Exode 33:4 - Ma Zhiklè

⁴ Aman ndohi ta tsena ma ndzoan haha, a mbeɗama ta ndav, ndo a vi skwi wi a va azɓai.

Exode 33:4 ပူးပေါင်းရင်းမြစ်များ

II Samuel 19:24

Mephibosheth, kra Saul ba, a mshke, aman a nlamaha bai. Skwa a te sak ɓai, bozozom ntil ɓai, maslaka mpan ɓai, a hün te pats man bai a njèkeda kokwar, ha pats man a mshkè ngwi amba amba.

I Rois 21:27

Aman Achab a ntsena ma haha, a nkuratseda maslaka nengaʼa aussa, a mfeda maslaka sam kuɗa a va, a njèkeda skwi nʼndai. A vaɗ a mʼmanahi a maslaka sam kuɗa a va, a pats a shèwèlè a gèɗ a ndav.

II Rois 19:1

Aman bi Ezéchias a ntsena ma haha, a nkuratseda maslaka nengaʼa aussa, a mfeda maslaka sam kuɗa a va, a ndo a gi Zhiklè.

Esdras 9:3

Aman i tsena ma haha, i kuratsa maslaka ga a dawar ga, i peda ri a gèɗ, a i taɓatsa ma, a i nzahi a ndav.

Job 1:20

Te deɓaʼa Job a nslambaɗa, a nkuratseda maslaka nengaʼa aussa, a nsha gèɗ, a nkalda va na a hi a herkeda, a ntsu rai, a ngaɗa:

Job 2:12

Aman ta pu di dra, ta sun Job ɓai, a ta hüno a ta gi wobau a ta kuratseda maslaka tengaʼa aussa, ta tseda lokotor a va,

Exode 33:6

A ndohi Israel ta peda skwi wi tengaʼa a hai, a ta hinè ngi arsa a sam za Horeb.

Esaie 32:11

Kinè man kin hér gèɗ zlau azɓai, va-gudzau! Zukom dalahai, va-gu zlau! Va-suda na maslaka auda a va, va-nza adai, sèi skwi deɓa genè!

Ezéchiel 24:17

Ɗüsh te ndav genè! Ka tsu nguzlah bai! Paɗa gèɗ ngaya, feda kotokoroh a sak, ka paɗda bozozom a pa bai, a ka ndau ɗaf sam kuɗa, man ta ckoɗa a sam kuɗa ɓai!

Ezéchiel 24:23

Kin pèdè gèɗ kinè, kin pi kotokoroh a sak kinè, kin tsi lalau azɓai, kin kuɗi azɓai; aman kin zi kinè a gèɗ mali kinè, a kin pi di a va a kin rzl kinè a pa.

Ezéchiel 26:16

Bihi a ma woyam tèlèba ta shkè hai a géɗ sam nʼnzi bi ta, ta da suɗa dawar a maslaka man gadabu a pa auda a va. Ta feda maslaka sam kuɗa a va, a ta nzahi a herkeda. Lèk lèk ta gudzi a ta gi zlau ngaya.

Osée 7:14

Ta kuɗau a sam ga a ma genè, a ndav tèlè ka ɓai, aman ta manahi a matakwan. Ta gi zlau a géɗ dau a iyam nyi wof, a ta gi mèdègèɗ a sam ga.

Lèv. 10:6

Te deɓaʼa Moise a ngaɗa na Aaron a wudahi nengaʼa, Eleazar a Ithamar: Kin sha gèɗ bai, kin kuratseda maslaka kinè aussa bai, man bai kin metsi kinè, a ndzoan Zhiklè a shkè a géɗ mpi ndohi tèlèba. Aman kramamhi kinè, ndohi Israel tèlèba, tengaʼa ta slaha ta kuɗai a géɗ vogwa man Ndo nzi pèc pècèk a vatsa a haha.

Jonas 3:6

Aman bi kokwar a ntsena ma haha, a nslambaɗa a njèkeda sam nʼnzi bai, a nsuɗa na dawar auda a va, a mfeda maslaka sam kuɗa a va, a nʼnzahi a va mèrwèc.

Zacharie 7:3

A ta jhèɗè ndohi mvi skwi a Zhiklè te gi Zhiklè bi mbiaʼa, a ndohi nhadka ma: Nga da lèyè a nga jèkeda skwi nʼndai a ki mazlamaʼa, ara man nga gu a mvi a mvai nʼnzi a zhi ɗè?

Zacharie 7:5

Gaɗa ta ndohi kokwar tèlèba, a ndohi mvi skwi a Zhiklè: Aman kin jèkeda skwi nʼndai, a kin kuɗai, a ki mazlamaʼa, a ki matsaraɗaʼa, tʼhwaɗ mvi 70 ma, kin gu a géɗ ga ɗè?

Nombres 14:1

Te deɓaʼa mpi ndohi tèlèba ta kèldè moslokof te ma, ta goɗ a wuɗi a wuɗai. A vaɗ sa, ndohi ta gu wobau.

Nombres 14:39

Te deɓaʼa Moise a mʼmenda ta ma haha tèlèba a ndohi Israel, a ndohi ta lèyè kumba.

I Samuel 6:19

Aman ndohi Beth-Shémesh ta shkè a ta pa na di a koti Ndo nzi pèc pècèk, nengaʼa a mbazl ta 70 te va ndohi Beth-Shémesh. A ndohi ta kuɗ ta, a gèɗ man Ndo nzi pèc pècèk a mbazl ta kumba aranta.