Exode 24:12 - Ma Zhiklè

¹² A Ndo nzi pèc pècèk a ngaɗa na Moise: Washkè a sam ga a géɗ za, nza a pa, a i va ka kwa, man i windeda ma kita ga a ma nkwèr ga a pa, a i slebda kinè.

Exode 24:12 ပူးပေါင်းရင်းမြစ်များ

I Rois 19:11

A ngaɗa: Do auda, zlatsa a géɗ za a sam Ndo nzi pèc pècèk! Na haha Ndo nzi pèc pècèk a bizhè a samaʼa. Ndombozlor mbiaʼa mwuɗitpa a shkè a ma Ndo nzi pèc pècèk, a wurzleda zahai. Aman Ndo nzi pèc pècèk a te va ndombozlor ɓai. Ndombozlor klèng, herkeda a gudzai. Aman Ndo nzi pèc pècèk a te vaʼa ɓai.

Esdras 7:10

Esdras a nfu gèɗ a vna, a nwuzhè ma kita Ndo nzi pèc pècèk, a njèjèrèʼa, a nslebda ta ndohi Israel ma kita a ma nkwèr Zhiklè.

Néhémie 9:13

Ka shkèhai a géɗ za Sinai, ka gaɗa ta te zhiklè, ka va ta ma kita nzuraʼa, ma nkwèr nlèɓeslèʼa, ma bai a ma man a de ta man amba.

Néhémie 9:14

Ka ngra ta pats nshèk va nkezlaʼa, ka va ta ma nkwèr ngaya, ma nde ta, a ma kita, a ka bezda na ma a ri a Moise, ɓèl ngaya.

Psaumes 19:12

Ɓèl ngaya ba a nʼngots maya te pa. Ndo man a jèjèrèʼa, skwi ntul nengaʼa a zhè a vata.

Exode 19:3

A Moise a ndo a géɗ za Zhiklè. A Ndo nzi pèc pècèk a mbaha na te za, a ngaɗa: Ka da gada ta ndohi gi Jacob, a ka da ngreda ta wudahi Israel aranta:

Exode 24:15

Aman Moise a dèagédza, vanai a mbèd géɗ za a pa.

Exode 24:18

A Moise a mdo a va vanai. A Moise a mdo a géɗ za, a nʼnza a géɗ za pats 40 a mʼmèn 40.

Exode 24:2

Moise staɗ a gèɗ na da herda na va a Ndo nzi pèc pècèk; aman tengaʼa da herdeka na va bai, ndohi da shkè a géɗèʼa a verzi ngaya bai!

Exode 31:18

Aman ta goɗ a Moise a géɗ za Sinai klèng ma, Zhiklè a mva na kwa cèw, a ma kita a deɓaʼa, man Zhiklè a mwindeda pa a ri na.

Exode 32:1

Aman ndohi ta rkaʼa, Moise a nzi dai a géɗ za, nshkèhi tsam-tsam bai, ta ɓiceda va a sam Aaron, a ta gada na: Washkè, rama nga zhiklè nga, aman a dè a ma nga. Nga sun skwi man a nga na ndo haha bai, Moise, nengaʼa man a nhelka nga auda te kokwa. Egypte.

Exode 34:1

Ndo nzi pèc pècèk a ngaɗa na Moise: Gum kwa cèw, kwa ara nshèlèkurhiaʼa. A i woy a i windeda ma a pa, man a zhè a deb kwa nshèlèkuraʼa, man ka bazlaʼa.

Jérémie 31:33

Na haha nderzlè-ma man i da gi a ndohi Israel, te deɓ patshi sa, Ndo nzi pèc pècèk a gaɗa. I da va ta ma kita ga a ndav ta, i da windèʼa a ndav ta, i gi a Zhiklè ta, a tengaʼa ta ndi a ndohi ga.

Matthew 5:19

Ko wawa man a jèkèda staɗ te va ma kita Zhiklè, ko ma nkèshèʼa genè, a slebda ta ndohi ngiɗè arsa, ta da baha na nkèshèʼa te kokwar-Bi-Zhiklè. Aman ndo man a da fi gèɗèʼa, a slebda ta ndohi ngiɗè a ta fi gèɗèʼa arsa, ta da baha na ndo mbiaʼa te kokwar-Bi-Zhiklè.

2 Corinthians 3:3

Kinè, kin ɗèlèwèr Kristi, a nga ngreda auda a mizlinè nga. Ɗèlèwèr ta Windo a skwi mwindè skwi ka ɓai, a deɓ kwa ka ɓai, aman ta windeda a ndav a Mèzhèɓ Zhiklè a nshèffè.

2 Corinthians 3:7

Ma kita Zhiklè mwindèa a deɓ kwa, a da na ma a mʼmetsai, ko a matsa a nʼngots nʼnjèl Zhiklè. A ndohi Israel ta slaha a ta pi di a medi Moise ɓai, a géɗ nʼnjèlè man a zhè a medi na, nʼnjèlè man a di a ndev na genè.

Deutéronome 4:14

Te ndev nasa, Ndo nzi pèc pècèk a njèy a gèɗ, aman i slebda kinè ma nkwèr a ma kita a kin da jèjèrèʼa te kokwar man kin dè dè a pa a kin kwèrèʼa.

Deutéronome 5:22

Ma haha. Ndo nzi pèc pècèk a ngaɗka ta mpi ndohi kinè tèlèba a géɗ za, te va vogwa, te va vanai, te va ruva, a daʼai nslhaʼa, ma ngiɗè ka ɓai. A mwindkoɗa adeɓ kwa cèw, a mvokoyè.

Deutéronome 5:31

Aman ka, washkè a ka zlatsa a sam ga, a i njè ka ma nkwèr ga, ma man a de kinè tèlèba, a ma kita ga, aman ka da senda ta, a ta jèjèrèʼa te kokwar man i da va ta a skwi ta.

Hébreux 9:4

Te pa sam nʼndèr burdi man ta gu a guro, a koti nderzlè-ma mbèʼa a guro, a shiɗèf guro man manna te pa, a gada Aaron man a tsu vah, a kwa nkelwoɗaʼa a nderzlè-ma a pa.