwi a Zhiklè a sam di ndohi Egypte, man a ndara ta, ta da kal nga a kwa.

Exode 8:6

A ngaɗa: Angoslèm! A Moise a ngaɗa: Ara man ka woyaʼa. A ka da suna, skwi ngiɗè ngar Ndo nzi pèc pècèk, Zhiklè nga, azɓai.

Exode 9:33

Aman Moise a njèkede Pharaon ma, a ndo auda te kokwar, a ntsu ri a Zhiklè. A ntsi iyam a vandzal ta gi asaɓai, a iyam a nɗal na te kokwar Egypte.

Esaie 1:15

Aman kin geda ri a zhiklè, i ngwoda di ga aussa. Ko kin tsi ri kumba, i fi zlembaɗ azɓai. Pombaz a ri kinè.

1 Corinthians 10:26

Aman herkeda a Bi Zhiklè, a skwi tèlè man a zhè te pa.

1 Corinthians 10:28

Aman ndo ngiɗè a ngaɗa kinè: Na haha, zluèɗ mbèh skwai, kin ndau ɓai, a géɗ man a ngreda kinè; kin ndau ɓai, a géɗ mèzhèɓ te ndav.

Deutéronome 10:14

Na haha, giɗfèk, a zhiklè nte géɗèʼa tèlèba, herkeda a skwi te pa tèlèba, a Ndo nzi pèc pècèk, Zhiklè ngaya.