Exode 23:25 - Ma Zhiklè

²⁵ Va-gu mizlinè Ndo nzi pèc pècèk, Zhiklè kinè, a i pshè kinè ma a movar kinè a iyam nsi kinè, a i cè matakwan auda tèlèba a sam kinè.

Exode 23:25 ပူးပေါင်းရင်းမြစ်များ

Psaumes 103:3

Nengaʼa a pra ka mali ngaya tèlèba; nengaʼa a mbel ka te matakwan ngaya tèlèba;

Exode 15:26

A ngaɗa: Aman ka jèjèr ma Ndo nzi pèc pècèk, Zhiklè ngaya, a nlèɓèslè, a ka gi skwi nzuraʼa a sam di nengaʼa, a ka jèjèr ma kita nengaʼa, i woy a i zlindaka ka matakwan man i zlinda a sam ndohi Egypte, azbai. Aman iyè, Ndo nzi pèc pècèk, i ndo madzaf ngaya.

Esaie 33:16

Nenga a da nzi a géɗèʼa, gi nengaʼa a sam nlèaʼa te za, movar a iyam a ndiv a sam nengaʼa azɓai.

Esaie 33:24

Ndo man a gaɗa: i mbelakaɓai, az te kokwar ɓai. A ndohi te kokwar Jérusalem, mali tengaʼa mpraʼa.

Jérémie 8:2

Ta da wuzheda a di pats, a di kia, a di bantihai, man ta woy ta, man ta tsu ri a tengaʼa, man ta gu mizlinè ta, man ta dzhaɗ ta a ta gurɓahi a sam ta. Ta da ɓic ta vataslhi te deɓaʼa azɓai, a ta ri a gi dzavi azɓai; a gi a mongoɓa te gi dau.

Daniel 1:15

Te deɓ mʼmèn kula, va tengaʼa amba, nsuɗaʼa, a fen ta golahi ngiɗè tèlèba man ta ndau skwi nʼndi bai.

Lèv. 11:44

Aman iyè, Ndo nzi pèc pècèk, Zhiklè kinè. Gar haha va-bür va kinè nkezlaʼa, a kin nzi a ndohi nkezlaʼa, aman iyè i kezla. A kin lizha va kinè a ri kinè bai a skwi tèlèba man a shèwèlè a géɗ herkeda.

Lèv. 26:3

Aman kin jèjèr ma nkwèr ga, a ma kita ga, a kin gi aranta,

Mal. 3:10

Aman va-hulko skwi kinè, man kin co auda te va skwi kula tèlèba a gi ga; a skwi nʼndi a zhè te gi ga. Va-jkedyè, man i dè winè nvakavar zhiklè, a i wusheda pombi a hi a géɗ kinè a vata, a njèkèɗia a zhè, azɓi da, Zhiklè bi mbiaʼa a gaɗa.

Matthew 4:10

Aman Yèsu a ngaɗa na: Kazla ngay auda a tsagi ga, Sadan! Aman ta Windo te ɗèlèwèr Zhiklè: Sèi ka slébèrdè Bi Zhiklè ngaya staɗ genè, a ka gi mizlinè nengaʼa staɗ genè.

Deutéronome 10:12

Anai, Israel, Ndo nzi pèc pècèk, Zhi-klè ngaya, a jhèɗè a sam ngaya mè? Sèi ka gi zlau Ndo nzi pèc pècèk, Zhiklè ngaya, a ka dè a civèɗ nengaʼa tèlèba! Ka woyaʼa, a ka gi mizlinè Ndo nzi pèc pècèk, Zhiklè ngaya, a ndav ngaya tèlèba, a nshèffè ngaya tèlèba,

Deutéronome 10:20

Sèi ka gi zlau Ndo nzi pèc pècèk, Zhiklè ngaya, a ka gi mizlinè nengaʼa, ka gshè va a vna, a ka mbèɗè a nzlembaɗ nengaʼa.

Deutéronome 13:4

Sèi ka jèjèr Ndo nzi pèc pècèk, Zhiklè ngaya, a ka gi zlau nengaʼa, a ka gi ara ma nkwèr nengaʼa a gaɗa, a ka tsena daʼa nengaʼa, a ka gso va a vna!

Deutéronome 6:13

Sèi ka da gi zlau Ndo nzi pèc pècèk, Zhiklè ngaya, a ka gi mizlinè nengaʼa, a ka mbèɗè a nzlembaɗ na.

Deutéronome 7:13

A da woy kinè, a pshè kinè ma, a kin mènè a ma ma. Kin da yi wudahi kumba; ny i skwi te kokwar kinè, nyi wof, dau a barassa a mbar a da gi kumba; wud zlè a wud tambak ta mènè kumba, te kokwar man a da va kinè, man a mbaɗa ta babhi kinè.

Deutéronome 7:15

Ndo nzi pèc pècèk a da cè matakwan tèlèba auda a sam kine. Matakwan man wuɗitpa, man kin rkaʼa a sam ndohi Egypte, a da ngats kinè azɓai, aman a da ngats ta ndohi tèlèba man ta gi shèwa a kinè.

Josué 22:5

Aman sèi kin jèjèr ma nkwèrè a ma kita Zhiklè, man Moise a njè kinè a gèɗ, zuraʼa, a kin woy Ndo nzi pèc pècèk, Zhiklè kinè, a kin jèjèr civèɗ nengaʼa pèc pècèk, a kin fi gèɗ a ma nkwèr nengaʼa, a kin gsa va a Zhiklè, a kin gi mizlinè nengaʼa a ndav tèlè, a nshèffè tèlè.

Josué 24:21

A ndohi ta gaɗa na Josué: Aʼai! Nga woy a nga jèjèr Ndo nzi pèc pècèk!

Josué 24:24

A ndohi ta gaɗa na Josuè: Ndo nzi pèc pècèk, nengaʼa Zhiklè nga, man nga jèjèrèʼa, a nga fi gèɗ a ma nengaʼa.

I Samuel 12:20

Samuel a ngaɗa ta ndohai: Kin gu zlau ɓai! Kin gu skwi ambaɓiaʼa haha tèlèba gokwèn; aman kin jèkeda civèɗ Ndo nzi pèc pècèk ɓai, aman va-gu mizlinè Ndo nzi pèc pècèk a ndav tèlè,

I Samuel 12:24

Aman sèi kin gi zlau Ndo nzi pèc pècèk, sèi kin gi mizlinè nengaʼa nlèbèslèa a ndav tèlèba. Kin rka skwi mbiaʼa man a ga kinè ɓi dè?

I Samuel 7:3

Samuel a ngaɗa ta ndohi Israel tèlèba: Aman kin menkada deɓa a sam Ndo nzi pèc pècèk a ndav tèlè, va-hulkoɗi zhiklèhi ngiɗè auda a sam kinè, a Astartéhai. Va-tila ndav kinè a sam Ndo nzi pèc pècèk, a kin tsu ri a nengaʼa stadgenè, aman a mbel kinè te ri ndohi Philistie.