Exode 23:31 - Ma Zhiklè

³¹ Sam ngaya a da hinè a sam woyam mbiaʼa nduzoa, a ndè a sam iyam mbiaʼa man a ndohi Philistie, a hinè a sam hèshèkèɗ, a ndè a ma woyam Euphrate. A vava i da va ka ndohi kokwar a rai, a ka da dzam ta auda a ma ngaya.

Exode 23:31 ပူးပေါင်းရင်းမြစ်များ

Genèse 15:18

A pats sa, Ndo nzi pèc pècèk ta derzla ma ta a Abram, a ngaɗa: I da va ta herkeda haha a ndohi te verzi ngaya, a hinè te woyam Egypte, ha ndè a ma woyam mbiaʼa, Euphrate.

I Rois 11:2

te va ndohi man Ndo, nzi pèc pècèk a ngaɗa ta ndohi Israel: kin derzla va a tengaʼa ɓai, a tengaʼa da derzla va a kinè ɓai! Man ɓai ta da pe kinè a wai a kin jèjèr zhiklè tengaʼa. Aman ngwozi sa ta co ndav Salomon.

I Rois 20:13

A ndo nhadka ma a nherda na va a Achab, bi Israel, a ngaɗa: Ndo nzi pèc pècèk a goɗ ar haha: Ka rka ndohi rèdèdèa haha dè? A patsna i da pe ta a ri ngaya, a ka da suna, iyè Ndo nzi pèc pècèk.

I Rois 4:21

A Salomon a ngu bai a géɗ kokwar bihi tèlèba, a hinè te woyam, ha ndè a kokwar Philistie, ha ndè a kuma kokwar Egypte. A ta tsokolkoɗi skwi a gi bai, a ta fi gèɗ a ma Salomon a pats nshèffè nengaʼa tèlèba.

I Rois 4:24

A géɗ man bai, kala wud woyam tèlèba, a hinè te Tiphsak, ha ndè Gaza, a géɗ bihi kokwar tʼwud woyam tèlèba, gumi a zhè a sam tèlèba.

I Rois 8:65

Aranta Salomon a ngau ngolala, a ndohi Israel tèlèba. Ndo nhayaʼa kumba, a hinè te Hamath, ha ndè a ma woyam Egypte, a sam di Ndo nzi pèc pècèk, Zhiklè nga, mʼmèn tsaraɗ.

II Chroniques 9:26

A nkwor bihi tèlèba, a hün a sam woyam Euphrate, ha ndè a ma kokwar ndohi Philistie, ha ndè a kuma Egypte.

Psaumes 72:8

A da gi bai, a hinè te woyam mbiaʼa staɗ a ndè a woyam mbiaʼa ngiɗè, a hinè te woyam Euphrate, a ndè a verzi herkeda.

Nombres 21:34

Aman Ndo nzi pèc pècèk a ngaɗa na Moise: Ka gu zlau nengaʼa bai, i va ka a ri a ka, a ndohi nengaʼa tèlèba, a kokwar nengaʼa tèlèba: Ka da gi a sam nengaʼa lèmèlèmè ara man ka gu a sam Sihon, bi ndohi Amor, mana nʼnza a Hesbon.

Nombres 34:2

Fa ta ma a gèɗ a ndohi Israel, a ka gada ta: Aman kin da dè a kokwar man a gi a skwi nʼndi gi kinè, kokwar Canaan, a kuma ngiɗè a ndè a kuma ngiɗè.

Deutéronome 1:7

Va-ngalda ma kinè a civèd ngidè, va-slambaɗa a sam na haha, vo-do a za ndohi Amor, a sam nslamagihi ta tèlèba, a vara, te za, tʼhèshèkèɗ, te Négeb, a ma woyam mbiaʼa, a kokwar ndohi Canaan a Liban, ha ndè a ma woyam mbiaʼa, woyam Euphrate.

Deutéronome 1:8

Na haha, i va kinè kokwaraʼa, vo-do, va-duma kokwar man Ndo nzi pèc pècèk a mpasla ta ri a babhi kinè a mbèdè, a gaɗa i da va ta a Abraham, Isaac, a Jacob, a ndohi te verzi ta.

Deutéronome 11:24

Sam tèlèba man kin mbatseda sak a pa, a ka kinè. A hinè tʼhèshèkèɗ, ha ndè Liban, a hinè te woyam Egypte, te woyam Euphrate, ha ndè a ma iyam mbiaʼa, nasa kuma kokwar kinè.

Deutéronome 2:33

A Ndo nzi pèc pècèk, Zhiklè nga, a mva nga a ri a nga. Nga fenaʼa, a wudahi nengaʼa ba a ndohi nengaʼa tèlèba,

Deutéronome 2:36

A hinè te Aroer, a ma woyam Arnon, a kokwar man a ma woyam, ha ndè Galaad, kokwar ngiɗè azɓai man a fen nga. Ndo nzi pèc pècèk, Zhiklè nga, a mpa nga a ri tèlèba.

Deutéronome 20:16

Aman te kokwar ndohi haha, man Ndo nzi pèc pècèk, Zhiklè ngaya, a va ka herkeda a skwi nʼndi gai, ka jèkeda skwi a nshèffè ɓai.

Deutéronome 3:2

Ndo nzi pèc pècèk a ngadayè: Ka gu zlau nengaʼa ɓai, i va kinè nengaʼa a ndohi nengaʼa, a kokwar nengaʼa tèlèba a ri a kinè. Ka da gi a vna ara man ka gu a sam Sihon, bi Amor, man a nza te Hesbon.

