Exode 23:21 - Ma Zhiklè

²¹ Gau maya a géɗ ngaya, a sam na; fu gèɗ a ngèɗè nengaʼa, ka Sala va a sam na bai. Aman kin da tèwèɗè ma nengaʼa, a da pra kinè mali kinè azbai. Aman iyè, te nengaʼa.

Exode 23:21 ပူးပေါင်းရင်းမြစ်များ

Psaumes 2:12

a nengaʼa a da gi ndav azɓai; a civèɗ kinè a zede kinè azɓai. Aman ndav nengaʼa a slèmbèɗè tsam-tsam. Mwuffe a sam ndohi tèlèba man ta pi ndav ta a nengaʼa.

Psaumes 72:19

Ngo-slubordokoy nzlembaɗ nengaʼa nʼnzalaʼa a mèdèp, nʼnjèl nengaʼa da ndha herkeda tèlèba. Amen, Amen.

Psaumes 78:40

Ta slambaɗa na vasak kumba tʼhèshèkèɗ, ta gu a civèɗ heshèkèɗ, a ndav nengaʼa a kuɗai.

Psaumes 78:56

Aman ta sassaya ndav ta, a ta poko na gèɗ auda a Bi Zhiklè, Zhiklè te géɗèʼa, a ta dzadzara ma kita nengaʼa ɓai.

Psaumes 83:18

Sèi ta ngècè hori a dai a ta gi zlau a mè-dèp, gèɗ ta ndzakaɓa a ta gedas ta!

Exode 3:14

A Zhiklè a ngaɗa na Moise: I nengaʼa man i zhè. A ngaɗa na á vaʼa: Ka da gada ta ndohi Israel ar haha: Nengaʼa man nzlembaɗ na ‘i zhè’, a nzlindekayè a sam kinè.

Exode 32:34

Antanta do, de ta ndohi a sam man i gada ka. Na haha, i zlindè gol ga a man ngaya. Aman pats ngiɗè a i da ga ta kita a géɗ mali ta.

Exode 6:3

i gudoko na va a di a Abraham, Isaac a Jacob a nzlembaɗ Zhiklè, Bi wuɗai. Aman nzlembaɗ ga Ndo nzi pèc pècèk, i ngra ta bai.

Esaie 42:8

Iyè, Ndo nzi pèc pècèk, nzlembaɗ ga Ndo nzi pèc pècèk. I vi nʼnjèl ga a ndo ngiɗè azɓai, i vi nslébèrdè ga a skwi mbèh skwi azɓai.

Esaie 45:6

A ndohi tèlèba te civèɗ mvèng pats, ha civèɗ nkèl pats, ta suna, Ndo nzi pèc pècèk, iyè, ngiɗè azɓai, sèi iyè. Ndo nzi pèc pècèk iyè, ngiɗè azɓai.

Esaie 57:15

Nengaʼa man mbiaʼa man a nzi te géɗèʼa, man a nzi a géɗ sam nʼnzi ɓai a mèdèp, nzlembaɗ nengaʼa nkezlaʼa, a goɗ ara haha: I nzi a géɗ sam nʼnzi ɓai te géɗèʼa, i nkezlaʼa. I zhè a sam ndohi man ta manda gèɗ a hai, a ndav ta a mbeɗè. I menda na ndav a pa a ndo man a manda gèɗ a hai; a i slambaɗda na gèɗ a ndo man ndav na a mbedè.

Esaie 7:14

Gar haha Bi Zhiklè a da ngreda kinè skwi a ri na: Na haha, bidalai a da gi a hwaɗ, a da yi kra nguraʼa, a da va na nzlembaɗ na Emmanuel.

Esaie 9:5

Aman ta ya nga kra, nga ngots kra ngu-raʼa, wuɗi ɓai te va nengaʼa; ta baha na: Ndo nʼngra nga maya, mbikaɓai, Zhiklè; bi-wuɗai, Bab nga a mèdèp, Bi gumai.

Esaie 9:6

Kokwar-bi nengaʼa a da gi a mbiaʼa, a gumi a sam nʼnzi bi David, gumi te kokwar-bi nengaʼa tèlèba, a zhè a mèdèp; aman nengaʼa a da tilèʼa, a va na wuɗai te kita, te ngi-zuraʼa, a hinè antanta, a ndè a ma ma a mèdèp. Srak Zhiklè bi mbiaʼa a da gi arsa.

Jérémie 23:6

A pats man a da gi bai, Juda a mbel na, Israel a nzi a gumai. Ta da baha na a nzlembaɗ: Ndo nzi pèc pècèk, ngi-zura nga.

Jérémie 5:7

Zhiklè a gaɗa: Ar i pra ka mali èhè-mè? Wudahi ngaya ta jèkyè, ta mbaɗa, aman a nzlembaɗ Zhiklè ka ɓai. I va ta skwi a ta ngezaʼa, a to do a ta gu mphömè, ta sawala te gi fali ngwozai.

Mal. 3:1

Na haha i zlündo ndo sak ga, a til civèɗ a ma ga. Tsam-tsam Ndo nzi pèc pècèk man kin jhèɗèʼa, a shkè a gi nengaʼa. Gol Zhiklè nɗerzlè-ma man kin woyaʼa, na haha a shkè, Zhiklè bi mbiaʼa a gaɗa.

