Exode 33:12 - Ma Zhiklè

¹² A Moise a ngaɗa na Ndo nzi pèc pècèk: Na haha ka fay ma a gèɗ, aman i de ta ndohi haha a ma. Aman ka ngray nengaʼa man ka woy a ka zlinday a verzi ga ɓai. Ka gada: I sen ka a nzlembaɗ ngaya, a ka ngots pombai a sam di ga.

Exode 33:12 ပူးပေါင်းရင်းမြစ်များ

Genèse 18:19

I ngotskoɗauda te va ndohai, aman a nfa ta ma a gèɗ a wudahi nengaʼa, a gi nengaʼa, aman ta jè-jèr civèɗ Ndo nzi pèc pècèk, a ta gi zuraʼa, a ta til kita, a Ndo nzi pèc pècèk a nʼnga na Abraham, ara man a pasla na rai.

II Samuel 15:25

Bai a ngaɗa na Tsadok: Da koti Zhiklè a deɓa a kokwar! Aman i da ngècè pombai a sam Ndo nzi pèc pècèk, a nda ckay a deɓa, a i da rka te gi nengaʼa zaʼa.

Psaumes 1:6

Ndo nzi pèc pècèk a sun civèɗ ndohi nzuraʼa; aman civèɗ ndohi ambaɓihiaʼa a zi na.

Exode 3:10

Antanta do, i woya man i zlinde ka a sam Pharaon, aman ka helka ta ndohi ga, ndohi Israel, auda te kokwar Egypte.

Exode 3:4

A Ndo nzi pèc pècèk a nrka, Moise a dè aman a wèrèʼa. A Zhiklè a mbaha na te va vatak, a ngaɗa: Moise! Moise! A nengaʼa a mʼmbeɗa na a ma: Iyè anai!

Exode 32:34

Antanta do, de ta ndohi a sam man i gada ka. Na haha, i zlindè gol ga a man ngaya. Aman pats ngiɗè a i da ga ta kita a géɗ mali ta.

Exode 33:1

Te deɓaʼa Ndo nzi pèc pècèk a ngaɗa na Moise: Do a nda ndohi man ka helka ta te kokwar Egypte, a kin dè a kokwar man i mbada ta nda Abraham, Isaac a Jacob, a i gada: I woy a i va ta ndohi verzi kinè.

Exode 33:17

A Ndo nzi pèc pècèk a ngaɗa na Moise: Skwi man ka dzhoɗo a haha ba, i woy a i giaʼa, te man ka ngots pombai a sam di ga, a i sen ka a nzlembaɗ ngaya.

Exode 33:2

A i woy a i zlindè gol ga a ma ngaya, a i dzam ta ndohi Canaan, Amor, Heth, Phérez, Hévi, a Jébus,

Exode 34:9

Ndo nzi pèc pècèk, man i ngots pombai a sam di ngaya, ka Ndo nzi pèc pècèk, do a nda nga. Aman ndohi haha ta tsena gèɗ bai. Pra nga mphömè a mali nga, ge nga a ndohi nʼndi gi ngaya!

Esaie 43:1

Anai Ndo nzi pèc pècèk, nengaʼa man a fe ka, nengaʼa man a nge ka, a gaɗa ka, Israel: Ka gu zlau ɓai! I sumka ka a deɓa ma; i baha ka a nzlembaɗ ngaya, ka a ga.

Esaie 45:3

I woya a i va ka skwi mèshèlè man ka sun ɓai, skwi mèshèlè nʼnghedaʼa, a ka da suna, iyè Ndo nzi pèc pècèk, man i baha ka a nzlembaɗ ngaya, Zhiklè Israel.

Jérémie 1:5

Ga man i fe ka a hwaɗ mam ngaya, i sen ka. Ga ka yakaɗa, i fe ka hi a mizlinè Zhiklè, i cka ka auda a ka gi a ndo nhadka ma kokwar bihi tʼherkeda.

Aggée 2:5

Mèzhèɓ ga a nzi te ndev kinè, kin gu zlau ɓai!

2 Timothy 2:19

Aman Bi Zhiklè a fu verzi man wuɗi na zhè, ma haha mwindèa a pa: Bai Yèsu a sun ndohi na, a ndo man a baha na nzlembaɗ Bai Yèsu, do do auda a sam skwi ambaɓiaʼa.