Exode 32:30 - Ma Zhiklè

³⁰ Te mangoslèmaʼa a prèk, Moise a ngaɗa ta ndohai: Kin gu mali mbiaʼa. Anai i woya man i dè a géɗ za a sam Ndo nzi pèc pècèk, a i rka, aman i slaha a i pil mali kinè.

Exode 32:30 ပူးပေါင်းရင်းမြစ်များ

II Samuel 12:9

Ka kwola Ndo nzi pèc pècèk a ka gau skwi man ambaha ɓai èhèmè? Ka keɗa Urie, ndo Heth, a tsakwal, a ka ceda ngwoz nengaʼa a ma a ngwoz. Aman géɗ va nengaʼa ka keɗa a tsakwal ndohi Ammon.

II Samuel 16:12

Gar Ndo nzi pèc pècèk a da rka nlèyè ga, a da vay pombai a géɗ man a nderdyè a patsna.

II Rois 17:21

Aman a ngel ta ndohi Israel auda te va ndohi David ma, tengaʼa ta feda Jéroboam, kra Nebath, a bai, a Jéroboam a mpe ta ndohi Israel a wai, a ta jèkeda Ndo nzi pèc pècèk, a mwushede ta a mali mbiaʼa.

Psaumes 99:6

Moise a Aaron te va ndohi mvi skwi a nengaʼa, Samuel te va ndohi man ta tsi ri a nzlembaɗ nengaʼa. Ta tsu ri a Ndo nzi pèc pècèk, a nengaʼa a mʼmbedka taa ma.

Exode 32:29

A Moise a ngaɗa: Va-vau nshèffè kinè a mizlinè Ndo nzi pèc pècèk, a patsna, staɗ staɗ te di man a kra na, a kramam na, a va kinè mpshè ma a patsna.

Amos 5:15

Va-gu shèwa a skwi man ambaɓai, va-woy skwi man amba, va-gu kita nzuraʼa a ntamagi kokwar, wa ngiɗè ba Ndo nzi pèc pècèk, Zhiklè bi mbiaʼa, a da va ta pombai a njèkèdi ndohi te gi Joseph.

Jonas 3:9

te mali man a lizhèma na rai. Nsun wa? Wa ngiɗè ba nga si Zhiklè te va, a jèkeda ngi ndav, a nga zi azɓai.

Nombres 16:47

A Aaron a mco, ara man Moise a gada na, a mhu a ndev mpi ndohai. A matakwan a hüno a sam ndohi ma. A nco ɓurdi a ngi a skwi mpil gèɗ ndohai.

Nombres 25:13

Nengaʼa a ndohi te verzi nengaʼa sèi ta ngècè mizlinè mvi skwi a Zhiklè a ma ma a mèdèp, te man nengaʼa a ngu skwi a srak a géɗ Zhiklè nengaʼa, a nʼngatsa ta skwi mpil gèɗ a ndohi Israel.

Luke 15:18

I woya man i slèmbèɗè, a i dè a sam bab ga, a i gaɗa na: Bab ga, i gu malai a sam Zhiklè, a sam ngaya.

Luke 7:47

Gar haha i gaɗa ka: Mali nengaʼa mbia sa, mpraʼa. Aman nengaʼa a woy iyè a ndav a vata. Aman a ndo man ta pra na kètè, nengaʼa a woya a ndav kètè.

Romans 9:3

Ar, i woy a ta phomdyè, a ta kezle nga a Kristi, te di man a kramamhi ga te verzi Israel, gwoli ga.

Galates 3:13

Aman Kristi a mpreka nga auda te ma kita Zhiklè man a phomde nga, a géɗ man a gaʼa a skwi mphomdaʼa a géɗ nga, ara ɗèlèwèr Zhiklè a gaɗa: Ndo man ta ktsala, mphomda.

2 Timothy 2:25

a ngatsa ta maya a ndav nlüɓekwaʼa a ndohi man ta Sala na va a dai. A zhèrè te ndav, wa ngiɗè ba Zhiklè a takaha ta a ta ngwèdè ndav ta genè, a ta shin ma nzuraʼa;

Jacques 5:16

Va-ngreda mali kinè, ngiɗè a ngiɗè, va-tsu ri a Zhiklè, ngiɗè a géɗ ngiɗè, aman kin mbél kinè te matakwan. Ntsi ri ndo nzuraʼa, man a tsi a ndav tèlè, a slaha skwi kumba.

I Samuel 12:17

Antanta ngwar ka ɓi dè? I woy a i tsi ri a Ndo nzi pèc pècèk, aman a gi a iyam a ntsai, a iyam a ngai, a kin da suna, a kin rkaʼa, kin gu mali mbiaʼa a sam di Ndo nzi pèc pècèk, a gèɗ man kin dzhoɗo bi kinè.

I Samuel 12:19

Ndohi tèlèba ta gaɗa na Samuel: Tsu ri a Ndo nzi pèc pècèk ngaya a géɗ ɓèlèlihi ngaya, nga da bèzl nga. Nga gau skwi ambaɓiaʼa ngiɗè a va mali nga, a nga dzhoɗo bai.

I Samuel 12:20

Samuel a ngaɗa ta ndohai: Kin gu zlau ɓai! Kin gu skwi ambaɓiaʼa haha tèlèba gokwèn; aman kin jèkeda civèɗ Ndo nzi pèc pècèk ɓai, aman va-gu mizlinè Ndo nzi pèc pècèk a ndav tèlè,

I Samuel 12:23

I ba i woy a i gi mali a sam Ndo nzi pèc pècèk azɓi ba, a i jèkè ntsi ri a géɗ kinè azɓai. Aman i woy a i ngreda kinè civèɗ man amba a nzuraʼa.

I Samuel 2:17

Aranta mali golahi sa a gi a mbiaʼa a sam Ndo nzi pèc pècèk, te man ta rka skwi man ta va na Zhiklè ara skwi ambalai.