Exode 34:10 - Ma Zhiklè

¹⁰ A Ndo nzi pèc pècèk a ngaɗa na: Na haha nga derzla ma a ka: I woy a i gi nrkedi a sam ndohi ngaya tèlèba, ara man nʼnga bai zlèzlèa, a géɗ herkeda tèlèba, a sam ndohi ngiɗè tèlèba; a ndohi tèlèba man ka zhè a sam ta, ta da rka skwi man Ndo nzi pèc pècèk a giaʼa. Aman i da gi skwi mwuɗitpa a sam ngaya.

Exode 34:10 ပူးပေါင်းရင်းမြစ်များ

II Samuel 7:23

Ndohi a géɗ herkeda ngiɗè ta tema, ara ndohi Israel, ndohi ngaya, a géɗ tengaʼa Zhiklè a mdo, a nsumka ta a deɓa a ndohi na, a mva ta nzlembaɗ mbiaʼa, a ngau skwi mbiaʼa mwuɗitpa a géɗ tengaʼa, a ndzam ta ndohi ngiɗè a zhiklèhi tengaʼa auda a ma tengaʼa?

Psaumes 106:22

a gu nrkedi te kokwar Cham, a skwi mwuɗitpa a ma woyam mbiaʼa.

Psaumes 136:4

Nengaʼa man a gi nrkedi mbiaʼa staɗ genè; aman pombi nengaʼa a nzi a mèdèp.

Psaumes 145:6

Ta slefi korassi wuɗi ngaya, a i da njè skwi mbiaʼa man ka giaʼa.

Psaumes 147:20

A ngau arsa a sam ndohi herkeɗa ngiɗè ɓai, a mva ta ma kita nengaʼa a tengaʼa ɓai. Alléluia!

Psaumes 65:5

Mwuffè a sam ndo man ka ngotskoɗauda a ka cèʼa, aman a da nzi te gala ngaya. Nga woy a nga ngècè mpshè ma te gi ngaya, a sam ngaya nkezlaʼa, a nga ngézhè a vna.

Psaumes 66:3

Va-gaɗa na Bi Zhiklè: Skwi man ka giaʼa, wuɗitpa! Mayamhi ngaya ta slebarde ka, a géɗ wuɗi ngaya mbiaʼa.

Psaumes 66:5

Vo-washkè, va-war skwi man Bi Zhiklè a giaʼa, man a gi skwi mwuɗitpa a sam ndohi herkeda.

Psaumes 68:35

Va-sun wuɗi Bi Zhiklè! Nengaʼa a gi bai a géɗ Israel, a wuɗi nengaʼa a zhè te va vanai.

Psaumes 72:18

Ngo-slubordokoy Ndo nzi pèc pècèk, Bi Zhiklè, Zhiklè Israel, man a gi nrkedai, nengaʼa staɗgenè.

Psaumes 76:12

Va-gaɗda ma a hai a Ndo nzi pèc pècèk, Zhiklè kinè, a kin giaʼa ara man kin gaɗda na ma a hai. Ndohi a tsagai tèlèba, sèi ta va na skwi a Zhiklè mwuɗitpa,

Psaumes 77:14

Bi Zhiklè, civèɗ ngaya nkezlaʼa. Zhiklè mbiaʼa ara Bi Zhiklè wa?

Psaumes 78:12

A ngau nrkedi a sam di babhi ta, te kokwar Egypte, te dak Tsoan.

Exode 34:27

A Ndo nzi pèc pècèk a ngaɗa na Moise: Windo ma haha! A géɗ ma haha nga derzla ma nga a ka a Israel.

Exode 34:28

A Moise a nʼnza a pa a sam Ndo nzi pèc pècèk, pats 40 a mʼmèn 40, a nʼnda skwa bai, a nsa iyam bai. A Zhiklè a mwindo nderzlè-ma a deb kwa, ma kula.

Esaie 64:3

ara man ta tsena halaʼa di ɓai. Zlembaɗ ndo a ntsena di ɓai, di ndo a nrka di ɓai, a géɗ Zhiklè ngiɗè ara ngaya, man a takaha ta ndohi man ta pi ndav a vna, a ma ma.

Jérémie 32:21

Ka helka ta ndohi Israel, ndohi ngaya, auda te kokwar Egypte, a nrkedai, a skwi man ka ngreda auda, a ri man wuɗi na zhè, a ri nzlatsedaʼa, a skwi mwuɗitpa mbiaʼa.

Michée 7:15

Ngra nga nrkedi ara man a pats man ka shkè auda te kokwar Egypte.

Deutéronome 10:21

Nengaʼa man ka slébèrdèʼa, nengaʼa Zhiklè ngaya, nengaʼa man a ngau skwi mbiaʼa wuɗitpa, man ka rkaʼa a di ngaya, a géɗ ngaya. Babhi ngaya 70 man to do a kokwar Egypte. Antanta Ndo nzi pèc pècèk, Zhiklè ngaya, a nge ka kumba ara bantihai te giɗfèk.

Deutéronome 32:30

Ndo staɗ a dzam ta ndohi 1.000 azɓai; ndohi cèw ta dzam ta ndohi 10.000 azɓai, sèi man Ndo nzi pèc pècèk a mpe ta a ria kla!

Deutéronome 4:13

A ngreda kinè nderzlè-ma nengaʼa, a njè kinè aman kin jèjèrèʼa, ma kula sa, a mwindeda deɓ kwa cèw.

Deutéronome 9:19

Aman i gu zlau a sam ndzoan Ndo nzi pèc pècèk man a gu ndav a géɗ kinè, ha a woya a gedas kinè. Aman Ndo nzi pèc pècèk a ntsena ntsi ri ga a va zaʼa.

Josué 6:20

A ndohi ta hüno nguzli var, a ta tsu tolom. Aman ndohi mvi skwi a Zhiklè ta tsu tolom, ndohi ta tsu lalau var mbiaʼa, a zlazlar Jéricho a mʼmbeɗ na a nasanasa, a ndohi ta teva a kokwar, staɗ staɗ tèlèba zuraʼa a ma na a ta duma kokwar.