Exode 3:15 - Ma Zhiklè

¹⁵ A Zhiklè a ngaɗa na Moise a vaʼa: Ka da gada ta ndohi Israel ar haha: Ndo nzi pèc pècèk, Zhiklè bababhi kinè, Zhiklè Abraham, Zhiklè Isaac, Zhiklè Jacob, a nzlindekayè a sam kinè. Nasa nzlembaɗ ga a mèdèp, a i woy a ta bahayè a nzlembaɗaʼa te verzi verzi ndohi tè-lèba.

Exode 3:15 ပူးပေါင်းရင်းမြစ်များ

Genèse 24:12

Ndo nzi pèc pècèk, Zhiklè Abraham, babgi ga, takahayè a patsna, va na pombai a Abraham, babgi ga!

I Chroniques 16:16

ma man ta derzla a Abraham, ma man a mbaɗa na Isaac.

I Chroniques 29:18

Ndo nzi pèc pècèk, Zhiklè Abraham, Isaac a Israel, babhi nga, ɓür ndav ndohi ngaya, a ta hérè ar haha pèc pècèk. Ngalda ndav ta a sam ngaya!

II Chroniques 28:9

Te pa, ndo nhadka ma Ndo nzi pèc pècèk, nzlembaɗ na Obed, a mdo aman ta zli gèɗ a ndohi var man ta men ta a deɓa a kokwar Samarie, a ngaɗa ta: Ndo nzi pèc pècèk, Zhiklè babhi kinè a mpa kinè a rai, a géɗ man a gi ndav a géɗ ndohi Juda, a kin bazl ta a shèwa man a ndikaha zhiklè.

Psaumes 102:12

Pats nshèffè ga a de na ara mèzhèɓ, man pats nkala ma. I gwora ara kuza.

Psaumes 102:13

Aman ka, Ndo nzi pèc pècèk, ka nzi a géɗ sam nʼnzi bai a mèdèp. Ndohi te verzi wud wuda ta hér ka a ma ma.

Psaumes 135:13

Ndo nzi pèc pècèk, nzlembaɗ ngaya a nzi a mèdèp. Ndo nzi pèc pècèk, ndohi ta her ka a ma ma, ha ndè a ma wud wuda.

Psaumes 30:4

Ndo nzi pèc pècèk, ka ckoy nshèffè a deɓa te mʼmetsai, ka bahay nshèffè ga a deɓa te va ndohi vèvèɗ.

Psaumes 30:5

Kin ndohi nkezlaʼa, va-sla na dimèsh a Ndo nzi pèc pècèk, vo-slubordo nzlem-bad nengaʼa nkezla a.

Psaumes 68:5

Va-sla na dimèsh a Bi Zhiklè, va-tsu ganzavar a géɗ nzlembaɗ nengaʼa! Va-tila na civèɗ a nengaʼa man a dè tʼhèshèkèɗ! Va-wuffa a géɗ Ndo nzi pèc pècèk, va-slu dimèsh a ma nengaʼa!

Psaumes 72:17

Nzlembaɗ nengaʼa da nzau a mèdèp, da gra a mbiaʼa a ma ma, ara pats man a zi auda a giɗfèk azɓai. Verzi ndohi herkeda tèlèba, da pshè ta ma ndohi kokwar a nzlembaɗ nengaʼa. Ndohi kokwar tèlèba, do slubordo nengaʼa!

Psaumes 72:19

Ngo-slubordokoy nzlembaɗ nengaʼa nʼnzalaʼa a mèdèp, nʼnjèl nengaʼa da ndha herkeda tèlèba. Amen, Amen.

Exode 15:2

Ndo nzi pèc pècèk, wuɗi ga, dimèsh nslébèrdè ga, a nde na a skwi mbelyè. Nengaʼa Zhiklè ga, i woy a i shida na géɗ, Zhiklè bab ga, i woy a i nzalaʼa.

Exode 15:3

Ndo nzi pèc pècek, ngul var, nzlembaɗ nengaʼa Ndo nzi pèc pècèk.

Exode 3:13

A Moise a ngaɗa na Zhiklè: Na haha, aman i do do a a sam ndohi Israel, a i gada ta: Zhiklè bababhi kinè a nzlindekayè a sam kinè, a ta da dzhaɗyè: Nzlembaɗ na wa? i da mbeɗa ta a ma kè?

Exode 3:6

A ngaɗa: I Zhiklè bab ngaya, Zhiklè Abraham, Zhiklè Isaac, Zhiklè Jacob. A Moise a nʼngheda di na, a ngu zlau man a pi di a Zhiklè.

Exode 4:1

A Moise a mʼmbeɗa na a ma: Aman ta da cè ma ga azbai, a ta fi zlembaɗ a ma ga azbai, a ta gada: Zhiklè a ngudoko ka va a di bai, – kè?

Exode 4:5

Aranta ta da cè a ndav, Ndo nzi pèc pècèk a ngudoko ka va a dai, Zhiklè bababhi kinè, Zhiklè Abraham, Zhiklè Isaac, Zhiklè Jacob.

