Exode 34:5 - Ma Zhiklè

⁵ A Ndo nzi pèc pècèk a mshkèhai te va vanai, a nzlatsa a tsagi nengaʼa, a mboho nzlembaɗ na.

Exode 34:5 ပူးပေါင်းရင်းမြစ်များ

Psaumes 102:21

aman a tsena kuɗ ndohi te ɓèlè, aman a preka ta ndohi auda, man ta pe ta a ri a mʼmetsai;

Exode 19:18

Za Sinai te va vodzok, a géɗ man Ndo nzi pèc pècèk a mshkè te va vogwa. A vodzok a ndo a géɗèʼa, ara vodzok gezla. Za tèlèba a gidè va, a vata.

Exode 19:9

A Ndo nzi pèc pècèk a ngaɗa na Moise: Na haha i da shkè a sam ngaya te va vanai ngalngalaʼa, a ndohi ta da tsena, aman nga gèɗè a ka, a ta da fi gèɗ a ka a mèdèp. A Moise a mʼmenda ta ma Ndo nzi pèc pècèk a ndohi Israel.

Exode 23:21

Gau maya a géɗ ngaya, a sam na; fu gèɗ a ngèɗè nengaʼa, ka Sala va a sam na bai. Aman kin da tèwèɗè ma nengaʼa, a da pra kinè mali kinè azbai. Aman iyè, te nengaʼa.

Exode 33:19

A mʼmbeɗa na a ma: I woy a i bizhdè pombi ga tèlèba a sam di ngaya, a i woy a i bèhè nzlembaɗ Ndo nzi pèc pècèk a ma ngaya. A ndo man i va na pombai, a nʼngots pombai a vava; a ndo man a siyè te va, a siyè te va a vava.

Exode 33:9

Aman Moise a ndo a gi nkezlaʼa, sak vani njèraʼa a mshkèhai, a nzlatsa a ma gi nkezlaʼa. A Ndo nzi pèc pècèk a ngaɗka na Moise.

Proverbes 18:10

Nzlembaɗ Ndo nzi pèc pècèk nara gi ndakmaʼa. Ndo nzuraʼa a hi a pa, a ngècè sam nlèaʼa.

Esaie 1:10

Kinè bihi Sodome, va-tsena ma Ndo nzi pèc pècèk! Kinè ndohi Gomorrhe, vafu zlembaɗ a ma kita Zhiklè nga!

Nombres 11:17

Te debaʼa i da shkè hai, a i da gada ka a pa. A i ce te va mèzhèɓ man a zhè a géɗ ngaya, a i va ta a géɗ a tengaʼa, a ta zhüɓ skwi mwuɗit pa a sam ndohai a nda ka, ka a géɗ ngaya ka bai.

Nombres 11:25

A Ndo nzi pèc pècèk a mshkèhi te va vanai, a ngaɗa na: A mco te va mèzhèɓ a gèɗ Moise auda, a mpa ta a gèɗ ndohi 70, ndohi nhalaʼa. Aman mèzhèɓ a zhè a gèɗ tengaʼa ma, ta hüno a ta hodko ma: aman to do a ma ma a vna bai.

Nombres 12:5

A Ndo nzi pèc pècèk a mshkèhi te va vanai, a nzlatsa a ntamagi Zhiklè. Te deɓaʼa a mbaha ta nda Aaron a Miriam. Ta shkè auda cèw ba.

Nombres 14:17

Anai geda wuɗi ngaya mbiaʼa auda, bi ga, ara man ka gaɗdahai.

Deutéronome 32:3

I woy a i njè nʼnjèl Ndo nzi pèc pècèk, vo-slubordo Zhiklè nga!

I Samuel 3:18

A Samuel a nʼngreda na tèlèba, a nʼngheda skwa ɓai. Eli a ngaɗa: Nengaʼa Ndo nzi pèc pècèk. Da gu ara man ambaha.