Exode 29:25 - Ma Zhiklè

²⁵ Te deɓaʼa co te ri tenga zaʼa, a ka fa na vogwa a gèɗ sam mvi skwi a Zhikiè, a va skwi man ka ndara na Zhikiè, a nzhkèha Zhikiè Ndo nzi pèc pècèk, aman nengaʼa skwi man ka va na Zhikiè te vogwa.

Exode 29:25 ပူးပေါင်းရင်းမြစ်များ

Genèse 8:20

A Noé a nrom sam mvi skwi a Ndo nzi pèc pècèk. A nco te va skwi man Zhiklè a sla na mpanaʼa, te va ɗiakihai man Zhiklè a sla ta mpanaʼa, a ndarda a vogwa a sam mvi skwi a Zhiklè.

Genèse 8:21

A skwi nʼndaraʼa matsa a mzhkèha Zhiklè, ambaha, a ngod te ndav na: Anai i woy a i phomde herkeda a géɗ ndohai asaɓai. Skwi man ndav ndo a hérèʼa, ambaɓai, daga nyakaɗ na. Anai i woy a i keɗe skwi man a zhè a nshèffè asaɓai, ara man i gu matsa.

Psaumes 99:6

Moise a Aaron te va ndohi mvi skwi a nengaʼa, Samuel te va ndohi man ta tsi ri a nzlembaɗ nengaʼa. Ta tsu ri a Ndo nzi pèc pècèk, a nengaʼa a mʼmbedka taa ma.

Exode 29:18

a ka fa na vogwa a drok tèlèba a sam mvi skwi a Zhikiè nengaʼa skwi man ta ndara na Ndo nzi pèc pècèk, skwi man a zhkèha, skwi man ta va na Ndo nzi pèc pècèk te vogwa.

Exode 29:24

Skwi haha tèlèba va ta a ri Aaron a wudahi nengaʼa, a ka gidèʼa, ka gedaʼa a sam di Ndo nzi pèc pècèk.

Exode 29:41

Kra tambak ngiɗè, ka vi a dakwaɗ – a movar man ta va na Zhiklè, a skwi man ka ɓala na a Zhiklè. Ka da gu lèmèlèmè ara man a prèk, a skwi man ta va na a Zhiklè te vogwa a zhkè, a jénaha ndav Ndo nzi pèc pècèk.

Lèv. 1:13

Aman skwi hwaɗaʼa, a sakhiaʼa, da pana a iyam. Te deɓaʼa ndo mvi skwi a Zhiklè a via tèlèba, a fa na vogwa a sam mvi skwi a Zhiklè. A ndara na Aranta skwi a Zhiklè, skwi man a va na Ndo nzi pèc pècèk te vogwa, ambaha.

Lèv. 1:9

Aman skwi hwaɗaʼa, a sakhiaʼa, da pana a iyam. Te deɓaʼa ndo mvi skwi a Zhiklè da ndara tèlèba, a géɗ sam mvi skwi a Zhiklè. Aranta a ndara na skwi a Zhiklè, skwi man a va na Ndo nzi pèc pècèk te vogwa, ambaha.

Lèv. 10:13

Sèi kin ndiaʼa a sam nkezlaʼa. Nengaʼa skwi man kinè a wudahi kinè a kin ngè-cèʼa te va skwi man ta va na Ndo nzi pèc pècèk te vogwa. Zhiklè a ngadayè aranta.

Lèv. 2:11

Movar mèmè man kin va na Ndo nzi pèc pècèk, sèi man skwi nshégèrè a te di bai. Skwi nshégèr skwai a vongwom, kin va na Ndo nzi pèc pècèk te vogwa ɓai!

Lèv. 2:16

A ndo mvi skwi a Zhiklè da co te va tser dau mɓertsaʼa, a mbar, a burdi, aman a va na a skwi man ambaha Zhiklè, a fa na vogwa. Nasa skwi man a va na Ndo nzi pèc pècèk te vogwa.

