Exode 5:22 - Ma Zhiklè

²² A Moise a ntsu ri a Ndo nzi pèc pècèk, a gada: Bi-Zhiklè ka gi skwi ambaɓiaʼa a sam ndohi ngaya ar haha èhèmè? Ka zlindekayè a sam tengaʼa èhèmè?

Exode 5:22 ပူးပေါင်းရင်းမြစ်များ

I Rois 19:10

A nengaʼa a ngaɗa: I gu mizlinè a géɗ Ndo nzi pèc pècèk, Zhiklè bi wuɗai, a srak kumba. Ndohi Israel ta jèkeda nderzlè-ma ngaya. Ta mbeɗda sam mvi skwi a Zhiklè a hi tèlèba, a ta bazl ta ndohi nhadka ma a tsakwal. Njèkè staɗ, iyè genè. A ta woy a ta zeday nshèffè ga.

I Rois 19:4

Géɗ va na a ndo na hèshèkèɗ, a vak a civèɗ pats staɗ, te deɓaʼa a nʼnzahai a verzi wof tusntusaʼa, a nzhun na.

Psaumes 73:25

Ngiɗè a zhè man i ngots te zhiklè te géɗèʼa dè? Sèi ka man i ngotso. Aman i ngats ka genè, i jhèɗè skwi tʼherkeda azɓai.

Exode 17:4

A Moise a ntsu rai, a kuɗi a sam Ndo nzi pèc pècèk, a ngaɗa: I da gi ma kè a ndohi haha? Njèkè kètè genè, a ta kalyè a kwa.

Jérémie 12:1

Ndo nzi pèc pècèk, ka zura gokwèn. I slaha a i ga ka ma a va azɓai. A nasa ba, i woy a nga verslè a ka genè: Ndohi nderɗe Zhiklè ta nzi a gumi èhèmè? Ndohi nʼngwèdè ndo, skwa a ga ta azɓi èhèmè?

Jérémie 20:7

Ndo nzi pèc pècèk, ka tavassayè a gèɗ ntèvèshè, a i co arsa. Ka gsyè a wuɗai a ka fenyè. Ko wawa ta ngwossahayè, a ta livyè.

Jérémie 4:10

A i gaɗa: Ai, ai, ai, Bi Zhiklè Ndo nzi pèc pècèk! A vava ka ngwode ta ndohi Jérusalem. Ka gaɗa ta: I da mbél kinè! Aman tsakwal a bazl nga!

Habakuk 2:3

Skwi a da rka ka a di a ma dai, ndikèmaʼa a herdeka va, a ngwèdè azɓai. Ko a nzi dai, zhoro! A da gi a vava, a da gi ndèzl.

Nombres 11:11

A Moise a ngaɗa na Ndo nzi pèc pècèk: Ka gi skwi ambaɓiaʼa a sam ɓèl ngaya èhèmè, a i ngatsa pombi a sam di ngaya ɓi èhèmè, a ka gay matakwan a ndohi haha èhèmè?

Josué 7:7

A Josué a ngaɗa ta: Ai, ai, ai – Bi Zhiklè, Ndo nzi pèc pècèk, ka nde ta ndohi haha auda te woyam Jourdain, a ka pa nga a ri ndohi Amor a ta bazl nga èhèmè? Dara man agassa nga nza tʼwud woyam Jourdain!

I Samuel 30:6

A David a nsau matakwan kumba, ndohi ta woya ta kèlè a kwa. Ndav a ndza ta a ndohi tèlèba a gèɗ wudahi a dalahi ta. Aman David a mpu ndav na a Ndo nzi pèc pècèk, Zhiklè na.