17 Ndo man a derde mam na a bab na, sèi ta keɗaʼa.
Slubordo bab ngaya a mam ngaya, a nderɗa ka pats nshèffè ngaya man Ndo nzi pèc pècèk a woya a mva ka, a ma ma tʼherkeda.
Aman ndohi cèw ta gi ndzoan, a staɗ a kèl ngiɗè a kwa, a ɗuko a rai, a ndo sa a metsi azɓai, aman a mènèhi a ɗish va,
Ndo man a dérɗè bab na a mam na, verzi nengaʼa a zi na.
Verzi ndohai, man ta phomde bab ta, man ta slébèrdè mam ta azbai.
Ndo man a livè bab na, ndo man a kwola ma mam na, ngwak da cko na di auda, zligijè da ndedama!
Aman ndo ngidè a ngots kra man a gi mèdègèɗ, a tsena gèɗ ɓai, a tsena ma bab na a ma mam na ɓai man ta ngézhèʼa,
Te deɓaʼa ndohi kokwar na tèlèba sèi ta kèlèʼa a kwa, a metsi na. Aranta ka da zedko skwi ambaɓiaʼa auda te ndev ngaya, a ndohi israel tèlèba ta da cinèʼa, a ta gi zlau.
Ndo man a dérɗè bab na a mam na – da phomda! A ndohi tèlèba ta da gaɗa: Amen!
