Exode 9:28 - Ma Zhiklè

²⁸ Va-tsu ri a Zhiklè kinè a géɗ nga! Vandzal a ntsi iyam dèha nga ma. I woy a i va kinè civèɗ. Kin nzi a haha azbai.

Exode 9:28 ပူးပေါင်းရင်းမြစ်များ

I Rois 13:6

A bai a hüno a ngaɗa na ndo Zhiklè: Kam kam, büd Ndo nzi pèc pècèk, Zhiklè ngaya, a ka tsu ri a géɗ ga, a i slaha i mendkoɗi ri ga a deɓa. A ndo Zhiklè a mbüdo Ndo nzi pèc pècèk, a ri bai a nʼnge na ara ri na.

Exode 10:17

Va-pray mali ga a za va staɗ, va-tsu ri a Ndo nzi pèc pècèk, Zhiklè kinè, da cèmay skwi ngedassyè a haha auda a tsagai.

Exode 10:24

A Pharaon a mbaha na Moise, a ngaɗa: Vo-do, va-slobordo Zhiklè kinè! Sèi tambakihi a zlèhi ta nzi a haha. A wudahi kinè ba, do do a verzi kinè.

Exode 10:8

A ta baha ta nda Moise a Aaron a deɓa a sam Pharaon, a Pharaon a ngaɗa ta: vo-do, va-slobordo Ndo nzi pèc pècèk, Zhiklè kinè! Kin woya te va wa, wa, man a dè?

Exode 11:1

Te deɓaʼa Ndo nzi pèc pècèk a ngaɗa na Moise: Njèkè matakwan staɗ man i woy a i ga na Pharaon, a ndohi Egypte. Te deɓaʼa a da va kinè civèɗ, a dzam kinè a skwi kinè tèlèba.

Exode 8:25

A Moise a mʼmbeɗa na a ma: Aman i do auda a sam ngaya ma, i woy a i tsi ri a Ndo nzi pèc pècèk, aman zlra a nhulko va na auda te gi Pharaon, te va golahi nengaʼa, te va ndohi nengaʼa tèlèba. Aman Pharaon da ngwode nga asaɓai, da va ta civèɗ a ndohai, aman ta zli skwi a Ndo nzi pèc pècèk!

Exode 8:28

Ko ar haha ndav Pharaon nsassaya genè, a mva ta civèɗ a ndohi bai.

Exode 8:4

A Pharaon a mbaha na Moise a Aaron, a ngaɗa: Va-tsu ri a Zhiklè kinè, a nhulkoy kudofihai auda a tsagai, a tsagi ndohi ga, a i da va ta civèɗ a ndohi aman ta dè a ta zli skwi a Zhiklè ta.

Exode 8:8

Aman Moise a Aaron to do auda a sam Pharaon ma, Moise a ntsu ri a Ndo nzi pèc pècèk a géɗ kudofihai, man a nzlündokoɗa a sam Pharaon.

Jérémie 21:2

Dzhaɗa nga Ndo nzi pèc pècèk, te man Nebucadnetsar, bi Babylone, a gi var a nga. Wa ngiɗè ba, Ndo nzi pèc pècèk a da gi nrkedi na a sam nga, a nengaʼa a dè na auda a sam nga.

Nombres 21:7

A ndohi ta shkè a sam Moise a ta gada na: Nga gu malai, nga ga ka ma a va, nga ga na ma a va Ndo nzi pèc pècèk. Tsu ri a Ndo nzi pèc pècèk, a nhela nga zhü-zhok auda a tsagai. A Moise a ntsu rai a géɗ ndohai.

Actes 8:24

A Simon a mʼmbeɗa na a ma: Sèi kin tsi ri a Bi Zhiklè a gèɗ ga a ri kinè, a skwi man ka goɗ haha, ko staɗ da shkè a gèɗ ga ɓai.

I Samuel 12:19

Ndohi tèlèba ta gaɗa na Samuel: Tsu ri a Ndo nzi pèc pècèk ngaya a géɗ ɓèlèlihi ngaya, nga da bèzl nga. Nga gau skwi ambaɓiaʼa ngiɗè a va mali nga, a nga dzhoɗo bai.