Exode 23:7 - Ma Zhiklè

⁷ Kazla ngay auda a sam skwi man a ngwèdè ndo. Ndo man a nga mali bai, man a ngau zuraʼa, ka ngela na kita mʼmetsi a gèɗ bai. A ndo man a ngau malai, ka pra bai.

Exode 23:7 ပူးပေါင်းရင်းမြစ်များ

Genèse 18:23

A Abraham a nherda na va, a ngaɗa: Ka woy a ka zeda ndohi nzuraʼa a nda ndohi malihi dè?

Job 22:23

Aman ka manda géɗ a hi a ka ngwodko ndav a sam Zhiklè Bi-wuɗai, aman ka dzomko skwi nzura ka ɓai auda te gi ngaya,

Psaumes 119:29

Da ncèkèlma auda a sam ga! Vay pomɓai, a ka senday ma kita ngaya!

Psaumes 94:21

Ta vhè ma a géɗ nshèffè ndo nzuraʼa, a ta fa na mali a gèɗ a ndo man mali na azɓai.

Exode 20:13

Ka kuɗ ndo bai!

Exode 20:16

Ka tsokol ma a géɗ nslamagi ngaya bai!

Exode 23:1

Ka tsokol ma ambali bai! Ka takaha ndo malai a malwuɗi ncèkèlma bai!

Exode 34:7

man pombi na a zhè a verzi ndohi gozhèm gozhèm kumba, man a pra ta mphömè a maharam a malai a ndohai, aman a pra ta ambali ka bai, aman a gi kita a sam wudahi a géɗ mali bab ta, te verzi bab ta, te mamakaraʼa, te mafaɗaʼa.

Proverbes 11:21

A vava! Ndo ambaɓiaʼa a ngècè kita na; verzi ndohi nzuraʼa ta mbel ta.

Proverbes 17:15

Ndo man a pra ndo malai, a ga na kita a gèɗ ndo man mali na azɓai, cèw ba hori a sam Ndo nzi pèc pècèk.

Esaie 33:15

Nen-gaʼa man a dè te ngi-zuraʼa, man a gèɗè ma nzuraʼa, man a kwola gani ngi ri, man a hela ri na a nkwola skwi man ta woy a ta ruɓè a vna, man a ndè zlembaɗ na, a woya a ncinè tsaval ndohi nkeɗe ndo ɓai, a pizlè di na, a woya a nrka mali ɓai.

Esaie 5:20

Wobau a géɗ ndohi man ta baha na skwi man ambaɓai, amba; a skwi man amba, ambaɓai; man ta ngwoda ruva a skwi nhel sam, a skwi nhel sam a ruva; man ta ndeda skwi nɗuzlekzlekaʼa a skwi nhontuktukaʼa; a skwi nhontuktukaʼa a skwi nduzlekzlekaʼa.

Lèv. 19:11

Kin gu metsar bai, kin ngwod ndo bai, kin tsokol ma bai!

Lèv. 19:16

Ka nguro gwoli ngaya bai, ka ga na ma a gèɗ a nshèffè kramam ngaya bai. Iyè Ndo nzi pèc pècèk.

Nahum 1:3

Ndo nzi pèc pècèk a gi ndav tsam tsam azɓai, a woy ndo kumba; aman a gi ndzoan a géɗ malai. A dè te ndev lokotor a ndombozlor, vanai nara lokotor man sam sak nengaʼa a nslambaɗda.

Luke 3:14

A sojèhi ba ta shkè, a ta jhèɗèʼa: Nga, nga gi kè? A nengaʼa a ngaɗa ta: Kin pra na zlau a va a ndo ɓai, kin ngwoda ta ma a gèɗ a ndohi ɓai, Suli mizlinè kinè da dèʼa kinè!

Romans 1:18

Ndzoan Bi Zhiklè a ngredè auda te zhiklè a géɗ ndohai, a géɗ skwi ambaɓiaʼa, a skwi nzura ka ɓi tengaʼa tèlèba. A skwi tengaʼa man zura ka ɓai, ta gseda ma nzuraʼa a hai.

Ephésiens 4:25

Gar haha va-jèkedá ncèkèlma, vo-goɗ ma nzuraʼa, staɗ staɗ a sam ko wa wa, te man nga tèlèba nfèfènvahai.

Deutéronome 25:1

Aman ndohi ta bèzl va a ta dè kita, da pra ndo man nʼnga mali ɓai, da fa na mali a gèɗ ndo man a ngu malai.

Deutéronome 27:25

Ndo man ta ruɓa, aman a nkédè ndo man a nʼnga mali ɓai – da phomda! A ndohi tèlèba ta da gaɗa: Amen!

1 Thessalonians 5:22

Va-ɓarra va kinè a sam skwi man ambaɓi tèlèba!