Exode 33:14 - Ma Zhiklè

¹⁴ A Ndo nzi pèc pècèk a mʼmbeɗa na a ma Moise: I dè a ma ngaya. I woy a i de ka a sam nshèk va.

Exode 33:14 ပူးပေါင်းရင်းမြစ်များ

Job 34:29

Aman nengaʼa a nza tètèʼa, nwoya a mphömdè wa? Aman a nghéɗè va na, nslaha a nrka wa?

Psaumes 95:11

A i mbaɓa a ndav: Sèi ta dè a sam nshèk va ga azɓai!

Exode 13:21

A Ndo nzi pèc pècèk a mdo a ma tengaʼa. A pats te va vani njèraʼa, a ngreda ta civèɗ; a vad te va nèʼèn vogwa, a nhela ta sam, a ta slaha ta dè a pats a vad.

Exode 3:12

A nengaʼa a ngaɗa: I zhè a sam ngaya. Na haha skwi man i ngreda ka, a ka shinè te pa, iyè nzlinde ka: Aman ka da helka ta ndohi ga auda te kokwar Egypte ma, kin da slébèrdè Zhiklè a der za haha.

Esaie 63:9

Ndo sak ka ɓai, gol Zhiklè ka ɓai, man a mbel ta; nengaʼa a ri na. Nenga a ri na a sumka ta a deɓa, te mwoy-ndo nengaʼa man ta sia te va. A wara ta dai, a mɓerka ta daga zlèzlèʼa.

Jérémie 31:2

Gar haha Ndo nzi pèc pècèk a gaɗa: Ndohi man ta mbel ta te ri tsakwal, ta ngots pombai tʼhèshèkèɗ. Israel a woy sam nshèk va dai.

Jérémie 6:16

Ndo nzi pèc pècèk a goɗ ar haha: Va-zlatsa a civèɗ, va-rkaʼa, va-dzhoɗ civèɗ nhalaʼa: civèɗ mʼmbel ndo tema? va-beza a pa, a kin ngècè nshèk va te ndav kinè. Aman ta gaɗa: Nga woya mbizhè a pa ɓai.

Daniel 12:13

Aman ka, do, sok va ngaya! A pats nʼndikèma skwai ka da slèmbèdè a ka da ngècè man a ngaya.

Matthew 11:28

Vo-washkè a sam ga, kin tèlèba man ntulè a keɗ kinè, man skwi mwuɗitpa a ga kinè, a i da va kinè nshèk va.

Matthew 28:20

Va-senda ta, aman ta gi skwi tèlèba man i fa kinè a gèɗ. Na haha, i zhè a sam kinè pèc pècèk, a pats a vaɗ, ha herkeda a ndiv na.

Deutéronome 12:10

Aman kin da tawaɗa woyam Jourdain ma, a kin nzi te kokwar man Ndo nzi pèc pècèk, Zhiklè kinè, a va kinè a skwi kinè, aman kin ngots nshèk va a sam mayamhi kinè a tsagi kinè tèlèba ma, a kin nzi te pa amba, amba,

Deutéronome 25:19

Te deɓaʼa man Ndo nzi pèc pècèk, Zhiklè ngaya, a mpreka ka auda te ri mayamhi ngaya man ta tèude ka a pa ma, a va ka nshèk va te kokwar man Ndo nzi pèc pècèk, Zhiklè ngaya, a da va ka a skwi nʼndi gai, a skwi ngaya; ka da zede nzlembaɗ Amalek auda tʼhwaɗ giɗfèk. Da pca ka a gèɗ ɓai!

Deutéronome 3:20

Ha pats man Ndo nzi pèc pècèk a mva ta nshèk va a kramamhi kinè, lèmèlèmè ara man a kinè, a tengaʼa ba ta kwèr kokwar man Ndo nzi pèc pècèk, Zhiklè kinè, a va ta, te wud woyam Jourdain. Te deɓaʼa kin dè a deɓa, staɗ staɗ tèlèba a sam skwi na man i va kinè.

Deutéronome 31:8

Ndo nzi pèc pècèk a ri na a dè a ma ngaya, a da zhè a tsagi ngaya, a jèk ka azɓai, a pre ka azɓai. Ka gu zlau ɓai, ka gudzu ɓai!

Deutéronome 4:37

A gèɗ man a woy babhi kinè, a mpar ta ndohi te verzi tengaʼa auda, a nhelka kinè auda te kokwar Egypte, nengaʼa a ri na, a wuɗi nengaʼa mbiaʼa.

Josué 1:5

Ko ndo staɗ da Sala ka va a gèɗ ɓai, a pats nshèffè ngaya tèlèba. Lèmèlèmè ara man i zhè a nda Moise te va nasa, i woya man i zhè a nda ka. I pra ka ma a gèɗ azɓai, i jèke ka a pa azɓai.

Josué 21:44

Ndo nzi pèc pècèk a mva ta gumai, ta sok va, ara man a mbaɗa ta babhi tengaʼa. Teva ndohi mayamhi tengaʼa tèlèba, ko staɗ ndo man a Sala ta va a gèɗ azɓai. Ndo nzi pèc pècèk a mpe ta tèlèba a ri a tengaʼa.

Josué 22:4

Antanta Ndo nzi pèc pècèk a mva ta nshèk va a kramamhi kinè, ara man a pasla ta rai. Gar haha, va-men kinè a deɓa, vo-do a gi kinè, a kokwar man a kinè, nengaʼa man Moise, ɓèl Ndo nzi pèc pècèk, a mva kinè te wud woyam Jourdain.

Josué 23:1

Te deɓ nʼnzi a zhè, man Ndo nzi pèc pècèk a mva ta nshèk va a ndohi Israel, te ri mayamhi tengaʼa tèlèba a tsagi ta, Josué nhala hurnjüfnjüfa ma,