Exode 31:15 - Ma Zhiklè

¹⁵ Va-gu mizlinè mʼmèn 6; aman pats matsaraɗaʼa, nshèk va mbiaʼa, nkezlaʼa a sam Ndo nzi pèc pècèk. Ndo man a gi mizlinè a pats nshèk va, da mets na.

Exode 31:15 ပူးပေါင်းရင်းမြစ်များ

Genèse 2:2

A Bi Zhiklè a ndeva mizlinè nengaʼa man a ngau te mʼmèn matsaraɗaʼa. A pats matsaraɗaʼa a nsok va te mizlinè nengaʼa man a ngu tèlèba.

Exode 16:23

A Moise a ngaɗa ta: Ndo nzi pèc pècèk a gaɗkaɗa: Angoslèm pats ngolala, pats nshèk va, nkezlaʼa a sam Ndo nzi pèc pècèk. Skwi man kin woy a kin shülèʼa, vo-sula! Skwi man kin woy a kin tiaʼa, va-tau! Njèkèdiaʼa va-fedahai, a kin da ndia angoslèm.

Exode 16:26

Va-ɓüco mʼmèn 6, aman pats matsaraɗaʼa, nengaʼa pats nshèk va, skwi sa azbai.

Exode 23:12

Mʼmèn 6 gau mizlinè ngaya; a pats matsaraɗaʼa sok va, a zlè ngaya, a kɗèh ngaya ta shèk va, a kra ɓèlè ngaya, a mbrok ngaya, a ta manda nshèffè a hai.

Exode 31:14

Gar haha va-gu maya a a pats nshèk va: a woy kin kezlaʼa. Ndo man a slébèrdè azbai, da mets na! Ndo man a gi mizlinè a pats nshèk va, da gedasseda nshèffè nengaʼa aussa te va gwoli na.

Exode 31:16

Gar haha ndohi Israel, sèi ta ɓer pats nshèk va, sèi ta slébèrdè pats nshèk va ndèzl, te verzi tengaʼa a ndè a ma ma pèc pècèk.

Exode 31:17

Te skwi haha nga shin va nga auda a mèdèp, nga a ndohi Israel. Aman te mʼmèn 6 Ndo nzi pèc pècèk a ngau giɗfèk a herkeda. Aman a pats matsaradaʼa a nsok va te mizlinè.

Exode 34:21

Gau mizlinè mʼmèn 6; aman a pats matsaraɗaʼa, sok va! Ko te va man ta pizhè, ko te va man ta ɓicè skwai, ka sok va!

Exode 35:2

Mʼmèn 6 kin gi mizlinè. Aman a pats matsaraɗaʼa, pats nshèk va a sam Ndo nzi pèc pècèk. Ndo man a gi mizlinè a pats sa, da mets na.

Exode 35:3

A pats nshèk va kin vatsa vogwa te gi kinè bai!

Ezéchiel 46:1

Bi Zhiklè a goɗ ar haha: Ntamagi sam nʼngalaʼa tʼhwaɗaʼa te man a civèɗ mvèng pats, ta winè azɓai, te va man ta gi mizlinè mʼmèn 6; aman a pats nshèk va, pats mvangkaɗ kia, ta winèʼa.

Lèv. 16:29

Skwi haha da gu a ma nkwèr kinè a mèdèp: A ki matsaraɗaʼa, mʼmèn 10, kin jèkeda skwi nʼndai, kin gu mizlinè ɓai, ko ndo Israel tas, ko ndo mbrok man a zhè a sam kinè.

Lèv. 23:3

Mʼmèn mokwa kin gi mizlinè, aman pats matsaraɗaʼa, pats nshèk va mbiaʼa, mɓicè-va nkezlaʼa, a kin gi mizlinè azbai, a sam nʼnzi kinè tèlèba. Nasa pats nshèk va a géɗ Ndo nzi pèc pècèk.

Lèv. 23:32

Nasa pats ngolala mbiaʼa a sam kinè, vo-sok va te skwi tèlèba! A dakwaɗ mʼmèn cüɗ a ki sa, ha ndè ma dakwaɗ ngiɗè, kin sok va!

Luke 13:14

Aman ndo mɓer gi njèngè ma Zhiklè a ngu ndav, a géɗ man Yèsu a mbelaʼa a pats nshèk va. A hüno a ngaɗa ta ndohi rèdèdèa: Mʼmèn mokwa ta gi mizlinè. Vo-washkè, da mbel kinè te matakwan tʼhwaɗ mʼmèn mokwa, a pats nshèk va ka ɓai!

Luke 23:56

Aman ta shkè a deɓa, ta tül ɓurdi a mbar; a pats nshèk va ta sok va, ara man ma nkwèr Zhiklè a gaɗa.

Deutéronome 5:12

Hur pats nshèk va, aman ka kezlaʼa a ka slébèrdèʼa, ara man Ndo nzi pèc pècèk, Zhiklè ngaya, a njè ka.

Hébreux 4:9

Aranta sam nshèk va ndohi Zhiklè a zhè dai.