Nombres 14:11

A Ndo nzi pèc pècèk a ngaɗa na Moise: Ndohi haha ta kwolyè, ta derɗyè, ta da ndikèda a ngèmè? Ko ta rka skwi tèlè man i gu a sam ta, ta da cè a ndav a ngèmè?

Nombres 14:35

Iyè, Ndo nzi pèc pècèk, i goɗa. I da ga ta matakwan a mpi ndohi ambaɓihiaʼa haha, man ta humday va a gèɗ aranta; sèi da ndev ta tʼhèshèkèɗ, da bazl ta a pa!

Matthew 1:23

Na haha bidali a ngècè kra, a da yi kra nguraʼa a ta da va na nzlembaɗ nengaʼa Emmanuel, ara ngèdè: Zhiklè a nda nga.

Matthew 17:5

Ngèdè ma nengaʼa, na haha vani nslekaɗa a mshkè, a mva ta mèzhèɓ a gèɗ. Na haha, ta tsena ngèdè staɗ te va vanai: Nengaʼa kra ga, man i woyaʼa a ndav ga. Ndav ga a wuffè kumba a géɗ nengaʼa. Va-tsun ma na!

Jean 10:30

Nga a Bab ga, nga staɗgenè.

Jean 10:38

Aman i gi mizlinè Bab ga, a kin woy a kin ciyè a ndav ɓai, vo-co mizlinè a ndav mènè, a kin da suna, a kin cè a ndav kinè, Bab ga a zhè te iyè, a iyè, i zhè te Bab ga.

Jean 5:23

aman ndohi tèlèba ta da slébèrdè kra, ara man ta slébèr-dè Bab na. Ndo man a slébèrdè kra azɓai, a slébèrdè Bab na man a zlindkoɗa azɓai lèmèlèmè arsa.

Ephésiens 4:30

Kin ɗawarama na ndav Mèzhèɓ Zhiklè nkezlaʼa ɓai, aman nengaʼa nʼndèa te kinè, ha pats mpil gèɗ kinè.

Deutéronome 18:19

A ndo man a tsena ma ga man a menda ta a nzlembaɗ ga ka ɓai, i jhèdè te riaʼa.

Deutéronome 9:7

Huro, ara man ka poko na gèɗ ndav auda a Ndo nzi pèc pècèk, Zhiklè ngaya, tʼhèshèkèɗ; da pca ka a gèɗ ɓai! Ka gu mèdègèɗ a sam Ndo nzi pèc pècèk a hünko te pats man kin shkè auda te kokwar Egypte, ha mshkè kinè a sam haha.

Colossiens 2:9

Aman te Kristi skwi Zhiklè tèlèba a zhè a vava.

Hébreux 12:25

Va-gu maya, kin kwola ma nengaʼa man a gèɗè ɓai! Aman tengaʼa man ta kwola nengaʼa, man a goɗ tʼherkeda, ta mbel ta ɓai, holholaʼa aman nga kwola nengaʼa man a gèɗè te zhiklè.

Hébreux 3:16

Ndohi man ta tsenaʼa, a ta gu ndav, wa? Ndohi tèlèba man ta shkè auda te kokwar Egypte a nda Moise ka ɓi ɗè?

Josué 24:19

A Josué a ngaɗa ta ndohai: Kin slaha a kin jèjèr Ndo nzi pèc pècèk azɓai, te man nengaʼa Zhiklè nkezlaʼa, nengaʼa Zhiklè srak, a da pra kinè mphömè kinè a mali kinè azɓai.

1 John 5:16

Ndo man a rka, kramam nengaʼa a gi malai, mali mʼmetsi ka ɓai, da tsu ri a Zhiklè, gar haha a di a va na nshèffè a nengaʼa man a gu malai, mali mʼmetsi ka ɓai. Mali mʼmetsai a zhè, a géɗ nengaʼa i gèɗè azɓai, aman ndo da tsu rai.

Apocalypse 1:8

Iyè, i Alpha a Oméga, Bi Zhiklè a gaɗa, nengaʼa man a zhè antanta, man a zhè zlèzlèa, man a di a shkè, Bi wuɗai tèlèba.

Apocalypse 2:23

A i woya man i bazl ta wudahi ta. A mpi ndohi Zhiklè tèlèba sèi da suna, iyè man i wuzhè ndav, kala nguzgoz ba, a i va na a ndo staɗ staɗ te ndev kinè ara mizlinè na.

Apocalypse 2:8

Winda na tsuvom mpi ndohi Zhiklè te kokwar Smyrne: Nengaʼa man ndo nshè-lèkuraʼa, ndo nʼndikèma skwai, man te va nasa mʼmetsa, anai a zhè a nshèffè zaʼa, a goɗa ar haha:

Apocalypse 3:7

Winda na tsuvom mpi ndohi Zhiklè te kokwar Philadelphie: Nengaʼa man nkezla, ndo nzuraʼa man a ngots skwi mwinè ntamagi man a David, man a winèʼa, ndo ngiɗè a slaha a mpizlè te deɓaʼa ɓai. Man a mpizlèa, ndo ngiɗè a slaha a mwinè te deɓaʼa ɓai. Nengaʼa a goɗ ar haha:

Juges 13:18

A gol Ndo nzi pèc pècèk a ngaɗa: Ka jhèdè nzlembaɗ ga èhèmè? Nzlembaɗ ga, ‘mbikaɓai’.