Exode 40:34 - Ma Zhiklè

³⁴ A vanai a nʼnza a géɗ gi nkezlaʼa, a nʼnjèl Ndo nzi pèc pècèk a nʼndha gai.

Exode 40:34 ပူးပေါင်းရင်းမြစ်များ

II Samuel 7:6

Daga man i helka ta ndohi Israel auda te kokwar Egypte, ha patsna, i nza a gi ɓai, i sawala te gi maslaka genè.

II Chroniques 5:13

Aman ta tsu tolom a ta slu dimèsh, a cinè ara daʼai ndo staɗ, a nslébèr-dè a nʼnjèl Ndo nzi pèc pècèk. Aman ta hüno ntsi tolom, a ta tsi ganzavar a tèzlèzlèu a ta fu dimèsh nshid gèɗ a Ndo nzi pèc pècèk: aman nengaʼa amba, a pombi nengaʼa a nzi a mèdèp; vani nʼndha te gi Zhiklè.

II Chroniques 7:2

Ndohi mvi skwi a Zhiklè ta slaha ta dè a gi Zhiklè ɓai, te man nʼnjèl Ndo nzi pèc pècèk a nʼndha gi Zhiklè.

Psaumes 26:8

Ndo nzi pèc pècèk, gi man ka nzi a pa, ambahayè, sam man nʼnjèl ngaya a zhè a pa.

Exode 14:24

A prèk Ndo nzi pèc pècèk a mpaka di a hi a géɗ ndohi Egypte, te va vani njèraʼa, a mpa ta zlau a géɗ a ndohi Egypte tèlèba,

Exode 16:10

Aman Aaron a ngaɗa ta nhèyè ndohi Israel tèlèba ar haha, ta ngwoda gèɗ ta a deɓa a ndev hèshèkèɗ, a ta rka nʼnjèl Ndo nzi pèc pècèk a ngudoko ta va a dai te va vanai.

Exode 25:8

A ta gayè sam nkezlaʼa, aman i nzi a sam tengaʼa.

Exode 29:43

I woy a nga zli gèɗ a ndohi Israel a pa, a i kezla samaʼa a nʼnjèl ga.

Exode 33:9

Aman Moise a ndo a gi nkezlaʼa, sak vani njèraʼa a mshkèhai, a nzlatsa a ma gi nkezlaʼa. A Ndo nzi pèc pècèk a ngaɗka na Moise.

Esaie 57:15

Nengaʼa man mbiaʼa man a nzi te géɗèʼa, man a nzi a géɗ sam nʼnzi ɓai a mèdèp, nzlembaɗ nengaʼa nkezlaʼa, a goɗ ara haha: I nzi a géɗ sam nʼnzi ɓai te géɗèʼa, i nkezlaʼa. I zhè a sam ndohi man ta manda gèɗ a hai, a ndav ta a mbeɗè. I menda na ndav a pa a ndo man a manda gèɗ a hai; a i slambaɗda na gèɗ a ndo man ndav na a mbedè.

Esaie 6:4

A ntamagai a nlüvko ma a deɓa; a gi a nʼndhe na a vodzok.

Ezéchiel 10:4

A nʼnjèl Ndo nzi pèc pècèk a mshkè auda a géɗ chérubimhai, a ndo a géɗ ntamagi gi Zhiklè, a gi Zhiklè nʼndha a vanai; aman gala nʼndha a nʼnjèl Ndo nzi pèc pècèk man a si dai.

Lèv. 16:2

Gada na Aaron, kramam ngaya, do do a sam nkezlaʼa a deb maslaka, a sam skwi mpizlè ma koti pèc pècèk bai. Man bai a da metsi na, aman i da zhè a gèɗ skwi mpizlè ma koti.

Aggée 2:7

A i gudzeda ndohi herkeda, a ndohi herkeda tèlèba ta da hulkoɗi skwi mèshèlè a gi man i da gi a haha a nʼnjèlè, Zhiklè bi mbiaʼa a gaɗa.

Aggée 2:9

Nʼnjèl gi haha man a ma a da fena nʼnjèl ngedas na sa, Zhiklè bi mbiaʼa a gaɗa. I woy a i vi skwi mʼmbél ndo a sam haha, Zhiklè bi mbiaʼa a gaɗa.

Nombres 7:89

Aman Moise a ndo a gi mɓicè-va, aman ta gèdè a Ndo nzi pèc pècèk, a ntsena ngèɗè man a gaɗka na a géɗ skwi mpizlè ma koti man ma kita te pa, te ndev chérubimhi cèw. Ndo nzi pèc pècèk a ngaɗa na.

Romans 9:4

Tengaʼa wud Israel. Nʼnjèlè a nderzlè-ma Zhiklè a tengaʼa; ta ngots ma kita, a mizlinè Zhiklè a ma mpèsl rai.

Apocalypse 15:8

A gi Zhiklè nʼndha a vodzok nʼnjèl Zhiklè a wuɗi na, ndo a slaha a ndè a gi Zhiklè azɓai, ha ta ndeva mizlinè matakwan golahi tsaraɗ.

Apocalypse 21:3

A i tsena ngèɗè mbiaʼa a sam nʼnzi bi Zhiklè, man a gaɗa: Na haha, gi Zhiklè a zhè a sam ndohai! Bi Zhiklè a da nzi a sam tengaʼa, a tengaʼa ta da gi a ndohi nengaʼa, Zhiklè a ri na a nzi a sam tengaʼa, Bi Zhiklè ta.