Exode 29:45 - Ma Zhiklè

⁴⁵ A i woy a i nzi te ndev ndohi Israel, a i gi a Zhiklè tengaʼa;

Exode 29:45 ပူးပေါင်းရင်းမြစ်များ

Genèse 17:8

A i va ka, a ndohi verzi ngaya, herkeda a haha, man ka a mbrok te pa, kokwar Canaan tèlèba, a ka ngotso a mèdèp, a i ndi a Bi Zhiklè tengaʼa.

I Rois 6:13

I da nzi a gi te ndev ndohi Israel, a i jèkeda Israel, ndohi ga, asaɓai.

II Chroniques 6:18

Aman a vava Zhiklè a da nzi a sam ndohi tʼherkeda dè? Ko sam te giɗfèk, kala a géɗèʼa, a slra ka ɓai, azɓa gi man nga rama ka haha dè?

Psaumes 114:2

Juda nʼngaʼa a sam nengaʼa nkezlaʼa; Israel nʼngaʼa a kokwar-bi na.

Psaumes 68:18

Kiki var Bi Zhiklè a zhè kumba, ta gi gozhèm kumba kumba. Bai, Zhiklè, a shkè te Sinai, a dè a sam nengaʼa nkezlaʼa a vna.

Exode 15:17

Ka de ta a pa, a ka geda ta a géɗ za ngaya, a sam man ka, Ndo nzi pèc pècèk, ka gu a sam nʼnzi ngaya, a sam nkezlaʼa, Ndo nzi pèc pècèk, man ri ngaya a mpau.

Exode 25:8

A ta gayè sam nkezlaʼa, aman i nzi a sam tengaʼa.

Exode 29:44

Aranta i woy a i ga gi mɓicè-va, a sam mvi skwi a Zhiklè, a mizlinè Zhiklè, a i woy a i pi nda Aaron a wudahi nengaʼa a mizlinè ga, a ta gi mizlinè ndohi mvay skwai.

Exode 6:7

I woy a i par kinè a ndohi ga, a i gi a Zhiklè kinè, a kin da suna, i Ndo nzi pèc pècèk, Zhiklè kinè, man a pre kinè auda te mizlinè ɓèlè man a nzala kinè te kokwar Egypte.

Jérémie 14:9

Ka ara ndo man zlau a dza na èhèmè, ara ngul ndo man a slaha a mbel ndo ɓai èhèmè? Aman ka te ndev nga, Ndo nzi pèc pècèk; ta baha nga a nzlembaɗ ngaya. Ka jèke nga ɓai!

Ezéchiel 34:24

Iyè, Ndo nzi pèc pè-cèk, i gi a Zhiklè ta; a David, bèl ga, a gi a kra bai te ndev kinè. Iyè Ndo nzi pèc pècèk, i goɗa.

Ezéchiel 43:7

a ngaɗkayè: Ka ndo, ka rka sam nʼnzi bi ga, a sam nfi sak ga, man i woy a i nzi te ndev Israel. Ndohi gi Israel ta da dérɗè nzlembaɗ ga nkezlaʼa a ma asaɓai a mali ta, ko tengaʼa, ko bihi ta. Ta dérzlè ntamagi gi dzavi ta a ntamagi gi ga asaɓai,

Ezéchiel 43:9

Aman antanta ta da jèkeda mali ta, a ta da hela na nckondo bihi ta auda a sam ga. Te deɓaʼa i woya a i nzi a sam ta a mèdèp.

Daniel 2:11

Skwi man bi a jhèɗèʼa, bav a pa, ndo ngiɗè a slaha a ngreda na bi azɓai, sèi zhiklèhai; aman tengaʼa ta az a sam ndohi tʼherkeda ɓai.

Lèv. 26:11

I da nzi te ndev kinè, a kin ngezlay a gèɗ asaɓai.

