Exode 32:32 - Ma Zhiklè

³² Dara ka pra ta mali tengaʼa; man bai gedassa nzlembaɗ ga te dèlèwèr ngaya man ka Windo.

Exode 32:32 ပူးပေါင်းရင်းမြစ်များ

II Samuel 18:33

Bai a ngu gurts kata, a ndo a gi man a géɗèʼa a ntamagai, a kuɗai: aman a dè, a tsi lalau: Kra ga! Absalom! Kra ga, kra ga! Absalom! Dara i metsi ga te di man a ngaya! Absalom, kra ga, kra ga!

Psaumes 139:16

Ka sun pats nshèffè ga man a ma tèlèba; ta windo te ɗèlèwèr ngaya, ka tildhai, ga i zhè.

Psaumes 56:8

A géɗ mali tengaʼa ta mbél ta azɓai. Bi Zhiklè, pe ta a ri a ndzoan ndohi herkeda!

Psaumes 69:28

Ngra mali tengaʼa a gèɗ a ma ma, da ngots skwi mʼmbel ndo ngaya ɓai!

Exode 32:10

Antanta i woy a i gi ndav a vata a géɗ tengaʼa, a i gedas ta. Te deɓaʼa i woy a i ge ka a verzi ndohi mbiaʼa.

Esaie 4:3

Te deɓaʼa ko wawa man a zhè a nshèffè te Sion dai, tèlèba man ta jè-kaha va te Jérusalem, ta da baha ta ndohi nkezlaʼa, ko wawa man ta windo nzlem-baɗ ta man ta zhè a nshèffè te Jérusalem.

Ezéchiel 13:9

I tara ta ri a di a ndohi nhadka ma man ta rka skwi nʼngwèdè ndo, a ta hadka ncèkèlma. Sèi da nza a va mpi ndohi ga asaɓai! Da winda ta a ɗèlèwèr a va ndohi Israel asaɓai! Da shkè a deɓa a kokwar Israel asaɓai, a kin da suna, i Bi Zhiklè Ndo nzi pèc pècèk.

Daniel 12:1

Te ndev nasa, Micael, bigol Zhiklè mbiaʼa, a da slèmbèɗè, aman a takaha ta ndohi te verzi man a ngaya. A gi a pats matakwan mbiaʼa, ntar sa azɓai daga nhinkaɗ ndohai, ha pats sa. A pats nasa ndohi ngaya ta da mbel ta, ta tèlèba man nzlembaɗ tengaʼa mwindèa te ɗèlèwèr nshèffè.

Amos 7:2

Aman ta ndeda skwi nɗaʼa a ma, i gaɗa: Zhiklè, pra ta malai!

Mal. 3:16

Ndohi man ta gi zlau Ndo nzi pèc pècèk, ta goɗ a va ta, a Ndo nzi pèc pècèk a nrkaʼa, a ntsenaʼa. A mwindo ɗèlèwèr mbèhè nzlembaɗ a sam na, a nzlembaɗ ndohi man ta gi zlau Ndo nzi pèc pècèk a pa, man ta slébèrdè nzlembaɗ nengaʼa.

Mal. 3:17

Zhiklè bi mbiaʼa a gaɗa: Tengaʼa a ga ga; a pats kita ga, ta da siyè te va, ara man kra man a gi mizlinè a sam bab na a si bab na te va.

Nombres 11:15

Aman ka gu aranta a sam ga, dara ka keɗyè a i ngots pombi a sam ngaya, a i si matakwan haha asaɓai!

Nombres 11:25

A Ndo nzi pèc pècèk a mshkèhi te va vanai, a ngaɗa na: A mco te va mèzhèɓ a gèɗ Moise auda, a mpa ta a gèɗ ndohi 70, ndohi nhalaʼa. Aman mèzhèɓ a zhè a gèɗ tengaʼa ma, ta hüno a ta hodko ma: aman to do a ma ma a vna bai.

