Exode 34:15 - Ma Zhiklè

¹⁵ Ka da derzla ma a ndohi kokwar sa bai! Aman ta vi ndav ta a zhiklèhi ta, a ta zli skwi a zhiklèhi ta, a ta baha ka a pa, wa ngiɗè ba, a ka da ndi vri tengaʼa.

Exode 34:15 ပူးပေါင်းရင်းမြစ်များ

I Chroniques 5:25

Aman ta gu mphömè a sam di Zhiklè bab ta. Ta dzodzor zhiklèhi mʼmbèh skwi ndohi kokwar man Zhiklè a gedas ta aussa a ma tengaʼa.

Esdras 6:9

A skwi man ta ndara na Zhiklè te zhiklè te géɗèʼa: marai, drok, wud tambak, dau, boma, barassa, mbar, ara man ndohi mvi skwi a Zhiklè te Jérusalem ta ngra ta, sèi ta va ta a nciɗ sam a nciɗ sam ndèzl, skwi nhtsaʼa ka ɓai,

Esdras 9:12

Gar haha kin va ta dalahi kinè a ngwoz a wudahi tengaʼa ɓai, kin woy dalahi tengaʼa a ngwoz a wudahi kinè ɓai. Kin derzla va a tengaʼa ɓai a mèdèp, kin woy skwi mèshèlè tengaʼa ɓai! A kin ngècè wuɗai, a kin ndi skwi nʼndi mbelaʼa te pa, a wudahi kinè ta ndi kokwaraʼa a mèdèp.

Psaumes 106:28

Te deɓaʼa ta gso va a Baal-Peor, ta ndau vrai,

Psaumes 73:27

Na haha, ndohi man ta hi ta auda a sam ngaya, ta zi ta. Tengaʼa man ta jèke ka, ka gedas ta tèlèba.

Exode 22:19

Ndo man a nzi a deɓa a skwi kudom, sèi ta keɗaʼa.

Exode 22:20

Ndo man a pil gèɗ vrai a zhiklè ngiɗè, a Ndo nzi pèc pècèk stadgenè ka ɓai, sèi ta da phomda.

Exode 23:32

Ka da derzla va a tengaʼa a zhiklèhi tengaʼa bai!

Exode 32:8

Tsam-tsam ta jèkeda civèɗ man i ngra ta. Ta gau marai a ta tsu ri a nengaʼa, a ta zla na skwai, a ta gada: Na haha zhi-klèhi ngaya, Israel, tengaʼa man ta helka ka auda te kokwar Egypte!

Exode 34:10

A Ndo nzi pèc pècèk a ngaɗa na: Na haha nga derzla ma a ka: I woy a i gi nrkedi a sam ndohi ngaya tèlèba, ara man nʼnga bai zlèzlèa, a géɗ herkeda tèlèba, a sam ndohi ngiɗè tèlèba; a ndohi tèlèba man ka zhè a sam ta, ta da rka skwi man Ndo nzi pèc pècèk a giaʼa. Aman i da gi skwi mwuɗitpa a sam ngaya.

Exode 34:12

Gu maya, ka da derzla ma a nda ndohi kokwar man ka dè a pa bi kla, man bai a da kalda ka a gadda.

Jérémie 3:9

Mphömè nengaʼa man a gau, a ngedassa kokwar, a ngu mphömè a kwa ba a wof ba.

Osée 4:12

Ndohi ga ta jhèɗè maya a sam mblom, a ta shin skwi te gada mʼmbèh skwai. Mèzhèɓ mbèh skwai a zlakede ta, a ta jèkeda Zhiklè tengaʼa.

Osée 9:1

Israel, ka wuffa ɓai, ndav ngaya da gu langlanga ara ndohi herkeda ngiɗè ɓai, a géɗ man ka jèkeda Zhiklè a ka gu mphömè, a skwi mbalai man ka patseda a hedak tèlèba ambaha ka.

Lèv. 17:7

Anai ta zla ta skwi a madzagihi asaɓai, ara man ta gu halaʼa. Nasa ma nkwèr ta a mèdèp, te verzi wud wuda.

Nombres 15:39

Dzadzaɓi haha da hodko kinè ma nkwèr Zhiklè tèlèba a gèɗ, a kin dzodzora, a kin dzodzor skwi man ndav kinè a di kinè a aztétékè ɓai, a kin jkeda Zhiklè ɓai.