Lèv. 26:12

I shèwèlè te ndev kinè, a i gi a Zhiklè kinè, a kinè ndohi ga.

Aggée 2:5

Mèzhèɓ ga a nzi te ndev kinè, kin gu zlau ɓai!

Zacharie 2:10

Kokwar Sion, wuffa, gu langlangaʼa! Na haha i shkè a i nzi a ndev kinè, Ndo nzi pèc pècèk a gaɗa.

Zacharie 8:3

Ndo nzi pèc pècèk a gaɗa: I dè deɓa a Sion, a i nzi a ndev kokwar Jérusalem. A ta baha na kokwar Jérusalem ‘kokwar nlèɓèslèa’, a za Zhiklè bi mbiaʼa ‘za nkezlaʼa’.

Nombres 16:3

Ta humda ta va a gèɗ a nda Moise a Aaron, a ta gada ta: Anai tidè nga ma! Mpi ndohi tèlèba, ndohi nkezlaʼa tèlèba, man Ndo nzi pèc pècèk a zhè te ndev tengaʼa. Kin cèw kin woy a kin gi a mbibihiaʼa te va mpi ndohi Ndo nzi pèc pècèk èhèmè?

Nombres 35:34

Kin lizha kokwar man kin da nzi a pa, kokwar man kin nzi a ndevaʼa, bai; te man iyè, Ndo nzi pèc pècèk, i da nzi a ndev ndohi Israel.

Nombres 5:3

Ko ngurhi, ko ngwozai, kin dzam ta auda a samaʼa, a ta nzi tʼuda, a ta lizhè sam man i nzi a pa te ndev kinè azbai.

Jean 14:17

Mèzhèɓ nzuraʼa, man herkeda a slaha a ncè ɓai, te man a rka bai, a sun bai. Aman kinè, kin sun nengaʼa, te man nengaʼa a nzi a sam kinè, a zhè te ndav kinè.

Jean 14:20

A pats nasa kin da suna, i te Bab ga, a kinè te iyè, a iyè te kinè.

Jean 14:23

A Yèsu a mʼmbeɗa na a ma: Ndo man a woy iyè a ndav na, a fi gèɗ a ma ga. Bab ga a da woyaʼa a ndav na. A nga da shkè a sam na, a nga da nzi a sam na.

2 Corinthians 6:16

Gi Zhiklè a vrihai ta hümdè te mè? Aman nga, gi Zhiklè man a zhè a nshèffè. Ara Zhiklè man a gaɗa: I war a i nzi a sam tengaʼa, i shèwèlè te ndev tengaʼa; a i gi a Zhiklè ta, a tengaʼa ta gi a ndohi ga.

Ephésiens 2:22

Te nengaʼa kinè ba ta ɗizl kinè ara gi Zhiklè te Mèzhèɓ.

Deutéronome 12:11

te deɓaʼa va-hulko skwi tèlèba man ijhèɗè a sam kinè, a sam man Ndo nzi pèc pècèk, Zhiklè kinè, a ngotskoɗauda, aman nzlembaɗ na a nzi a pa: skwi man kin ndarayè, a kin zlayè; skwi 1 te va 10; skwi man kin co auda; skwi kinè mparaʼa tèlèba man kin gaɗa na hi a Ndo nzi pèc pècèk;

Deutéronome 7:21

Kin gudzu a sam tengaʼa ɓai, te man Ndo nzi pèc pècèk, Zhiklè kinè, a zhè te ndev kinè, Zhiklè mbiaʼa, mwuɗitpa!

Apocalypse 21:3

A i tsena ngèɗè mbiaʼa a sam nʼnzi bi Zhiklè, man a gaɗa: Na haha, gi Zhiklè a zhè a sam ndohai! Bi Zhiklè a da nzi a sam tengaʼa, a tengaʼa ta da gi a ndohi nengaʼa, Zhiklè a ri na a nzi a sam tengaʼa, Bi Zhiklè ta.