Exode 35:21 - Ma Zhiklè

²¹ Te deɓaʼa ta shkè, staɗ staɗ tèlèba, ara man ndav nengaʼa a ngra na, man a fi gèɗ a Mèzhèɓ te ndav na, a ta cko skwi man ta va na Ndo nzi pèc pècèk, a ngi gi nkezlaʼa a vna, a mizlinè tèlèba te pa, a maslaka nkezlaʼa ba.

Exode 35:21 ပူးပေါင်းရင်းမြစ်များ

II Samuel 7:27

Aman ka, Ndo nzi pèc pècèk, Zhiklè bi wuüai, Zhiklè ndohi Israel, ka ngreda na ɓèl ngaya, a ka gaɗa: I woy a i tila ka gai. A géɗ nengaʼa ɓèl ngaya a sassaya di na, a tsi ri a sam ngaya arsa.

I Chroniques 28:2

Te deɓaʼa, bi David a nzlatsa te ndev nhèyè ndo, a ngaɗa: Va-tsena ma ga, kramamhi ga, ndohi ga! I hur i gaɗa i da rèm gi nshèk va a koti nderzlè-ma Ndo nzi pèc pècèk, sam nfi sak a Zhiklè nga. I tilda skwi a hi kumba a géɗ gi sa.

I Chroniques 28:9

Aman ka, Salomon, kra ga, sun Zhiklè bab ngaya, gu mizlinè nengaʼa a ndav nzuraʼa, a ndav tèlèba. Aman Ndo nzi pèc pècèk a wuzhè ndav ndohi tèlèba, a sun skwi man ndohi ta hérèʼa. Aman ka da hèshèʼa, ka da ngècèʼa. Aman ka da jèkeda, a da kwol ka a mèdèp.

I Chroniques 29:14

I wa – ndohi ga wa, aman nga slaha nga va ka skwi aranta a ndav tèlèba? Skwi tèlèba nga ngots te ri ngaya, a nga va ka a deɓa.

I Chroniques 29:3

A géɗ man i wuffè a géɗ gi Zhiklè ga, skwi ga man i ngotso tèlèba, guro a verzhègenè, i pa na va skwi man i ɓüco ma, a ta rèm gi Zhiklè nkezlaʼa.

I Chroniques 29:8

Tengaʼa man ta ngots kwa, ta pa na va skwi mèshèlè gi Ndo nzi pèc pècèk, a ri a Jehiel, ndo Guershon.

I Chroniques 29:9

Ndohi ta wuffè a géɗ skwi tèlèba man ta va na Ndo nzi pèc pècèk, a ndav tèlèba. A bi David ba a wuffè holholaʼa.

Esdras 2:68

Tsuvom ndohi te verzi ngiɗè, man ta shkè a sam gi Zhiklè te kokwar Jéru-salem, ta tsakala skwi a géɗ gi Zhiklè, aman ta da rèmè a sam nshèlèkuraʼa zaʼa.

Esdras 7:27

I shid gèɗ a Ndo nzi pèc pècèk, Zhiklè babhi nga, aman a ngra na bai te ndav na, aman a njèl gi Ndo nzi pèc pècèk man a zhè te Jérusalem;

Psaumes 110:3

Ka bi te nyekad ngaya, a nʼnjèlè nkezlaʼa. A pats man ka jèkeda wa mam ngaya, wuɗi gola ngaya a zhè ma.

Exode 25:2

Gada ta ndohi Israel, a ta tsakalkay skwai: Ndo staɗ staɗ da tsakalkay skwi ara man ndav nengaʼa a woyaʼa.

Exode 35:20

A mpi ndohi Israel tèlèba ta jèkeda Moise a pa a to do ta.

Exode 35:22

Ngurhi a ngwozai ta shkè: ta tèlèba man ndav tengaʼa a ngra ta, a ta hulkoɗi dasirai, skwi zlembaɗ, tèslrai, a skwi wi ngiɗè, skwi wi guro tsaɗ tsaɗ, tèlèba man ta feda skwi guro a hai a ta va na Ndo nzi pèc pècèk.

Exode 35:26

A ngwozi tèlèba man ta woya a ndav ta, a ta sun maya sa, ta min gwots ɓok.

Exode 35:29

Aranta ndohi Israel ta va na skwi a Ndo nzi pèc pècèk, ara man ndav tengaʼa a ngra ta, a ta vau a mizlinè tèlèba, ara man Ndo nzi pèc pècèk a gaɗa na Moise, aman ta giaʼa.

Exode 35:5

Va-tsakala skwi kinè, a kin va na Ndo nzi pèc pècèk! Staɗ staɗ tèlèba ara man ndav nengaʼa a ngra na, da ckoɗa skwi man a va na a Ndo nzi pèc pècèk: Guro, verzhègenè, züdo.

Exode 36:2

A Moise a mbaha na Betsaleel; a Oholiab, a ndohi man ta sun maya mizlinè, man Ndo nzi pèc pècèk a mva ta maya nslebi mizlinè tsaɗ tsaɗ, tèlèba man ndav tengaʼa a ngra ta, to do a sam nengaʼa a ta giaʼa.

Proverbes 4:23

A géɗ skwi tèlèba, ɓüro ndav ngaya, a nshèffè mbelaʼa a shkè auda te pa!

Jérémie 30:21

Bi tengaʼa a mshkè auda te tengaʼa, tsuvom tengaʼa a myu te pa. I gaɗa na: herdkay va, a nengaʼa a da herdkay va. Nherdkay va, man i gaɗa na ɓi wa? Ndo nzi pèc pècèk a gaɗa.

Matthew 12:34

Wud tsebarhai! Kinè ambaɓai, kin slaha kin gèɗè ma man amba dè? Aman te skwi nʼndha te ndav, ma a gèɗèʼa.

2 Corinthians 8:12

Aman ndo a wuffè a géɗ mvi skwi man a ngotso, ambaha Zhiklè. Zhiklè a jhèɗè skwi man a ngatsa ɓai, ka ɓai.

2 Corinthians 9:7

Ndo staɗ staɗ da vau ara man a woya a ndav na, a ndav man a vi skwi a mwuffè te ndav, nengaʼa ambaha Zhiklè.

Juges 5:12

Débora, ciɗa di ngaya, cida di ngaya, cida di ngaya, cida di ngaya a ka slu dimèsh! Barak, slambaɗa, ka kra Abiram, par ta tengaʼa man ka gs ta!

Juges 5:3

Kinè bihai, va-tsenaʼa! Kinè mbibihiaʼa, va-fu zlembaɗ! Iyè man i woy a i tsi ganzavar a Ndo nzi pèc pècèk, Zhiklè Israel, a i sli dimèsh a deɓaʼa.

Juges 5:9

Ndav ga a wuffè a géɗ slagamhi Israel, a géɗ ndohi man ta gsa ndav ta a vna. Vashüd gèɗ a Ndo nzi pèc pècèk!