Exode 28:38 - Ma Zhiklè

³⁸ Da nza a medi Aaron, a Aaron da hul mali ndohi Israel tèlèba man ta gau a sam skwi nkezlaʼa man ndohi Israel ta va na Zhiklè. Da nza a medi nengaʼa pèc pècèk, aman ta ngècè pombai a sam Ndo nzi pèc pècèk.

Exode 28:38 ပူးပေါင်းရင်းမြစ်များ

Exode 28:37

A ka manda a deb mpèdè gèɗ a medi a teɓa maslaka mʼmadzaʼa.

Exode 28:43

A Aaron a wudahi nengaʼa ta viaʼa a va, aman ta de a gi nkezlaʼa, aman ta dè a sam mvi skwi a Zhiklè, a ta gi mizlinè a sam nkezlaʼa, aman ta fi mali a gèɗ ta azbai, a ta metsi azbai. Sèi ta gi aranta ndèzl, nengaʼa a ndohi verzi tengaʼa pèc pècèk.

Esaie 53:6

Nga tèlèba nga zlak nga, ara tambakihai, nga tèlèba, ngiɗè a civèɗ na, ngiɗè a civèɗ na, a Ndo nzi pèc pècèk a mʼmanda mali nga tèlèba a gèɗ nengaʼa.

Esaie 56:7

i woya a i de ta a sam za ga nkezlaʼa, a i va ta mwuffè te gi ntsi ri ga. Skwi tengaʼa man ta ndarayè a ta zlayè a sam mvi skwi a Zhiklè, a gi ambahayè. Aman gi ga, sèi ta baha na gi ntsi rai ndohi herkeda tèlèba.

Esaie 60:7

Tambakihi te Kédar tèlèba ta ɓica va a sam ngaya, drokihi Nebajoth tèlèba ta zhè, a ka gi skwi a vna, a ka viaʼa a sam mvi skwi a Zhiklè; ta ambahayè. A i woya a i nzala gi ntsi ri ga.

Lèv. 1:4

Da ngeda rai a géɗ skwi man a ndara na, a da ambaha Zhiklè, aman gèd nengaʼa mpela.

Lèv. 10:17

Skwi man ta vau a géɗ malai, kin ndau a sam nkezlaʼa bi èhèmè? Skwi nkezli nkezlaʼa, Zhiklè a mva kinè, a ncè mali mpi ndohi auda, a ta ngècè skwi mpil gèɗ a sam Ndo nzi pèc pècèk.

Lèv. 22:16

Man bai ta fi mali a kita a gèɗ ta, man ta ndi skwi tengaʼa nkezlaʼa. Aman iyè, Ndo nzi pèc pècèk, man i ga ta a ndohi nkezlaʼa.

Lèv. 22:27

Aman kra zlè, kra tambak, kra ɓok nya ma, da nza a sam mam na mʼmèn tsaraɗ. Aman ka va na Zhiklè te vogwa a ngi ambaha Ndo nzi pèc pècèk, sèi a pats matsamakaɗaʼa.

Lèv. 22:9

Sèi ta jèjèr ma kita ga, a ta fi mali a gèɗ ta azɓai a géɗ skwi nkezlaʼa, man ɓai ta metsi ta, te man ta derɗaʼa. Iyè Ndo nzi pèc pècèk, man i ga ta a ndohi nkezlaʼa.

Lèv. 23:11

Nengaʼa da geda na gèɗ a nkèl-dau a sam Ndo nzi pèc pècèk, a pats nshèk va, te mangoslèmaʼa, a Zhiklè a wuffè a géɗ kinè.

Nombres 18:1

A Ndo nzi pèc pècèk a ngaɗa na Aaron: Kinè a wudahi ngaya, a ndohi gi bab ngaya, mali man ndo a gi a sam nkezlaʼa, ma kinè. Man ndo a gi malai asam mizlinè kinè, te mvi skwi a Zhiklè, ma kinè.

Jean 1:29

Te mangoslèmaʼa Jean a rka, Yèsu a shkè a sam na, a ngaɗa: Na haha, kra tambak Zhiklè, man a cè mali herkeda!

2 Corinthians 5:21

Aman Zhiklè a ndeda nengaʼa man a sun mali ɓi fèt, a malai a géɗ nga, aman te nengaʼa nga da ndi a ndohi nzuraʼa a sam di Zhiklè.

Ephésiens 1:6

a nga ndi a skwi nslébèrdè nʼnjèl nengaʼa, man a mva nga te kra nengaʼa man a woya a ndav na.

Hébreux 9:28

ara man Kristi a mvau nshèffe na sak staɗ, te deɓaʼa klèng, aman a ncè malihi ndohai kumba. Macecèwaʼa a di a gudko va a di a géɗ mali ka ɓai, aman a géɗ man a da hel ta ndohi man ta zhèrèʼa.

1 Peter 2:24

Nengaʼa a nco malihi nga a deɓ wof te va nengaʼa, aman nga jèkeda nʼnzi te malai, a nga nzi a géɗ ngi-zuraʼa. Te mblè nengaʼa kin mbel kinè.

1 Peter 2:5

Kinè ara kwahi nshèffè, man ta gi gi Mèzhèɓ Zhiklè a vna, kinè ndohi mvi skwi a Zhiklè nkezlaʼa, man ta zli skwi te Mèzhèɓ a Zhiklè, man te Yèsu Kristi ta ambaha Zhiklè.

1 Peter 3:18

Aman Kristi ba a mʼmets na a géɗ malihai, sak staɗgenè. Ndo nzuraʼa te di man a ndohi nzura ka ɓai, aman a de nga a sam Zhiklè. Ndohi ta keɗa va nengaʼa; aman Zhiklè a mva na nshèffè te Mèzhèɓ.