Exode 36:2 - Ma Zhiklè

² A Moise a mbaha na Betsaleel; a Oholiab, a ndohi man ta sun maya mizlinè, man Ndo nzi pèc pècèk a mva ta maya nslebi mizlinè tsaɗ tsaɗ, tèlèba man ndav tengaʼa a ngra ta, to do a sam nengaʼa a ta giaʼa.

Exode 36:2 ပူးပေါင်းရင်းမြစ်များ

I Chroniques 28:21

Na haha ndohi man ta vi skwi a Zhiklè, nʼngél va ndohi Lévi man ta gi mizlinè te gi Zhiklè. Ndohi arsa ta zhè, aman ta gi mizlinè tèlèba, a ndav tèlèba, a ta sun maya mizlinè gi Zhiklè, a ta takaha ka, a tsuvomhi ndohi tèlèba, man ta gi skwi tèlèba, ara man ka gaɗa ta.

I Chroniques 29:5

Guro a zhè, a ta gi skwi guro a vna, verzhègenè a zhè, a ta gi skwi verzhègenè a vna. Ndohi nsun maya mizlinè sa tèlèba ta da giaʼa. A patsna ndo man a woya a nva na skwi a Ndo nzi pèc pècèk, a ndav man a wuffè, wa?

Exode 25:2

Gada ta ndohi Israel, a ta tsakalkay skwai: Ndo staɗ staɗ da tsakalkay skwi ara man ndav nengaʼa a woyaʼa.

Exode 25:40

Gu maya, aman ka da gu skwi tèlèba lèmèlèmè ara skwi nlèmdèʼa man i da ngra ka a géɗ za.

Exode 28:3

Goɗ a ndohi tèlè man maya ta ta zhè, man i va ta maya nslebi skwai, a ta gi maslaka Aaron, a ta faɗa na mbar a gèɗ, a ndi a ndo mvi skwi a Zhiklè.

Exode 31:6

Na haha i va na Oholiab, kra Ahisamac, te verzi Dan, a tsagai. A i va ta maya nslebi skwi a ndohi man ta ngots maya te gèɗ, aman ta gi skwi tèlèba ara man i njè ka a gèɗ.

Exode 35:10

A ndohi tèlèba a sam kinè, man maya mizlinè tengaʼa a zhè, da shkè, a ta gi skwi tèlèba, ara man Ndo nzi pèc pècèk, a njè nga.

Exode 35:2

Mʼmèn 6 kin gi mizlinè. Aman a pats matsaraɗaʼa, pats nshèk va a sam Ndo nzi pèc pècèk. Ndo man a gi mizlinè a pats sa, da mets na.

Exode 36:1

Bethsaleel a Oholiab a ndohi tè-lèba man ta sun maya mizlinè, man Ndo nzi pèc pècèk a mva ta maya, a mwosl ta, a ta sun ngiaʼa, da gu mizlinè tèlèba a sam nkezlaʼa, zuraʼa lèmèlèmè ara man Ndo nzi pèc pècèk a njè ta.

Exode 36:3

A ta hul skwi man ndohi Israel ta tsakala a ngi mizlinè a sam nkezlaʼa tèlèba te ri Moise. A prèk a prèk ta hulkoɗi skwi a vaʼa a vaʼa, ara man ta woyaʼa.

Actes 14:23

A ta pau ndohi mɓer ndohai a sam mpi ndohi Zhiklè tèlèba, a ta tsu rai, a ta jèkeda skwi nʼndai, a ta pe ta a ri Bi Yèsu, nengaʼa man ta co a ndav.

Colossiens 4:17

A kin gaɗa na Archippe: Gu maya aman ka gi mizlinè man ka ngots te ri Bai Yèsu, a ka gau!

Hébreux 5:4

Ndo a slaha a nslébèrdè va na, man a gaɗa: ‘i bi ndohi mvi skwi a Zhiklè’, azɓai, sèi Zhiklè a mbaha na, lèmèlèmè ara Aaron.