Exode 29:14 - Ma Zhiklè

¹⁴ Zluèɗ, hutèɗèʼa, a shuèɗèʼa, fa na vogwa tʼuda, a dala, aman nengaʼa skwi man ta va na Zhikiè a gèɗ malai.

Exode 29:14 ပူးပေါင်းရင်းမြစ်များ

II Chroniques 29:24

A ndohi mvi skwi a Zhiklè ta zloho, a ta guceda Pombaz a sam sak sam mvi skwi a Zhiklè, a mpèn mali ndohi Israel tèlèba. Bai a ngoɗ aman ta ndèr skwai a ta zli skwai a géɗ Israel tèlèba.

Esdras 8:35

A pats nasa, ndohi man ta shkè a deɓa te ɓèlè, man ta menkada deɓa a kokwar ta, ta va na skwi a Zhiklè, a ta ndara na skwi a Zhiklè Israel: mari 12 a géɗ Israel tèlèba, drokhi 96, wud tambakihi 77, mazawalhi 12 a géɗ malai. Tèlèba skwi man ta ndara na Ndo nzi pèc pècèk.

Exode 30:10

Aaron da pul gèɗ malai a sam drom sam mvi skwi a Zhiklè, sak staɗ tʼhwaɗ mvai. Da pul gèɗ malai, a sam na, a pombaz skwi mpil gèɗ malai man ta vau, sak staɗ tʼhwaɗ mvai, te verzi tengaʼa a ndè a ma ma pèc pècèk. Nengaʼa nkezli nkezlaʼa a sam Ndo nzi pèc pècèk.

Ezéchiel 43:21

Te deɓaʼa co kra marai, a ta fa na vogwa a sam nte gai man ta tila a géɗ nengaʼa; a sam nkezlaʼa ka ɓai.

Lèv. 16:11

A Aaron da vau gol marai a géɗ malai, da ngatsa skwi mpil gèɗ a géɗ nengaʼa a ndohi gi na, da zloho marai a géɗ mali na.

Lèv. 16:27

Aman marai a géɗ malai, a mazawal a géɗ malai, man Pombaz tengaʼa a shkè a sam nkezlaʼa a skwi mpil gèɗ, sèi da heldauda a dal kokwar, da fa na vogwa, a bkwi ba a zluèɗèʼa ba a ziaʼa ba.

Lèv. 16:3

Aman Aaron a dè a pa, a sam nkezlaʼa, sèi man a vi gol marai a géɗ malai, sèi man a da ndarayè drok.

Lèv. 4:21

Aman marai sèi ta da auda a dal kokwar, a ta fa na vogwa, lèmèlèmè ara nshèlèkuraʼa. Nasa skwi man mpi ndohai ta via a gèɗ malai.

Lèv. 4:25

Ndo mvi skwi a Zhiklè da nècèdè kra ri na a va Pombaz skwi man ta zlu a géɗ malai, da faɗda a dromhi sam mvi skwi a Zhiklè. Njèkèɗi Pombaz da badaussa a verzi sam mvi skwi a Zhiklè.

Lèv. 4:29

Da ngeda rai a gèɗ skwia, man a via a géɗ malai, da zloho a sam man ta zlèh skwi man ta ndara na a Zhiklè.

Lèv. 4:3

Aman ndo ngu mali sa, ndo mvi skwi a Zhiklè, man ta bada na mbar a gèɗ, a nkalde ta ndohi a malai a vna, da va na gol marai nsuɗekɗekaʼa a Ndo nzi pèc pè-cèk, a géɗ malai man a gau, nasa skwi man a va na Zhiklè a géɗ malai.

Lèv. 4:32

Aman a woya a nzla na tambak a Zhiklè a géɗ malai, da cko tambak, demaʼa, nsuɗekɗekaʼa.

Lèv. 5:6

Te deɓaʼa da va na skwi a Ndo nzi pèc pècèk a gèɗ mali man a gau, a pil gèɗ: skwi kudom nkèshèa, te va demaʼa, gar tambak, gar ɓok, a géɗ malai. Aranta ndo mvi skwi a Zhiklè a ngatsa na skwi mpil gèɗ a géɗ mali man a gau.

Lèv. 5:8

Da hulkoɗa a sam ndo mvi skwi a Zhiklè, a nengaʼa da vau nshèlèkuraʼa di man a viaʼa, a géɗ malai. Da berɗama na daʼai ndul ndul a sam dai Pombaz, da ngela na gèɗ auda bai.

Lèv. 8:17

A marai, a bkwi ba a zluèɗ ba a ziaʼa ba ta fa na vogwa a dal kokwar, ara man Ndo nzi pèc pècèk a gada na Moise.

Lèv. 9:2

a ngaɗa na Aaron: Cko kra zlè a gèɗ va ngaya, a gèɗ malai, a drok, da ndara na Zhiklè, cèw cèw ba nsuɗekɗekaʼa, a ka va na Ndo nzi pèc pècèk!

Mal. 2:3

Na haha, i ngelama kinè rai, i da gucè kinè zi skwi man kin ndarayè a dai; skwi ngolala man kin vokoyè, i rka ara zai.

Nombres 19:5

Te deɓaʼa da fa na vogwa a zlè a sam di na, a bkwi ba a zluèɗèʼa ba a Pombaz a zia tèlèba, sèi ta fa na vogwa.

Nombres 7:16

Mazawal staɗ a géɗ malai,