Exode 33:16 - Ma Zhiklè

¹⁶ Man bai nga da shinè te mè, nga a ndohi ngaya nga ngots pombai a sam ngaya; sèi man ka dè a nda nga, a nga a ndohi ngaya nga cko gèɗ auda aranta a sam ndohi a gèɗ herkeda tèlèba.

Exode 33:16 ပူးပေါင်းရင်းမြစ်များ

II Samuel 7:23

Ndohi a géɗ herkeda ngiɗè ta tema, ara ndohi Israel, ndohi ngaya, a géɗ tengaʼa Zhiklè a mdo, a nsumka ta a deɓa a ndohi na, a mva ta nzlembaɗ mbiaʼa, a ngau skwi mbiaʼa mwuɗitpa a géɗ tengaʼa, a ndzam ta ndohi ngiɗè a zhiklèhi tengaʼa auda a ma tengaʼa?

I Rois 8:53

Ka man ka parka ta auda te va ndohi a géɗ herkeda tèlèba, a ta gi a ndohi gi ngaya, ara man ka goɗ te ma Moise, ɓèl ngaya, a pats man ka helka ta babhi nga auda te kokwar Egypte, ka Bi Zhiklè, Ndo nzi pèc pècèk!

Psaumes 147:20

A ngau arsa a sam ndohi herkeɗa ngiɗè ɓai, a mva ta ma kita nengaʼa a tengaʼa ɓai. Alléluia!

Exode 34:10

A Ndo nzi pèc pècèk a ngaɗa na: Na haha nga derzla ma a ka: I woy a i gi nrkedi a sam ndohi ngaya tèlèba, ara man nʼnga bai zlèzlèa, a géɗ herkeda tèlèba, a sam ndohi ngiɗè tèlèba; a ndohi tèlèba man ka zhè a sam ta, ta da rka skwi man Ndo nzi pèc pècèk a giaʼa. Aman i da gi skwi mwuɗitpa a sam ngaya.

Exode 34:9

Ndo nzi pèc pècèk, man i ngots pombai a sam di ngaya, ka Ndo nzi pèc pècèk, do a nda nga. Aman ndohi haha ta tsena gèɗ bai. Pra nga mphömè a mali nga, ge nga a ndohi nʼndi gi ngaya!

Exode 8:22

A Moise a ngaɗa: Nga slaha nga gi arsa azɓai. Skwi man nga zli a Zhiklè nga, a ndara ta ndohi Egypte. Aman nga da zlèh skwi a Zhiklè a sam di ndohi Egypte, man a ndara ta, ta da kal nga a kwa.

Lèv. 20:24

Aman a kinè, i gada kinè: Kin da ngècè kokwar tengaʼa a kokwar kinè. Iyè a ri ga i da va kinè; kokwar man wa a vongwom ta hi te pa. Iyè, Ndo nzi pèc pècèk, Zhiklè kinè, man i parka kinè auda te va ndohi herkeda.

Lèv. 20:26

Sèi kin kezla a sam ga, te man iyè, Ndo nzi pèc pècèk, i kezla, a i parka kinè auda te va ndohi herkeda, a kin ndi a ndohi ga.

Nombres 14:14

A ndohi kokwar haha ba tèlèba ta suna, ka Ndo nzi pèc pècèk ka zhè a sam ndohi ngaya haha, ka gudoko ta va a dai, ka Ndo nzi pèc pècèk, man vani ngaya a nzi a sam ta, man ka dè a ma tengaʼa te va vanai a pats, a vaɗ te va vogwa.

Nombres 23:9

Iyè a géɗ za, i rka ta, iyè man a géɗèʼa, ta zhè a sam di ga, na haha, ndohi man ta zhè a géɗ ta ka ɓai, na haha, ta te verzi ndohi nte deɓa ka ɓai!

Matthew 1:23

Na haha bidali a ngècè kra, a da yi kra nguraʼa a ta da va na nzlembaɗ nengaʼa Emmanuel, ara ngèdè: Zhiklè a nda nga.

2 Corinthians 6:17

Gar haha vo-do kinè auda a sam tengaʼa, va-kezla va kinè, Bi Zhiklè a gaɗa, kin lama na skwi nlizhèa ɓai, a i woy a i ce kinè,

Deutéronome 4:34

Man ɓai, Zhiklè man a shkè a sam ndohi na, a helka ta auda te va ndohi herkeda ngidè, a skwi man a njkede ta, a skwi man a ngreda auda, a nrkedai, a var, a ri nengaʼa man wuɗi na zhè, a ngeda ri na, a ngu skwi mbiaʼa, wuɗitpa, ara man Ndo nzi pèc pècèk, Zhiklè kinè, a gau tèlèba a sam di kinè, a géɗ kinè, te kokwar Egypte, ngidè a zhi dè?

Deutéronome 4:7

Ndohi herkeda mbia ngiɗè tema, man Zhiklè tengaʼa a zhè ndul ndul a sam ta, ara Ndo nzi pèc pècèk, Zhiklè nga, pèc pècèk man nga tsi ri a nengaʼa?