Deutéronome 6:19

a kin da dzam ta mayamhi kinè tèlèba a ma kinè, ara man Ndo nzi pèc pècèk a pasla kinè ri a hai.

Deutéronome 9:3

A patsna ka suna, Ndo nzi pèc pècèk, Zhiklè ngaya, a dè a ma ngaya a ri na, ara vogwa man a ndi skwai; nengaʼa a da zede ta, nengaʼa a da wushede ta hai, a ka da dzam ta, a ka gedas ta tsam tsam, ara man Ndo nzi pèc pècèk a mpasla ka ri a pa.

Josué 1:4

A hinè tʼhèshèkèɗ, a ndè za Liban, a ma ma, ha woyam Euphrate, kokwar ndohi Heth tèlèba, a ndè a ma woyam mbiaʼa te civèɗ nkèl pats, nasa kuma herkeda kinè.

Josué 10:19

Aman kinè, kin zlatsahi ɓai, va-hu a verzi mayamhi kinè, va-bazl ta njèkèɗi ndohi nte deɓa, da ndikè a deɓa a kokwar ta asaɓai! Aman Ndo nzi pèc pècèk a mpe ta a ri a kinè.

Josué 10:8

A Ndo nzi pèc pècèk a ngaɗa na Josué: Ka gu zlau tengaʼa ɓai! I va ta a ri a ka. Ko ndo staɗ a slaha a nsala va a sam ngaya ɓai.

Josué 13:6

ndohi za tèlèba, a hinè te Liban, ha ndè Misrephoth-Maim, ndohi Sidon tèlèba. Iyè, i da dzam ta aussa a ma ndohi Israel. Ka, kezla ta kokwar tengaʼa a ndohi Israel a ji-mèr a skwi nʼndi gai, ara man i njè ka ma a gèɗ.

Josué 2:24

Ta gaɗa: Ndo nzi pèc pècèk a mva nga kokwar tèlèba a ri a nga; ndohi kokwar ta gi zlau nga.

Josué 21:44

Ndo nzi pèc pècèk a mva ta gumai, ta sok va, ara man a mbaɗa ta babhi tengaʼa. Teva ndohi mayamhi tengaʼa tèlèba, ko staɗ ndo man a Sala ta va a gèɗ azɓai. Ndo nzi pèc pècèk a mpe ta tèlèba a ri a tengaʼa.

Josué 23:14

Na haha anai i da metsi ga, ara ndohi herkeda tèlèba. Gar haha va-huro a géɗ kinè, te nshèffè kinè: te ma man amba tèlèba man Ndo nzi pèc pècèk, Zhiklè kinè, a mpasla kinè rai, ko staɗ a nkalahi ɓai. Skwi man a mshkè a sam kinè ɓi ba, azɓai. Ko ma staɗ azɓai, man a nʼnga ɓai.

Josué 24:11

Te deɓaʼa kin tawaɗa woyam Jourdain, a kin ndika a kokwar Jéricho. A bihi Jéricho: Amor, Phérez, Canaan, Heth, Guirgasi, Hévi a Jébus ta gu var a nda kinè, a i pe ta a ri a kinè.

Josué 24:12

I zlinda mangavar zlè a ma kinè, man ta dzam ta bihi Amor cèw. Kin gu a tsakwal kinè ka ɓai, a lèkèɗ kinè ka ɓai.

Josué 24:18

Ndo nzi pèc pècèk a ndzam ta ndohi tèlèba a ma nga, ko ndohi Amor man ta nza te kokwar. Nga ba nga woy a nga jèjèr Ndo nzi pèc pècèk, te man nengaʼa Zhiklè nga.

Josué 24:8

A i de kinè a kokwar ndohi Amor, man ta nza tʼwud woyam Jourdain. A ta gu var a nda kinè, a i pe ta a ri a kinè, a kin co kokwar tengaʼa, a i zede ta a ma kinè.

Josué 8:18

A Ndo nzi pèc pècèk a ngaɗa na Josué: Geda tsakwal nte ri ngaya aman kokwar Ai. I woy a i va ka a ri a ka. A Je sué a ngeda tsakwal nte ri na aman a kokwar Ai.

Josué 8:7

a kinè ndohi nzliagai kin slambaɗkaɗa a kin duma kokwar, te man Ndo nzi pèc pècèk, Zhiklè kinè, a va kinè kokwar a rai.

Josué 9:7

A ndohi Israel ta gaɗa ta ndohi Hévi: Gar kin ndohi man a haha, nga slaha nga dérzlè va a nda kinè dè?

Juges 1:4

A ndohi Juda to do a nda gi var, a Ndo nzi pèc pècèk a mpa ta ndohi Canaan a Phérez a ri a tengaʼa. Ta bazl ta ndohi 10.000 te Bézek.

Juges 11:21

A Ndo nzi pèc pècèk, Zhiklè Israel, a mpa ta Sihon a ndohi nengaʼa tèlèba a ri a ndohi Israel, a ta bazl ta. A ta duma kokwar ndohi Amor man ta nza te pa.

I Samuel 23:4

David a ndzhoɗo Ndo nzi pèc pècèk zaʼa, a Ndo nzi pèc pècèk a mʼmbeɗa na a ma: Slambaɗa, do Keila! Aman i da pe ta ndohi Philistie a ri a ka.