Exode 35:35 - Ma Zhiklè

³⁵ A mva ta maya nslebi mizlinè, a gèɗ, a ta gi mizlinè tsaɗ tsaɗ, ara mizlinè mvidè skwai, mizlinè mbèzl wof, mizlinè ntsi maslaka mbelaʼa, ntsi maslaka ndurtsotsoʼa mʼmadzaʼa a nduzoa a vèvèzh, a bata maslaka, ara man ndo nsun ntsi maslaka a giaʼa, a mizlinè tsaɗ tsaɗ, a ta slaha ta hér maya mɓuaʼa.

Exode 35:35 ပူးပေါင်းရင်းမြစ်များ

I Rois 3:12

na haha i gi ara ngèɗ ngaya, a i va ka ndav man a hér maya, man a sun skwai, ara ndo ngiɗè a nʼngatsa zlèzlèa ɓai, ko a ma ma ba azɓai.

I Rois 7:14

Masli sa, ngwozla, kra ngwoz mazai te verzi Nephthali. Bab nengaʼa ndo Tyr, a sun mvidè züdo. A sun maya mizlinè, mwosla te ngi mizlinè haha tèlèba. A nengaʼa a mshkè a sam bi Salomon, a nʼnga na mizlinè haha tèlèba.

II Chroniques 2:14

Mam na te va gwoli Dan, bab na te Tyr. Nengaʼa a sun mizlinè guro, verzhègenè, züdo, kwa a wof a maslaka vèvèzh a ntevaʼa a mʼmadzaʼa, a bata maslaka, nwosla te mpètè skwi tsaɗ tsaɗ tèlèba, te nhér maya mizlinè mèmè tèlèba, man ta jhèɗè a sam na, a nda ndohi nsun maya mizlinè ngaya, a nda ndohi nsun maya mizlinè David, bab ngaya, bi ga.

Job 7:6

Patshi ga ta hi ara wurom ntsi maslaka – auna, auna, skwi man i zhèrè te pa azɓai.

Exode 26:1

Gi nkezlaʼa, gu a maslaka 10, maslaka gogumi ntsentsai, maslaka mʼmadzaʼa, nduzoa a vèvèzh, a chérubimhai, ara man ndo nsun ntsi maslaka mbelaʼa a tsiaʼa. Gu arsa.

Exode 31:3

I ndha ndav nengaʼa a Mèzhèɓ Zhiklè, a maya, a i woslaʼa, a sun ngi mizlinè tsaɗ tsaɗ.

Exode 31:6

Na haha i va na Oholiab, kra Ahisamac, te verzi Dan, a tsagai. A i va ta maya nslebi skwi a ndohi man ta ngots maya te gèɗ, aman ta gi skwi tèlèba ara man i njè ka a gèɗ.

Exode 35:31

a nʼndha ndav nengaʼa a Mèzhèɓ Zhiklè, a maya, a sun nslebi mizlinè a maya mizlinè tsaɗ tsaɗ,

Exode 36:1

Bethsaleel a Oholiab a ndohi tè-lèba man ta sun maya mizlinè, man Ndo nzi pèc pècèk a mva ta maya, a mwosl ta, a ta sun ngiaʼa, da gu mizlinè tèlèba a sam nkezlaʼa, zuraʼa lèmèlèmè ara man Ndo nzi pèc pècèk a njè ta.

Esaie 28:26

Skwi man ta sun ngi aranta, Zhiklè a ngra ta, a nsenda ta.

Esaie 38:12

Ta ndi gi ga, ta dè a sam ngiɗè ara ndohi nwèr skwai. Nshèffè ga ara maslaka man ndo ntsi maslaka a mpaɗaʼa, a nzlokodauda te gormbi ntsi maslaka. Pats a kalahay ɗè, sam a cidahay ɗè, i zhuwa a ma gi dzavai.

Actes 19:6

Aman Paul a nfa ta ri a gèɗ, Mèzhèɓ Zhiklè a mshkè a géɗ tengaʼa, a ta goɗ ma a néʼèn tsaɗ tsaɗ, a ta hodko ma.

Actes 19:8

A Paul a mdo a gi njèngè ma Zhiklè, a njè ma Zhiklè, a njè ta ma auda tèlè, ki makar, a nsenda ta, a nʼngreda ta ma kokwar Bi Zhiklè.

1 Corinthians 1:5

Te nengaʼa kin nda a ndohi mèshèlè te skwi tèlèba, te ma tèlèba, te skwi man kin sun tèlèba,

1 Corinthians 1:7

Aman a vava, skwi man Zhiklè a viaʼa, man kin ngatsa ɓi ba, azɓai, kinè man kin zhèr man Yèsu Kristi, Bi nga, a gudoko nga va a dai.

1 Corinthians 12:12

Lèmèlèmè ara va staɗgenè a zhè, a nfèfènvahi nengaʼa kumba, nfèfènvahi tèlèba, va staɗgenè, lèmèlèmè Kristi.

1 Corinthians 12:4

Skwi nte Mèzhèɓ Zhiklè, tsaɗ tsaɗ; aman Mèzhèɓ staɗgenè.

1 Corinthians 12:8

Ndo ngiɗè a nʼngots te Mèzhèɓ, aman a gèɗè ma maya; ndo ngiɗè man a pèr ma auda te Mèzhèɓ sa;

Galates 3:2

I woy a i shinè te ri kinè: Kin ngots Mèzhèɓ Zhiklè a géɗ man kin jèjèr ma kita Zhiklè ɗè, ɗè a géɗ man kin dzodzor ma ncè-a-ndav ɗè?

Galates 3:5

Aman Zhiklè a va kinè Mèzhèɓ, a gi skwi mbiaʼa te ndav kinè aranta, a giaʼa a géɗ man kin jèjèr ma kita ɗè, ɗè a géɗ man kin jèjèr ma ncè-a-ndav ɗè?

1 Timothy 3:15

Te deɓaʼa ko i nzi dai, ka suna, ara man ka gi mizlinè te gi Zhiklè, nengaʼa mpi ndohi Zhiklè, a Zhiklè man a zhè a nshèffè; nengaʼa sak gai, verzi kwa ma nzuraʼa.

1 Timothy 4:16

Ɓür ndav ngaya ɓür njè-ma ngaya, gso va a skwi haha! Aman ka gi arsa, ka mbél ngaya, a ka mbel ta ndohi man ta tsena ma ngaya.

2 Timothy 2:15

Gu maya maya, ngreda va ngaya auda a sam Bi Zhiklè ara ndo mizlinè nzuraʼa, ma az a gèɗ ngaya ɓai, aman ka njè ma zuraʼa tsarayaʼa.