Exode 31:3 - Ma Zhiklè

³ I ndha ndav nengaʼa a Mèzhèɓ Zhiklè, a maya, a i woslaʼa, a sun ngi mizlinè tsaɗ tsaɗ.

Exode 31:3 ပူးပေါင်းရင်းမြစ်များ

I Rois 3:9

Anai vay ndav man a hér maya, man a slaha a ngi kita ndohi ngaya, a sun ndèl skwi man amba te va skwi man ambaɓai. Man ɓai, nslaha a ngi kita ndohi ngaya mbiaʼa haha wa?

I Rois 7:13

A bi Salomon a nzlündo ndo, da bahka na Hiram te Tyr.

I Rois 7:14

Masli sa, ngwozla, kra ngwoz mazai te verzi Nephthali. Bab nengaʼa ndo Tyr, a sun mvidè züdo. A sun maya mizlinè, mwosla te ngi mizlinè haha tèlèba. A nengaʼa a mshkè a sam bi Salomon, a nʼnga na mizlinè haha tèlèba.

II Chroniques 2:7

Gar haha zlündokoy ndo, man a sun mizlinè guro, verzhègenè, a züdo, maslaka a vèvèzh, a ntevaʼa a mʼmadzaʼa, man a sun mpètè wof, a nda ndohi nsun maya mizlinè, man ta da zhè a sam ga te Juda, te Jérusalem, man David, bab ga a mpe ta a mizlinè.

Exode 28:3

Goɗ a ndohi tèlè man maya ta ta zhè, man i va ta maya nslebi skwai, a ta gi maslaka Aaron, a ta faɗa na mbar a gèɗ, a ndi a ndo mvi skwi a Zhiklè.

Exode 31:4

A hér ngi skwi mɓuaʼa, a gi a guro, verzhègenè, a züdo,

Exode 35:31

a nʼndha ndav nengaʼa a Mèzhèɓ Zhiklè, a maya, a sun nslebi mizlinè a maya mizlinè tsaɗ tsaɗ,

Exode 35:35

A mva ta maya nslebi mizlinè, a gèɗ, a ta gi mizlinè tsaɗ tsaɗ, ara mizlinè mvidè skwai, mizlinè mbèzl wof, mizlinè ntsi maslaka mbelaʼa, ntsi maslaka ndurtsotsoʼa mʼmadzaʼa a nduzoa a vèvèzh, a bata maslaka, ara man ndo nsun ntsi maslaka a giaʼa, a mizlinè tsaɗ tsaɗ, a ta slaha ta hér maya mɓuaʼa.

Proverbes 2:6

Aman maya a shkè te ri Ndo nzi pèc pècèk; nslebi a nshin skwai a shke auda te ma nengaʼa.

Esaie 28:26

Skwi man ta sun ngi aranta, Zhiklè a ngra ta, a nsenda ta.

Esaie 28:6

A ndi a mèzhèɓ kita a ndo man a bèzlè kita, a ndi a wuɗi ngul ndohai man ta dzam ta ndohi var auda a ntamagi kokwar.