Exode 32:15 - Ma Zhiklè

¹⁵ Te deɓaʼa Moise a ngwodko gèɗ a deɓa, a mshkèhi te za, a kwa man ma kita a pa, te rai, kwa mwindèa te tsagi cèw, a deɓaʼa, tʼhwaɗaʼa ba.

Exode 32:15 ပူးပေါင်းရင်းမြစ်များ

Psaumes 19:7

a hünkoɗi te verzi gi ngiɗè, a dè a nkala man a géɗèʼa, skwi a nghédè a sam di na azɓai.

Exode 16:34

A Aaron a ngau, ara man Ndo nzi pèc pècèk a ngaɗka na Moise, a Aaron a nghedahi a tsagi kwa ma kita.

Exode 24:12

A Ndo nzi pèc pècèk a ngaɗa na Moise: Washkè a sam ga a géɗ za, nza a pa, a i va ka kwa, man i windeda ma kita ga a ma nkwèr ga a pa, a i slebda kinè.

Exode 24:18

A Moise a mdo a va vanai. A Moise a mdo a géɗ za, a nʼnza a géɗ za pats 40 a mʼmèn 40.

Exode 31:18

Aman ta goɗ a Moise a géɗ za Sinai klèng ma, Zhiklè a mva na kwa cèw, a ma kita a deɓaʼa, man Zhiklè a mwindeda pa a ri na.

Exode 32:16

Kwa, nengaʼa man Ndo nzi pèc pècèk a ngau; skwi mwindèa man a pa, Ndo nzi pèc pècèk mwindo, mvèhaʼa a pa.

Exode 34:29

Aman Moise a mshkèhi te za Sinai (kwa cèw a ma kita te rai, aman a nshkèhi te za), a sun a ngaɗa medi ga nhela, te va man ta goɗ a Ndo nzi pèc pècèk, a sun ɓai.

Exode 40:20

Te deɓaʼa a nco ma kita, a mpeda a hwaɗ kotai, a ntarda gada a kotai, a mpizlè kotai, a skwi mpizlè maʼa.

2 Corinthians 3:3

Kinè, kin ɗèlèwèr Kristi, a nga ngreda auda a mizlinè nga. Ɗèlèwèr ta Windo a skwi mwindè skwi ka ɓai, a deɓ kwa ka ɓai, aman ta windeda a ndav a Mèzhèɓ Zhiklè a nshèffè.

2 Corinthians 3:7

Ma kita Zhiklè mwindèa a deɓ kwa, a da na ma a mʼmetsai, ko a matsa a nʼngots nʼnjèl Zhiklè. A ndohi Israel ta slaha a ta pi di a medi Moise ɓai, a géɗ nʼnjèlè man a zhè a medi na, nʼnjèlè man a di a ndev na genè.

Deutéronome 5:22

Ma haha. Ndo nzi pèc pècèk a ngaɗka ta mpi ndohi kinè tèlèba a géɗ za, te va vogwa, te va vanai, te va ruva, a daʼai nslhaʼa, ma ngiɗè ka ɓai. A mwindkoɗa adeɓ kwa cèw, a mvokoyè.

Deutéronome 9:15

A i ngwoda va ga, a i shkèhi te za man vogwa te pa, kwa man nderzlè-ma a pa, te rai.

Hébreux 9:4

Te pa sam nʼndèr burdi man ta gu a guro, a koti nderzlè-ma mbèʼa a guro, a shiɗèf guro man manna te pa, a gada Aaron man a tsu vah, a kwa nkelwoɗaʼa a nderzlè-ma a pa.

Apocalypse 5:1

A i rka ɗèlèwèr te ri mandi ndo a géɗ sam nʼnzi bai, skwi mwindèʼa a pa tʼhwaɗaʼa, a deɓa ba, ntkotsa a pa a skwi mpizlèa tsaraɗ.