Exode 29:46 - Ma Zhiklè

⁴⁶ a ta da suna, iyè Ndo nzi pèc pècèk, Zhiklè tengaʼa, man a nhelka ta auda te kokwar Egpte, aman i da nzi te ndev tengaʼa, iyè, Ndo nzi pèc pècèk, Zhiklè tengaʼa.

Exode 29:46 ပူးပေါင်းရင်းမြစ်များ

II Chroniques 6:18

Aman a vava Zhiklè a da nzi a sam ndohi tʼherkeda dè? Ko sam te giɗfèk, kala a géɗèʼa, a slra ka ɓai, azɓa gi man nga rama ka haha dè?

Psaumes 114:2

Juda nʼngaʼa a sam nengaʼa nkezlaʼa; Israel nʼngaʼa a kokwar-bi na.

Exode 20:2

Iyè Ndo nzi pèc pècèk, Zhiklè ngaya, man i cka ka auda te herkeɗa Egypte, te gi ɓèlè ngaya.

Exode 25:8

A ta gayè sam nkezlaʼa, aman i nzi a sam tengaʼa.

Exode 6:7

I woy a i par kinè a ndohi ga, a i gi a Zhiklè kinè, a kin da suna, i Ndo nzi pèc pècèk, Zhiklè kinè, man a pre kinè auda te mizlinè ɓèlè man a nzala kinè te kokwar Egypte.

Jérémie 14:9

Ka ara ndo man zlau a dza na èhèmè, ara ngul ndo man a slaha a mbel ndo ɓai èhèmè? Aman ka te ndev nga, Ndo nzi pèc pècèk; ta baha nga a nzlembaɗ ngaya. Ka jèke nga ɓai!

Jérémie 31:33

Na haha nderzlè-ma man i da gi a ndohi Israel, te deɓ patshi sa, Ndo nzi pèc pècèk a gaɗa. I da va ta ma kita ga a ndav ta, i da windèʼa a ndav ta, i gi a Zhiklè ta, a tengaʼa ta ndi a ndohi ga.

Ezéchiel 20:5

Gada ta: Bi Zhiklè a goɗ ar haha: A pats man i ngotsko Israel auda, i mbaɗa ta ndohi te verzi Jacob, a ri ngeda te zhiklè, i gudoko ta va a dai te kokwar Egypte, a i mbaɗa ta, a ri ngeda te zhiklè, a i gaɗa: Iyè Ndo nzi pèc pècèk, Zhiklè kinè.

Ezéchiel 34:24

Iyè, Ndo nzi pèc pè-cèk, i gi a Zhiklè ta; a David, bèl ga, a gi a kra bai te ndev kinè. Iyè Ndo nzi pèc pècèk, i goɗa.

Lèv. 11:44

Aman iyè, Ndo nzi pèc pècèk, Zhiklè kinè. Gar haha va-bür va kinè nkezlaʼa, a kin nzi a ndohi nkezlaʼa, aman iyè i kezla. A kin lizha va kinè a ri kinè bai a skwi tèlèba man a shèwèlè a géɗ herkeda.

Lèv. 18:30

Gar haha va-dzodzor ma kita ga, kin dzodzor mbèh skwi tengaʼa man hori te pa bai, man ta gau, ga kin shkè, a kin lizhè va a vna ɓai! Iyè Ndo nzi pèc pècèk, Zhiklè kinè.

Lèv. 19:2

Gada ta mpi ndohi Israel tèlèba aranta: A woy kin kezla, te man iyè, i kezla, i Ndo nzi pèc pècèk, Zhiklè kinè.

Lèv. 26:11

I da nzi te ndev kinè, a kin ngezlay a gèɗ asaɓai.

Lèv. 26:12

I shèwèlè te ndev kinè, a i gi a Zhiklè kinè, a kinè ndohi ga.

Aggée 2:5

Mèzhèɓ ga a nzi te ndev kinè, kin gu zlau ɓai!

Nombres 16:3

Ta humda ta va a gèɗ a nda Moise a Aaron, a ta gada ta: Anai tidè nga ma! Mpi ndohi tèlèba, ndohi nkezlaʼa tèlèba, man Ndo nzi pèc pècèk a zhè te ndev tengaʼa. Kin cèw kin woy a kin gi a mbibihiaʼa te va mpi ndohi Ndo nzi pèc pècèk èhèmè?

I Samuel 10:18

A ngaɗa ta ndohi Israel: Ndo nzi pèc pècèk, Zhiklè Israel, a goɗ ar haha: I helka ta ndohi Israel auda te kokwar Egypte, a i mbel kinè te ri wuɗi ndohi Egypte, te ri bihi tèlèba man ta ga kinè matakwan.