Exode 22:30 - Ma Zhiklè

³⁰ Lè-mèlèmè a sam zlè a tambak ngaya. Da nza a sam mam na mʼmèn 7; a pats matsamakaɗaʼa ka vayè.

Exode 22:30 ပူးပေါင်းရင်းမြစ်များ

Genèse 17:12

Kra nguraʼa staɗ staɗ tèlèba te ndev kinè, man a ngu mʼmèn 8, ta ngela na ngwon, verzi verzi tèlèba. Ko ɓèlè man a yu te gi ngaya, ko nengaʼa man ta suma a sulai a sam bab na ngiɗè, man ndo verzi ngaya ka ɓai.

Exode 13:12

kin da va na skwi tèlèba man a shkè auda tʼhwaɗ mam na, tsuvom skwai, a Ndo nzi pèc pècèk. Skwi nkaldeka ma hai a ma ma man kin ngotso, man ngurhiaʼa, a Ndo nzi pèc pècèk.

Ezéchiel 4:14

I gaɗa: A, a, a, Bi Zhiklè Ndo nzi pèc pècèk! Daga nyakaɗ ga va ga nlizhè di bai; i nda skwi mʼmets mʼmetsi bai, i ndau skwi man skwi dak a nkeɗa bai. Zluèɗ mbèh skwai i tara te ma ga di bai!

Lèv. 11:44

Aman iyè, Ndo nzi pèc pècèk, Zhiklè kinè. Gar haha va-bür va kinè nkezlaʼa, a kin nzi a ndohi nkezlaʼa, aman iyè i kezla. A kin lizha va kinè a ri kinè bai a skwi tèlèba man a shèwèlè a géɗ herkeda.

Lèv. 11:45

Aman iyè Ndo nzi pèc pècèk, i helka kinè auda te kokwar Egypte, a i gi a Zhiklè kinè. Gar haha sèi kin nzi a ndohi nkezlaʼa, aman iyè, i kezla.

Lèv. 12:3

A pats matsamakeɗaʼa, sèi ta ngela na ngwon a kra.

Lèv. 17:15

Ko wawa man a ndi skwi mʼmets mʼmetsai, man ɓai zluèɗ man skwi ngiɗè a keɗaʼa, ko ndo kokwar tas, ko ndo mbrok, da pana maslaka na, da pana va a iyam, nlizhèa ha dakwaɗ. Te deɓaʼa mpana zaʼa.

Lèv. 22:27

Aman kra zlè, kra tambak, kra ɓok nya ma, da nza a sam mam na mʼmèn tsaraɗ. Aman ka va na Zhiklè te vogwa a ngi ambaha Ndo nzi pèc pècèk, sèi a pats matsamakaɗaʼa.

Lèv. 22:8

Da ndau skwi mʼmets mʼmetsi ɓai, skwi man skwi ngiɗè keɗa ɓai, man ɓai, a lizhè va na a vna. Iyè Ndo nzi pèc pècèk.

Lèv. 7:23

Gada ta ndohi Israel aranta: Mbeza zlè a tambak a ɓok kin ndau bai!

Lèv. 7:24

Mbeza skwi nhuslaʼa, a skwi man skwi dak a nkeɗaʼa, kin slaha kin gi skwi ngiɗè tsaɗ tsaɗ a vna, aman kin ndu ɓai!

Lèv. 7:26

Ko Pombaz ba kin ndu bai! Ko Pombaz skwi kudom, a sam tèlèba man kin nzi a pa.

Deutéronome 14:21

Skwi mʼmets mʼmetsai kin ndau ɓai! Va na ndo mbrok te kokwar ngaya, man ɓai pra na ndo man verzi na tsaɗ! Aman kinè ndohi nkezlaʼa a sam Ndo nzi pèc pècèk, Zhiklè ngaya. Kin tau kra ɓok te wa mam na ɓai!

Deutéronome 15:19

Ka da va na skwi nkaldeka ma hai tèlèba a Ndo nzi pèc pècèk, Zhiklè ngaya, nguraʼa tèlèba, ko te skwi mbiaʼa, ko te skwi nkèshèa. Ka pizhè a tsuvom zlè ngaya azɓai, ka zli gwots tsuvom tambak azɓai.