Nombres 25:1

Aman ndohi Israel ta nza te Sittim, ndohi ta hüno ngi mphömè a dalahi Moab.

Nombres 25:2

Ta baha ta ndohi a sam ngolala mvi skwi a zhiklè mbèh skwi tengaʼa, a ndohi ta ndau skwai a ta tsu ri a Baal tengaʼa.

Actes 15:20

Aman sèi da winda ta ɗèlèwèr, aman ta jèkeda mbèh skwai, a mphömè, a skwi mʼmets mʼmetsai, a ta si Pombaz azɓai.

1 Corinthians 10:27

Aman staɗ te va ndohi nte deɓa a baha kinè a skwi nʼndai, a kin woy a kin dè, va-ndau tèièba man ta va kinè, kin dzhoɗ ɓai, a géɗ mèzhèɓ ndav kinè.

1 Corinthians 8:10

Aman ndo ngiɗè a rka, ka ndo man ka sun maya, a ka ndi skwi a sam mʼmbèh skwai, a mèzhèɓ ndav nengaʼa a nʼngots wuɗi di ɓai, a hérè te ndav nengaʼa azɓi ɗè: amba aman i ndi zluèɗ mbèh skwai.

1 Corinthians 8:4

A géɗ nʼndi zluèɗ mbèh skwai nga suna, mʼmbèh skwai, skwi ambalai tʼherkeda. Zhiklè ngiɗè azɓai, na staɗgenè.

1 Corinthians 8:7

Ndohi tèlè ka ɓai, man ta sun maya. Aman tengahi ngiɗè ta ndi, zluèɗ vri pèc pècèk, a mèzhèɓ ndav tengaʼa man wuɗi na azɓai, a lizhè a vna.

Deutéronome 31:16

Ndo nzi pèc pècèk a ngaɗa na Moise: Na haha ka da metsi ngaya, a ka dè a va babhi ngaya. A ndohi haha ta da dè a ta da kèlèhi a deɓ sak zhiklèhi ngidè tsaɗ te kokwar man ta dè a pa. Ta da jèkyè, ta da gi mali a sam nderzlè-ma man i gu a nda ta.

Deutéronome 31:18

Aman iye i ngheda va ga a sam di ta a pats nasa, a géɗ skwi man ambaɓi tèlèba man ta gau, aman ta dzodzor zhiklèhi ngiɗè tsaɗ.

Deutéronome 32:37

Te deɓaʼa a da gaɗa: zhiklèhi tengaʼa ta tema, za man ta nghede va a pa na tema?

Deutéronome 32:38

Tengaʼa man ta ndau mbeza skwi man kin zla ta, man ta sau barassa skwi man kin va ta? A woy ta slèmbèɗè a ta takaha kinè a ta ɓer kinè.

Deutéronome 7:2

aman Ndo nzi pèc pècèk, Zhiklè ngaya, a mpe ta a ri a ka a ka, ka ngul ta, sèi ka phomde ta. Ka derzla ma a nda tengaʼa ɓai, da se ka te va ɓai!

Deutéronome 7:3

Ka gu mèsh a nda tengaʼa ɓai, ko dem ngaya ka va ta a ngwoz a wudahi tengaʼa ɓai, ko dalahi tengaʼa ka co a ngwoz a kra ngaya ɓai!

Josué 23:12

Aman kin jèkeda Ndo nzi pèc pècèk, a kin gshè va a njèkèɗi ndohi herkeda haha, njèkèɗia te va tengaʼa man ta zhè a sam kinè, a kin cè ngwoz a va, a kin humda va a nda ta,

Apocalypse 2:20

Aman skwi man ambahay ɓai a sam ngaya, aman ka va na civèɗ a ngwoz Jézabel, man a hur a gaɗa i ngwoz nhadka ma, a njè ta ɓèlèlihi ga, a zlakede ta, aman ta gi mphömè, a ta ndi vrai.

Juges 2:17

Aman ko a ma ndohi kita ba, ta fa na zlembaɗ azɓai, a géɗ man ta dzodzor zhiklèhi ngiɗè tsaɗ, a ta tsu ri a tengaʼa. Tsam-tsam ta jèkeda civèɗ bab ta, man ta dzodzor Ndo nzi pèc pècèk, man ta fu gèɗ a ma nkwèr nengaʼa. Wudahi tengaʼa ta ga lèmèlèmè ara babhi ta ɓai.

Juges 3:6

Ta cè ngwoz a va, a ta jèjèr zhiklèhi tengaʼa.