Lèv. 2:2

Da hulkoɗi a sam wudahi Aaron, ndohi mvi skwi a Zhiklè. Ndo mvi skwi a Zhiklè da hul gufa, zlukri staɗ, a mbar, a burdi, tèlèba, da fa na vogwa a skwi man a va na Zhiklè, a sam mvi skwi a Zhiklè. Nasa skwi man a va na Ndo nzi pèc pècèk te vogwa, ambaha.

Lèv. 2:9

A ndohi mvi skwi a Zhiklè da co te nengaʼa, aman a va na Ndo nzi pèc pècèk, a sam mvi skwi a Zhiklè. Nasa skwi man a va na Ndo nzi pèc pècèk te vogwa, ambaha.

Lèv. 3:11

A ndo mvi skwi a Zhiklè da fa na vogwa a sam mvi skwi a Zhiklè. Nasa movar man a va na Ndo nzi pèc pècèk te vogwa.

Lèv. 3:14

Te deɓaʼa da va na skwi na a Ndo nzi pèc pècèk te vogwa: mbeza tèlèba man a mbèda vayats a pa, mbeza te slrats vayats tèlèba,

Lèv. 3:16

A ndo mvi skwi a Zhiklè da fa na vogwa tèlèba a sam mvi skwi a Zhiklè. Nasa movar man a va na Ndo nzi pèc pècèk te vogwa, ambaha. Mbeza tèlèba a Ndo nzi pèc pècèk.

Lèv. 3:3

Te debaʼa, te va skwi man a va na Zhiklè te pombai, da va na te vogwa kètè: mbeza tèlèba, man a mbèda vayats a pa, a mbeza te slrats vayats tèlèba,

Lèv. 3:5

A wudahi Aaron da fa na vogwa a sam mvi skwi a Zhiklè, a deb skwi man ta ndara na Zhiklè man a zhè a gèɗ shègwa. Nasa skwi man a va na Ndo nzi pèc pècèk te vogwa, ambaha.

Lèv. 3:9

Te deɓaʼa te va skwi man a va na Ndo nzi pèc pècèk te pombai, da va na mbeza te vogwa: mbezaʼa, hutor tèlèba man a nʼngulo a sam dèdèlishèʼa, mbeza tèlèba man a mbèda vayats a pa, mbeza te slrats vayats tèlèba,

Lèv. 7:25

Ndo man a ndi mbeza skwi kudom man ta va na Ndo nzi pèc pècèk te vogwa, sèi da zedkoɗi ndo nʼndau auda te va gwoli na.

Lèv. 7:5

Ndo mvi skwi a Zhiklè da fa na vogwa tèlèba a sam mvi skwi a Zhiklè, a va na Zhiklè te vogwa. Nasa skwi man a vi a skwi mpil gèɗ.

Lèv. 8:28

Te deɓaʼa Moise a mhul skwi tèlèba a deɓa te ri ta, a mfa na vogwa a sam mvi skwi a Zhiklè. Nasa skwi man ta va na Zhiklè a pats man ta bada ta mbar a gèɗ, aman ambaha, skwi man ta va na Ndo nzi pèc pècèk te vogwa.

Ephésiens 5:2

Va-woy ndo, lèmèlèmè ara Kristi man a woy kinè! A mvoko va na a ri na a géɗ nga, ara skwi man a va na Zhiklè, a skwi man a zla na Zhiklè, man ambaha Zhiklè.

I Samuel 2:28

A i parka ta te pa, te va ndohi verzi Israel tèlèba, a ta gi mizlinè mvi skwi a Zhiklè a sam ga, a ta shkè a sam ga, a sam mvi skwi a Zhiklè, a ta fi vogwa a skwi man ta ndarayè, a ta fi maslaka Ephod ga a va. A i va ta mizlinè nzlèhè skwi a Zhiklè ndohi Israel tèlèba a ri a ndohi te gi bab ngaya.