Exode 23:24 - Ma Zhiklè

²⁴ Ka da tsu ri a zhi-klèhi tengaʼa bai, ka da tsosl mblom tengaʼa bai, ka da gu lèmèlèmè ara tengaʼa bai, aman sèi ka zlerdaussa; kwa man ta Zlatseda a ta shin samaʼa te pa, ka paslama na gèɗ.

Exode 23:24 ပူးပေါင်းရင်းမြစ်များ

II Rois 17:11

A sam mʼmbèh skwai a géɗ za, ta ndor burdi, ara man ndohi herkeda ta gau, man Ndo nzi pèc pècèk a dzam ta auda a ma tengaʼa, a ta gau skwi ambaɓiaʼa holholaʼa, a ta poko na gèɗ ndav auda a Ndo nzi pèc pècèk.

II Rois 17:8

A ta gu ara ndohi herkeda, man Ndo nzi pèc pècèk a dzam ta auda a sam ndohi Israel, a ta dzodzor zhiklèhi man bihi Israel ta gau.

II Rois 18:4

Nengaʼa a ngedassa sam mvi skwi a Zhiklè a gèɗ za, a mʼmbeɗka ta kwa nzlatsedaʼa a hai, a nʼngelda mblom a hai, a mpasla zhüzhok züdo man Moise a gau. Ha pats sa, ndohi Israel ta ndara na ɓurdi, a ta baha na Nehushtan.

II Rois 3:2

A nʼnga skwi man ambaha Ndo nzi pèc pècèk ɓai, aman holholaʼa ara nda bab na a mam na ka ɓai. Nengaʼa a mʼmbeɗda kwa Baal man bab nengaʼa a nzlatseda.

II Chroniques 14:2

A ngedassa sam mʼmbèh skwai a mblom a géɗ za. A mpasleda skwihi nzlatseda aussa, a mbeɗda skwi mʼmbèh skwi a hai.

II Chroniques 25:14

Aman Amatsia a mshkè ngwi ma, te deɓ mana nfen ta ndohi Edom, a nzlinde ta ndohai, da hulko zhiklèhi ndohi Seir, a mpe ta a pa a zhiklèhi na. A nkalahi a deɓ sak tengaʼa, a nʼndara ta ɓurdi.

II Chroniques 33:2

A nʼnga skwi man ambaha Ndo nzi pèc pècèk ɓai, a ndzodzor mali man a ndèrè a ndo, man ndohi herkeda ngiɗè ta giaʼa, man Ndo nzi pèc pècèk a dzam ta auda a ma ndohi Israel.

II Chroniques 33:9

Aranta Manassé a nzlakeda nda Juda a Jérusalem, a ta gu skwi man ambaɓi holholaʼa, a fena ndohi herkeda ngiɗè man Ndo nzi pèc pècèk a dzam ta auda a ma ndohi Israel.

Psaumes 101:3

I pi di ga a skwi ambaɓia azɓai. Maya nshèffè ndohi man tabez tazlawa, ambahay ɓai, nʼngay ɓai.

Exode 20:3

Ka gu Zhiklè ngiɗè a tsagi ga bai!

Exode 20:5

Ka gurɓa a sam tengaʼa bai, ka tsu ri a tengaʼa bai! Aman iyè Ndo nzi pèc pècèk, Zhiklè ngaya, i Zhiklè i srak, man a gi kita a sam wudahi a géɗ mali bab ta, te verzi bab ta, te mamakaraʼa, te mafadaʼa, a sam tengaʼa man ta gi shèwa a iyè.

Exode 23:13

Va-ɓür va kinè te skwi tèlèba man i njè kinè a gèɗ. Nzlembaɗ zhiklèhi ngiɗè ka slefu bai, da shkè auda te ma ngaya bai!

Exode 23:32

Ka da derzla va a tengaʼa a zhiklèhi tengaʼa bai!

Exode 23:33

Da nza a herkeda ngaya bai, man bai ta da pe ka a wai, a ta de ka a sam malai. Aman ka da tsosl mblom tengaʼa, ka da kèlèhi a gaddaʼa.

Exode 32:20

Te deɓaʼa a nco marai man ta gau, a nfa na vogwa, a nkerɗaʼa ara shölölöm, a nkutèda a géɗ iyam, a mva ta ndohi Israel a ta siaʼa.

Ezéchiel 16:47

Ka dzodzor civèɗ tengaʼa a ka mboh skwi ara tengaʼa ka bi dè? Ka gu mali a fena man a tengaʼa.

Osée 10:2

Ta pi gèɗ cèw. Aman sèi ta pil gèɗ! Zhiklè a da mbeɗa mblom tengaʼa, a mbatseda vrihi tengaʼa aussa.

Lèv. 18:3

Kin gu ara ndohi Egypte man kin nzakaɗa pa, man ta gia bai; kin da gu ara ndohi Canaan man i woy a i de kinè a pa bai! Kin dzodzor tsuf tengaʼa bai!

Lèv. 26:1

Kin gu vri bai, kin gu skwi mʼmbèh skwi a mblom bai, kin Zlatseda kwa a dzegau a géɗèʼa bai, kin gurɓahi a sam ta bai, aman iyè Ndo nzi pèc pècèk, Zhiklè kinè.

Nombres 25:2

Ta baha ta ndohi a sam ngolala mvi skwi a zhiklè mbèh skwi tengaʼa, a ndohi ta ndau skwai a ta tsu ri a Baal tengaʼa.

Nombres 33:52

kin da dzam ta ndohi kokwar auda a ma kinè tèlèba, kin da kalda mblomhi tengaʼa a hai, kin batsa skwi mbèh skwai a zolom civèɗ, a kin da gedassa sam mʼmbèh skwai a géɗ za tèlèba.

Deutéronome 12:3

Sèi kin mbeɗda mblom tengaʼa, a kin pasla kwa tengaʼa nzlatsedaʼa, kin ngelda wof mbèh skwi tengaʼa a hai, a kin fa na vogwa a skwi mbèh skwi a zhiklèhi tengaʼa, a kin zeda nzlembaɗ ta auda a sam haha.

Deutéronome 7:5

Sèi kin gia arsa a nda tengaʼa: Kin da mbeɗda sam mʼmbèh skwi tengaʼa aussa; kwa nzlatseda kin kaldahai; vrai va-bazldaussa, va-fa na vogwa a skwi mbèh skwi tengaʼa!