Exode 24:17 - Ma Zhiklè

¹⁷ Ndohi Israel ta rka nʼnjèl Ndo nzi pèc pècèk ara vogwa man a ndi skwi a géɗ za.

Exode 24:17 ပူးပေါင်းရင်းမြစ်များ

II Samuel 22:13

Nengaʼa a si dai, a vogwa a wurcè auda te pa.

II Samuel 22:9

Vodzok a shkè auda tʼhtsan nengaʼa, vogwa nʼndi skwai te ma nengaʼa; vogwa a wurtskaɗa te nengaʼa.

Exode 19:11

Anvakastaɗ ta tila ma. Aman anvakastaɗ, Ndo nzi pèc pècèk a di a shkè a géɗ za Sinai a sam di ndohi tèlèba.

Exode 19:18

Za Sinai te va vodzok, a géɗ man Ndo nzi pèc pècèk a mshkè te va vogwa. A vodzok a ndo a géɗèʼa, ara vodzok gezla. Za tèlèba a gidè va, a vata.

Exode 3:2

A gol Zhiklè a ngudoko na va a dai te nèʼèn vogwa te va vatak. Moise a nrkaʼa, na haha, vogwa te vaʼa, aman vogwa a ndi vatak ɓai.

Ezéchiel 1:27

I rkaʼa: a si dai, a hinè a sam mʼmèn skwi deɓa a ndè aman a géɗèʼa. A sam mʼmèn skwi deɓa a ndè man a godok, i rka sam nhelaʼa ara vogwa, man a hela sam man a zlatsa a pa a tsagi nengaʼa tèlèba.

Ezéchiel 1:28

Ara kwarai man a rkè te va vanai a pats man iyam a gai; sam nhelaʼa a si dai te tsagi tèlèba. Aranta skwi man i rkaʼa, nʼnjèl Ndo nzi pèc pècèk man a ngudko va. Aman i rkaʼa, a i kalahi a deɓ sak nengaʼa. I tsena daʼai ngiɗè man a gaɗa.

Nahum 1:6

Nslaha a nzlècè a sam ndzoan nengaʼa wa? Nslaha a nʼnzi a sam ndav nengaʼa man a gi worworaʼa wa? Wuɗi ndzoan nengaʼa a zlèzlèmè ara vogwa, ko zahi ta wurzl ta a sam na.

Deutéronome 4:24

Aman Ndo nzi pèc pècèk, Zhiklè kinè, vogwa man a ndi skwai, Zhiklè srak!

Deutéronome 4:36

A ngaɗka kinè te zhiklè te gédèʼa, aman a senda kinè. A nʼngra kinè vogwa nengaʼa tʼherkeda, a kin tsena ma nengaʼa te va vogwa.

Deutéronome 9:3

A patsna ka suna, Ndo nzi pèc pècèk, Zhiklè ngaya, a dè a ma ngaya a ri na, ara vogwa man a ndi skwai; nengaʼa a da zede ta, nengaʼa a da wushede ta hai, a ka da dzam ta, a ka gedas ta tsam tsam, ara man Ndo nzi pèc pècèk a mpasla ka ri a pa.

Hébreux 12:18

Aman kin da ɓai a sam za man ndo a slaha a nlama na a rai, man vogwa te pa, a sam vani a ruva a ndombozlor,

Hébreux 12:29

Aman Zhiklè nga, vogwa man a ndi skwi tèlèba.