Exode 40:13 - Ma Zhiklè

¹³ a ka va na maslaka nkezlaʼa a va Aaron, a ka faɗa na mbar a gèɗ, a ka pu a mizlinè Zhiklè, aman a gi a ndo mvi skwi a Zhiklè a sam ga.

Exode 40:13 ပူးပေါင်းရင်းမြစ်များ

Exode 28:41

A ka va ta a va a nda Aaron a wudahi nengaʼa, a ka faɗa ta mbar a gèɗ, a ka ndha ta ri tengaʼa, a ka pe ta a sam mizlinè Zhiklè, a ta gi a ndohi mvi skwi a Zhiklè.

Exode 29:7

Co mbar man ta fèɗè a deb skwai, bada na a gèɗ, a ka faɗa na a gèɗ arsa.

Exode 40:14

A wudahi nengaʼa ba ta shkè, a ta zlècè, a ka va ta suɗkova a va.

Esaie 61:1

Mèzhèɓ Bi Zhiklè a zhè a géɗ ga. Nengaʼa a mfaɗayè mbár a gèɗ, a nzlindyè, aman i njè ta ma mbelaʼa a mbelaw ndohai, aman i bid ta ndohi man ndav ta a kuɗai, a i njè ta ndohi dangai, a ta pra ma, a ndohi ndzawaʼa, a skwi ndzaw ta matsa mpra ma;

Lèv. 7:35

Nasa skwi man Aaron a wudahi nengaʼa ta ngècè te va skwi man ndohi ta va na Zhiklè te vogwa, man ta ngots a pats man ta pe ta a mizlinè mvi skwi a Zhiklè.

Lèv. 7:36

Nasa skwi man Ndo nzi pèc pècèk a mva ta a pats man a bada ta mbar a gèɗ, a skwi man ta ngècè te ri ndohi Israel a mèdèp, te verzi wud wud ta a ma ma.

Lèv. 8:13

Te deɓaʼa Moise a mbaha ta wudahi Aaron, a mpa ta suɗkova a va, a ndzawa ta hwaɗ a skwi deɓa, a mpa ta pokwa a gèɗ, ara man Ndo nzi pèc pècèk a gada na Moise.

Jean 17:19

I kezla ndav ga a ri ga a gèɗ tengaʼa, aman ndav tengaʼa ba, nkezla te ma nzuraʼa.

Jean 3:34

Ndo man Zhiklè a zlündo, a gèɗè ma Zhiklè. Zhiklè a vi Mèzhèɓ na a livè azɓai.

Hébreux 10:10

Te skwi man a woyaʼa haha, ndav nga nkezla sak staɗ te deɓaʼa klèng, te Yèsu Kristi, man a vau va na.

Hébreux 10:29

Va-huro, kita mbiaʼa holholaʼa ndo a ngècèʼa, aman a mbatsaha kra Zhiklè a sak, a nrka Pombaz nderzlè-ma, te nengaʼa man a gaʼa a ndo nkezlaʼa, ara skwi nlizhèa, a nderɗe Mèzhèɓ pombi Zhiklè.

1 John 2:20

Aman kin ngots Mèzhèɓ Zhiklè, a kin nza te nengaʼa nkezlaʼa, a kin tèlèba kin sun ma nzuraʼa.

1 John 2:27

A Mèzhèɓ Zhiklè man kin ngotso te ri nengaʼa a nzi a sam kinè; ko man ndo ngiɗè a slebda kinè ɓai, Mèzhèɓ man kin ngotso a senda kinè skwi tèlèba, zuraʼa, ncèkèlma ka ɓai. Ara man Mèzhèɓ Zhiklè a senda kinè, va-nza te nengaʼa!