Exode 3:20 - Ma Zhiklè

²⁰ Gar haha i woy a i tèr ri ga, a i tsi kokwar Egypte a nrkedi tsaɗ tsaɗ man i da gia te pa. Te deɓaʼa a da va kinè civèɗ.

Exode 3:20 ပူးပေါင်းရင်းမြစ်များ

Genèse 15:14

Aman i woy a i da ga ta kita a ndohi man ta da ga ta a ɓèlè. Te deɓaʼa ta da dè auda a skwi mèshèlè te ri kumba.

Néhémie 9:10

Ka ngreda skwi mbiaʼa auda, a ka gu nrkedai a sam Pharaon, a sam ndohi mizlinè nengaʼa, a sam ndohi kokwar nengaʼa tèlèba, te man ka suna, skwi man ta ga ta, ta gu a shèwa. A ka ga nzlembaɗ ngaya a mbiaʼa, ara man a zhè a patsna.

Psaumes 105:27

A nʼngreda skwi auda te kokwar Egypte a ri tengaʼa, skwi man a hur a da giaʼa, a nrkedi te kokwar Cham.

Psaumes 105:38

Kokwar Egypte a wuffè, man ta dè, te man zlau a nkeɗ ta a gèɗ tengaʼa.

Psaumes 106:22

a gu nrkedi te kokwar Cham, a skwi mwuɗitpa a ma woyam mbiaʼa.

Exode 11:1

Te deɓaʼa Ndo nzi pèc pècèk a ngaɗa na Moise: Njèkè matakwan staɗ man i woy a i ga na Pharaon, a ndohi Egypte. Te deɓaʼa a da va kinè civèɗ, a dzam kinè a skwi kinè tèlèba.

Exode 12:39

A ta tu mɓelaslasla man ta ckoɗa ri te kokwar Egypte, a ta ndau te di movar man skwi nshégèrèʼa a te di ɓai, a géɗ man ta dzamka ta auda te kokwar Egypte, ta ga ndodoh asaɓai, ta tila skwi nʼndi a hi man ta ndi a civèɗ bai.

Exode 13:3

A Moise a ngaɗa ta ndohai: Va-hur pats man kin shkè auda te kokwar Egypte, te gi ɓèlè. Ndo nzi pèc pècèk a nhelka kinè auda te pa a wuɗi ri nengaʼa. Nga ndi movar man skwi nshégèrè a te di bai, a pats sa.

Exode 13:9

Da ga ara wuɗah a deb ri kinè, a medi kinè, aman kin hérèʼa, a ma kita da zhè te ma kinè. Aman Ndo nzi pèc pècèk a nhelka kinè auda te kokwar Egypte a wuɗi ri nengaʼa.

Exode 15:11

Te va zhiklèhai, nlèmdè va a ka wa, Ndo nzi pèc pècèk? Nʼnjèl ngaya mbiaʼa, nkezlaʼa, ka wuɗitpa te skwi mbiaʼa man ka giaʼa, te nrkedi ngaya man ka ngreda.

Exode 15:6

Ndo nzi pèc pècèk ga, ri mandi ngaya a zhè a wuɗi nʼnzalaʼa. Ndo nzi pèc pècèk ga, ri mandi ngaya a mbazl ta ndohi mayamhai.

Exode 4:21

Ndo nzi pèc pècèk a ngaɗa na Moise: Aman ka da dè a deɓa a kokwar Egypte, suna, nrkedihi haha man i va ka a ri tèlèba, da gu a sam di Pharaon! Aman i da sassaya ndav na, a da va ta civèɗ a ndohi azɓai.

Exode 6:1

Ndo nzi pèc pècèk a ngaɗa na Moise: Anai ka da rka skwi man i da ga na Pharaon. Wuɗi ri ga a da gi aman a va ta civèɗ, a vava. Wuɗi ri ga a gi man a nda dzamka ta auda te kokwar na.

Exode 6:6

Gar haha gada ta ndohi Israel: I Ndo nzi pèc pècèk, i woy a i helka kinè auda te mizlinè bèlè te kokwar Egypte, a i mbel kinè auda te ɓèlè kinè, i tèr ri ga a i preka kinè auda te ɓèl kinè, a i ga ta kita mbiaʼa.

Exode 9:15

Aman agassa i woyaʼa, i slaha a i gidè ri ga a i bazl kinè a ndohi ngaya tèlèba a gidiɓèr, a ka zi ngaya tʼherkeda.

Esaie 19:22

Ndo nzi pèc pècèk a da tse ta ndohi Egypte; a da tse ta, aman a da mbel ta zaʼa. A ta menkaɗa deɓa a sam Ndo nzi pèc pècèk, a nengaʼa a cè ma tengaʼa, a mbel ta.

Esaie 26:11

Ndo nzi pèc pècèk, wuɗi ri ngaya a zhè, aman ta rka ɓai. Sèi ta da rka pats ngiɗè, a ta ngècè hori a dai. Srak a géɗ ndohi ngaya, a vogwa a géɗ mayamhi ngaya, sèi da nde ta a ma.

Ezéchiel 20:33

Ara man a vava i zhè, Bi Zhiklè a gaɗa, i da gi a bi kinè a ri man wuɗi na zhè, a ri ngedaʼa, a ndzoan man i ga kinè.

Michée 7:15

Ngra nga nrkedi ara man a pats man ka shkè auda te kokwar Egypte.

Actes 7:36

Nengaʼa a nde ta auda, a ngu nrkedai, a nʼngreda ta skwi tsaɗ tsaɗ te kokwar Egypte, te woyam mbiaʼa nduzoaʼa, tʼhèshèkèɗ, mvi kulkul faɗ.

Deutéronome 4:34

Man ɓai, Zhiklè man a shkè a sam ndohi na, a helka ta auda te va ndohi herkeda ngidè, a skwi man a njkede ta, a skwi man a ngreda auda, a nrkedai, a var, a ri nengaʼa man wuɗi na zhè, a ngeda ri na, a ngu skwi mbiaʼa, wuɗitpa, ara man Ndo nzi pèc pècèk, Zhiklè kinè, a gau tèlèba a sam di kinè, a géɗ kinè, te kokwar Egypte, ngidè a zhi dè?

Deutéronome 6:22

Ndo nzi pèc pècèk a ngau skwi mbiaʼa mwuɗitpa, a ngu nrkedi a sam ndohi Egypte, a sam Pharaon, a sam ndohi gi nengaʼa tèlèba, a di nga.

Juges 6:8

Ndo nzi pèc pècèk a nzlündo ndo nhadka ma a sam ndohi Israel, a ngaɗa ta: Ndo nzi pèc pècèk, Zhiklè Israel, a goɗo aranta: Iyè man i helka kinè auda te kokwar Egypte, a i de kinè auda te ɓèlè.

Juges 8:16

A ngso ndohi nhalaʼa te kokwar, a vatak zhilèr a vatak golom, a nkurats ta ndohi Succoth a vna.