Exode 6:2

A Zhiklè ta goɗ ngèɗè a Moise, a ngaɗa na: I Ndo nzi pèc pècèk;

Proverbes 18:10

Nzlembaɗ Ndo nzi pèc pècèk nara gi ndakmaʼa. Ndo nzuraʼa a hi a pa, a ngècè sam nlèaʼa.

Esaie 26:8

Ko a civèɗ kita ngaya, nga zhèr ka, Ndo nzi pèc pècèk. Ndav ga a woya a shid gèɗ, a slebarde ka.

Esaie 42:8

Iyè, Ndo nzi pèc pècèk, nzlembaɗ ga Ndo nzi pèc pècèk. I vi nʼnjèl ga a ndo ngiɗè azɓai, i vi nslébèrdè ga a skwi mbèh skwi azɓai.

Esaie 63:12

Man ri nengaʼa nʼnzalaʼa a ntakaha ri mandi Moise, a nʼngela iyam a ma tengaʼa, aman ta hér nzlembaɗ nengaʼa a mèdèp.

Esaie 9:6

Kokwar-bi nengaʼa a da gi a mbiaʼa, a gumi a sam nʼnzi bi David, gumi te kokwar-bi nengaʼa tèlèba, a zhè a mèdèp; aman nengaʼa a da tilèʼa, a va na wuɗai te kita, te ngi-zuraʼa, a hinè antanta, a ndè a ma ma a mèdèp. Srak Zhiklè bi mbiaʼa a da gi arsa.

Jérémie 33:2

Ndo nzi pèc pècèk a goɗ ar haha; nengaʼa man a ngu herkeda, nengaʼa man a mpau, nengaʼa man nzlembaɗ na Ndo nzi pèc pècèk:

Daniel 2:23

I shida ka gèɗ, Zhiklè bababhi ga, a i slébèrdè ka, a géɗ man ka ngray maya a ka vay wuɗai. Ka ngray skwi man nga dzhoɗo a sam ngaya, ka ngra nga skwi man bai a dzhoɗo.

Osée 12:5

ta bozl va a gol Zhiklè, a mfa na a gèɗ, a nkuɗau a ntsu rai aman a sia te va. Aman ta zlü gèɗ a Zhiklè te Bethel, a ta goɗ ngèɗè a vna.

Osée 12:6

Ndo nzi pèc pècèk, Zhiklè bi mbiaʼa, nasa nzlembaɗ nengaʼa.

Lèv. 24:11

A kra ngwoz Israel a nlüv nzlembaɗ Ndo nzi pèc pècèk, a ndurɗo. A ta feda na ma a sam Moise. Nzlembaɗ mam na Shelomith, dem Dibri, te verzi Dan.

Michée 4:5

Ndohi herkeda tèlèba ta jèjèr zhi-klèhi ta. Aman nga, nga jèjèr Ndo nzi pèc pècèk a mèdèp.

Mal. 3:6

Aman iyè, Ndo nzi pèc pècèk, i ngwèdè va ga azɓai; aman kinè, wudahi Jacob, kinè arsa genè!

Matthew 22:32

Iyè, i Zhiklè Abraham, Zhiklè Isaac, Zhiklè Jacob? Nengaʼa Zhiklè ndohi mʼmetsa ka ɓai, aman Zhiklè ndohi a nshèffè.

Actes 3:13

Zhiklè Abraham a Isaac a Jacob, Zhiklè babhi nga a nʼnzala Yèsu, ndo mizlinè nengaʼa, man kin da a sam kita, a kin tsokol ma a géɗ nengaʼa a sam Pilate, man a woya a mpraʼa.

Actes 7:32

Iyè Bi Zhiklè bababhi ngaya, Bi Zhiklè Abraham, Bi Zhiklè Isaac, Bi Zhiklè Jacob. A Moise a ngudzi a ngu zlau man a pi diaʼa.

Deutéronome 1:11

Ndo nzi pèc pècèk, Zhiklè babhi kinè, da gu a kin mènè a vaʼa a vata, gozhèm gozhèm kumba, da pshè kinè ma, ara man a goɗo.

Deutéronome 1:35

Ko staɗ te va ndohi haha, te verzi ndohi ambaɓihiaʼa haha, da da rka kokwar mbelaʼa man i pasla ta ri a hi a babhi kinè asaɓai.

Deutéronome 4:1

Anai Israel, va-tsena ma nkwèrè a ma kita man i njè kinè, a kin jèjèrèʼa, a kin nzi a nshèffè, a kin dè a kokwar man Ndo nzi pèc pècèk, Zhiklè babhi kinè, a va kinè, a kin kwèrèʼa.

Hébreux 11:16

Aman anai ta woy kokwar man amba holholaʼa te zhiklè te géɗèʼa. Gar haha Zhiklè a gi hori azɓai, man a gi a Zhiklè ta. A ntila ta kokwar mbelaʼa ma.

Hébreux 13:8

Yèsu Kristi lèmèlèmè ara madatsa, a patsna, a mèdèp.