Ka gu skwi ambaɓiaʼa kumba, a fena ndohi mpats ngiɗè tèlèba. Ka gu zhiklèhi ngaya, a ka vüɗo skwi mʼmbèh skwai, a ka pokoy gèɗ ndav auda a vna, a ka ngwoday deɓa.
Tsam-tsam ta jèkeda civèɗ man i ngra ta. Ta gau marai a ta tsu ri a nengaʼa, a ta zla na skwai, a ta gada: Na haha zhi-klèhi ngaya, Israel, tengaʼa man ta helka ka auda te kokwar Egypte!
Ndo staɗ staɗ tèlèba, nrzla, maya na azɓai, ndo mviɗè guro tèlèba, skwi mbèh skwi tengaʼa a pa ta hori a dai. Aman skwi man a vɗɗo, skwi ncèkèlma, nshèffè a te tengaʼa ɓai.
Ndo man a viɗè skwi mbèh skwai, a rèm skwi mbèh skwai, man a ndara na Ndo nzi pèc pècèk, skwi man ri ndo a ngau, a nʼngheda a sam ngidè – da phomda! A ndohi tèlèba ta da mbeda na a ma a ta gaɗa: Amen!
A nengaʼa a mva na Suli gozhèm 110 a deɓa a mam na, a mam na a ngaɗa: Suli ga i fedahi a sam Ndo nzi pèc pècèk te va nasa a ri ga, a géɗ kra ga, a ta da gi a skwi mbèh skwai, a ta vidè a vrai. Anai i va ka a deɓa.
