Exode 34:26 - Ma Zhiklè

²⁶ Skwi mbelmbelaʼa, skwi nshèlèkuraʼa te gi dau ngaya, ka ckoɗa gi Ndo nzi pèc pècèk, Zhiklè ngaya. Ka tu kra ɓok te wa mam na bai!

Exode 34:26 ပူးပေါင်းရင်းမြစ်များ

Néhémie 10:35

A nga da ckoɗi tsuvom dau nga, tsuvom nyi wof tèlèba, a mvi a mvai, a gi Ndo nzi pèc pècèk.

Exode 23:19

Te tsuvom skwi gi dau ngaya, makaɓai, ka ckoɗa gi Ndo nzi pèc pècèk, Zhiklè ngaya. Kra ɓok ka ta te wa mam na bai.

Lèv. 23:10

Gaɗa ta ndohi Israel aranta: Aman kin da ndikè a kokwar man i woy a i va kinè, a kin da ɓicè skwi te pa, tsuvom skwi man kin ɓicaʼa, va-da na a ndo mvi skwi a Zhiklè.

Lèv. 23:14

Kin ndau movar, a dau mpinèa, tser dau mbatsaʼa bai, ha pats man kin va na skwi a Zhiklè kinè ma. Nasa ma nkwèr kinè te verzi wud wuda kinè a mèdèp, a sam tèlèba man kin nzi a pa.

Nombres 15:20

Te va dau nshèlèkuraʼa, kin cè movar a kin va na, kin cè auda te va dau man a hedak. Nasa man kin cè auda.

Nombres 18:13

Nengaʼa nshèlèkur skwi gi dau ta tèlèba, man ta va na Zhiklè. A ngaya. Ko wawa man te gi ngaya, man a nlizha ndav bai, a ndiaʼa.

Matthew 6:33

Va-hur kokwar-Bi-Zhiklè a ngi-zura nengaʼa nshèlèkuraʼa, a kin ngècè skwi haha tèlèba a deɓaʼa.

1 Corinthians 15:20

Aman antanta Kristi a nslambaɗkaɗauda te ndev ndohi mʼmetsaʼa, nʼngaʼa a tsuvom ndohi mʼmetsaʼa.

Deutéronome 14:21

Skwi mʼmets mʼmetsai kin ndau ɓai! Va na ndo mbrok te kokwar ngaya, man ɓai pra na ndo man verzi na tsaɗ! Aman kinè ndohi nkezlaʼa a sam Ndo nzi pèc pècèk, Zhiklè ngaya. Kin tau kra ɓok te wa mam na ɓai!

Deutéronome 26:10

A kin tsi rai: na haha, Ndo nzi pèc pècèk, i helka tsuvom skwi gi dau, makaɓai, tʼherkeda man ka va nga. Ka da fedahi a sam Ndo nzi pèc pècèk, Zhiklè ngaya, ka da kèlèhi a deɓ sak Ndo nzi pèc pècèk, Zhiklè ngaya.

Deutéronome 26:2

ka da hul te tsuvom skwi gi dau ngaya, makaɓai, tʼherkeda man Ndo nzi pèc pècèk, Zhiklè ngaya, a va ka, a ka pi a gadagar, a ka dè a sam man Ndo nzi pèc pècèk, Zhiklè ngaya, a ngotskoɗauda, a nzlembaɗ na a nzi a pa.

Jacques 1:18

Ara ndav nengaʼa man a woyaʼa, a nge nga a ndohi nzuraʼa, te ma nzuraʼa; a nga ga a tsuvomhiaʼa te skwi man a gau.