Nombres 14:19

Pra ta malai a ndohi haha, ara mwoyndo ngaya mbiaʼa, ara man ka hüno te Egypte, ha patsna.

Luke 10:20

Aman kin wuffa ɓai, a gèɗ man mèzhèɓhi ambaɓihiaʼa ta tsena ma kinè; aman va-wuffa, a gèɗ man nzlembaɗ kinè mwindèʼa te zhiklè.

Luke 23:34

A Yèsu a ngaɗa: Bab ga, pra ta mali ta, amari ta sun skwi man ta gia ɓai. A tengaʼa ta kezla maslaka nengaʼa, a ta gu jimèr a géɗèʼá.

Romans 9:3

Ar, i woy a ta phomdyè, a ta kezle nga a Kristi, te di man a kramamhi ga te verzi Israel, gwoli ga.

Deutéronome 25:19

Te deɓaʼa man Ndo nzi pèc pècèk, Zhiklè ngaya, a mpreka ka auda te ri mayamhi ngaya man ta tèude ka a pa ma, a va ka nshèk va te kokwar man Ndo nzi pèc pècèk, Zhiklè ngaya, a da va ka a skwi nʼndi gai, a skwi ngaya; ka da zede nzlembaɗ Amalek auda tʼhwaɗ giɗfèk. Da pca ka a gèɗ ɓai!

Deutéronome 29:20

Ndo nzi pèc pècèk a da pre mali nengaʼa azɓai. Aman Ndo nzi pèc pècèk a da gi ndav, a da gi srak a géɗ ndo haha, a ma mphomdaʼa tè-lèba man a Windo te nderzlè-ma haha a da kèlè a géɗ nengaʼa, a Ndo nzi pèc pècèk a da zedko nzlembaɗ nengaʼa auda tʼhwaɗ giɗfèk.

Deutéronome 9:14

Antanta i woy a i gi ndav a vata a géɗ tengaʼa, a i gedas ta. Te deɓaʼa i woy a i ge ka a verzi ndohi mbiaʼa, man wuɗi na zhè, a fena ndohi haha.

Philippiens 4:3

A vava ka ba, ndo ntakahayè nlèɓèslèa, sèi ka takaha ta ngwozi haha. Ta takahayè a ngi gèjau a géɗ ma mbelaʼa, a nda Clément, a ndohi ntakahayè ngiɗè, man nzlembaɗ ta a zhè te ɗèlèwèr nshèffè.

Apocalypse 17:8

Skwi dak man ka rkaʼa, a zhè a matsa, ani asaɓai, a da skè auda zaʼa te vèvèɗ mpèltemtemaʼa, a da hi na a sam ngedassaʼa, a ndohi a géɗ herkeda ta da rzl ta, ndohi man nzlembaɗ ta mwindèa te ɗèlèwèr nshèffè ɓai, daga nhinkaɗ herkeda, aman ta rka skwi dak ara man a nza, antanta asaɓai, a da zhè zaʼa.

Apocalypse 21:27

Ko skwi nlizhèa, ta da ckoɗa a pa azɓi fèt; ndo man a gi skwi man a ndèrè ndo, ndo ncèkelma, a dè a pa azɓi fèt, aman sèi tengaʼa man ta winde ta a ɗèlèwèr nshèffè kra tambak.

Apocalypse 22:19

Ndo man a helaha te ma man ɗèlèwèr haha a hodkoɗai, Zhiklè a da helaha te skwi man a ngècè a sam wof nshèffè, a sam kokwar nkezlaʼa, man ta Windo te ɗèlèwèr haha.

Apocalypse 3:5

Ndo man nʼngaʼa a ngulaʼa, sèi ta va na maslaka nslekaɗaʼa a va. I woya a i gédèshè nzlembaɗ nengaʼa te ɗèlèwèr nshèffè azɓai, a i woya man i ngrédè nzlembaɗ nengaʼa a sam di Bab ga, a sam di golahi nengaʼa ba.