Exode 7:19 - Ma Zhiklè

¹⁹ A Ndo nzi pèc pècèk a ngaɗa na Moise: Gada na Aaron: Co gada, tor ri a géɗ iyam tèlèba te kokwar Egypte, a géɗ woyam, a géɗ wurrihai, drav iyamhai, thalhai, a ndi na a Pombaz tèlèba. Te duzlak a torok Egypte tèlèba, iyam da ngwoda va na a Pombaz te pa.

Exode 7:19 ပူးပေါင်းရင်းမြစ်များ

Genèse 1:10

Sam ngworaʼa, Bi Zhiklè a mbaha na, herkeda; nhèyè iyam, a mbaha na, iyam mbiaʼa. A Bi Zhiklè a nrka, nʼngaʼa amba.

II Rois 4:29

A Elisée a ngaɗa na Guéhazi: Dzawa va ngaya, ceda gada ga a rai, a ko do! Aman kin zli gèɗ a ndo ngiɗè, ka ga na mbali ɓai, aman ndo ngiɗè a ga ka mbalai, ka mbeɗa na a ma ɓai. Ka da feda gada a medi kra.

Exode 10:12

A Ndo nzi pèc pècèk a ngaɗa na Moise: Geda ri ngaya a géɗ kokwar Egypte, a dzarai a nslambaɗkaɗa te kokwar Egypte tèlèba, a ta ndi skwi a géɗ herkeda tèlèba, skwi tèlèba man vandzal a jèkaha.

Exode 10:21

A Ndo nzi pèc pècèk a ngaɗa na Moise: Geda ri ngaya a zhiklè, a ruva tèdèdikdikaʼa a nshkè a géɗ kokwar Egypte.

Exode 14:16

Ka, Zlatseda ri a gada a zhiklè, gudo ri ngaya a géɗ woyam mbiaʼa, ngela iyam te va, a ndohi Israel ta tawaɗaʼa a sam ngworaʼa.

Exode 14:21

A Moise a ngudo rai a géɗ woyam, a Ndo nzi pèc pècèk a ngoko kozlar mbiaʼa te civèɗ nkèl pats, a vad tèlèba, a woyam ngwor na, a iyam a ngelna te va cèw.

Exode 14:26

A Ndo nzi pèc pècèk a ngaɗa na Moise: Gud rai a géɗ iyam mbiaʼa, a iyam a nshkè a deɓa, a mpizl ta ma ndohi Egypte a pa, a kiki tengaʼa, a plèshi tengaʼa.

Exode 4:9

Aman ta da cè ma ngaya azɓai a géɗ skwi cèw man ka ngra ta a haha, a ta woy a ta cinè ma ngaya azɓai, gudzko iyam te woyam Nil, badahi a herkeda. A iyam man ka gudzko te woyam Nil, a da ndi na a Pombaz tʼherkeda.

Exode 8:16

Te deɓaʼa Ndo nzi pèc pècèk a ngaɗa na Moise: Angoslèm a prèk te gai, do a ma Pharaon, aman a da dè a ma woyam, a ka gada na: Ndo nzi pèc pècèk a goɗkoɗa ar haha: Va ta civèɗ a ndohi ga, a ta da slèbèrdyè.

Exode 9:33

Aman Moise a njèkede Pharaon ma, a ndo auda te kokwar, a ntsu ri a Zhiklè. A ntsi iyam a vandzal ta gi asaɓai, a iyam a nɗal na te kokwar Egypte.

Esaie 19:10

Ndohi ntsi maslaka ta nza, ri a bazlazlam. Ndohi mizlinè tengaʼa ta kuɗi te ndav.

Esaie 5:25

ndav a ndza na Ndo nzi pèc pècèk worworaʼa a gèɗ ndohi nengaʼa. A ngeda ri a géɗ tengaʼa, a mbazl ta. Za a gudzai. Nckondohi tengaʼa ta mana a civèɗ ara koskosai. A Ndo nzi pèc pècèk a gi ndav a géɗ ndohi na genè, a ngeda ri na dai.

Habakuk 3:8

Ndo nzi pèc pècèk a gi ndav a géɗ woyam ɗè? A gi ndzoan a géɗ iyam mbiaʼa ɗè? Aman ka hi a deɓ plèsh ngaya, a géɗ kiki nʼngul ndo ɗè?