Exode 20:24 - Ma Zhiklè

²⁴ Va-gayè sam mvi skwi a Zhiklè a wujèɗ, a kin ndaray skwai, a kin vay skwai a pombai. Tambakihai a zlèhai. A sam tèlèba man i vau a sam man ta slebardyè a pa, i da shkè a sam ngaya, a i da pshè ka ma.

Exode 20:24 ပူးပေါင်းရင်းမြစ်များ

Genèse 12:2

I woy a i ge ka a verzi ndohi kumba, a i da pshè ka ma, a i da gra nzlembaɗ ngaya, man a pshè ma ndohai.

II Samuel 6:12

Aman ta ngra na bi David: Ndo nzi pèc pècèk a mpshè na ma gi Obed-Edom a skwi nengaʼa tèlèba, a géɗ koti Zhiklè, David a ndo, a nckoɗi koti Zhiklè auda te gi Obed-Edom, a ndaʼa a kokwar Jérusalem a mwuffe.

I Rois 8:29

Ka cèma na di a gi haha ɓai, ko a pats ba, ko a vaɗ ba, a géɗ sam man ka goɗ te nengaʼa: Nzlembaɗ ga da nza a pa! A ka tsena ntsi ri man ɓèl ngaya a tsi ri a sam na haha.

I Rois 8:43

ka da tsenaʼa te zhiklè te géɗèʼa, a sam nʼnzi ngaya, a ka gi ara man ndo mbrok a ntsu ri a sam ngaya a géɗèʼa. A ndohi a géɗ herkeda tèlèba ta da sun nzlembaɗ ngaya, ta da slébèrdèʼa a zlau ara man ndohi Israel, ndohi ngaya, ta giaʼa. A ta suna, ta baha na nzlembaɗ ngaya te gi haha man i ga ka.

I Rois 9:3

A Ndo nzi pèc pècèk a ngaɗa na: I tsena ntsi ri a kuɗa ngaya man ka herdakay va a vna. I ga gi man ka rom a nzlembaɗ ga a gi nkezlaʼa a mèdèp. Di ga a pa, ndav ga a pa pèc pècèk.

II Rois 5:17

A Naaman a ngaɗa: Man ka woya ɓai, sèi ka pay herkeda te di deɓ kɗèh cèw. Bèl ngaya ani a woya a nvi skwi a nʼndèr skwi a zhiklèhi ngiɗè asaɓai, sèi a Ndo nzi pèc pècèk.

II Chroniques 12:13

Aranta gi Roboam te Jérusalem a nʼngots wuɗai. Mvi Roboam 41, man ta feda a bai, a ngu bi te Jérusalem mvi 17, te kokwar man Ndo nzi pèc pècèk a nʼngotskoɗauda te verzi Israel tèlèba, aman nzlembaɗ na da nza a pa. Mam na, nzlembaɗ na Naama, dem Ammon.

II Chroniques 6:6

Te deɓaʼa i ngotsko Jérusalem auda, a nzlembaɗ ga a da nzi te pa. A i ngotsko David, aman a da gi bi a géɗ Israel, ndohi ga.

II Chroniques 7:16

I ngotsko gi haha auda a i gaʼa a sam ga nkezlaʼa, a nzlembaɗ ga da nza a pa pèc pècèk, a di ga a ndav ga a pa a mèdèp.

Esdras 6:12

Zhiklè man nzlembaɗ nengaʼa a nzi a pa a sam haha, da kalda bi staɗ staɗ tèlèba auda te bai, da gedassa ndohi tèlèba man ta gi maya a ta gi mèdègèd a sam ma bi haha a ta woy a ta gedassa gi Zhiklè te Jérusalem. Iyè, Darius, i goɗ ma haha. Sèi ta gi arsa ndèzl zura-zuraʼa!

Néhémie 1:9

Aman kin da menkada deɓa a sam ga, a kin jèjèr ma nkwèr ga zuraʼa, ko kin venda gèɗ a verzi herkeda, i da ɓicka kinè a deɓa, a i de kinè a sam man i ngotskoɗauda, a nzlembaɗ ga da nza a pa.

Psaumes 101:2

I woy a i slebi ndè a civèɗ njèlèlèʼa. Ka shkè a sam ga a ngèmè? I da nzi a ndav jèlalaʼa tʼhwaɗ gi ga.

Psaumes 122:2

Jérusalem, sak ga a zlatsa a ntamagi ngaya;

Psaumes 128:5

Halau, Ndo nzi pèc pècèk da pshè ka ma te Sion, a ka wuffè a géɗ manam Jérusalem a pats nshèffè ngaya tèlèba.

Psaumes 134:3

Ndo nzi pèc pècèk da pshè kinè ma te Sion! Nengaʼa man a gau giɗfèk a herkeɗa.

Psaumes 74:7

Ta fa na vogwa a sam ngaya nkezlaʼa. Sam nʼnzi nzlembaɗ ngaya ta derdda hai.

Psaumes 76:2

Ndohi Juda ta sun Bi Zhiklè. Nzlembaɗ nengaʼa mbiaʼa te Israel.

Psaumes 78:68

aman a mpar ta ndohi Juda, za Sion, man a woya a ndav na.

Exode 10:25

A Moise a mʼmbeɗa na a ma: Sèi ka ba ka va nga skwi man nga zli a nga ndèra na Ndo nzi pèc pècèk, Zhiklè nga.

Exode 18:12

A Jéthro, mèsh Moise, a nʼndara na skwi a Zhiklè, a nzla na skwi a Zhiklè, a Aaron a ndohi Israel nhalaʼa tèlèba ta shkè, aman ta ndi skwi a nda mèsh Moise, a sam di Zhiklè.

Exode 20:25

Aman ka woy a ka gi sam mvi skwi a Zhiklè a kwa, ka gu a kwa mpasla bai. Aman ka da pasla a züdo, ka derɗa sam mvi skwi a Zhiklè.

Exode 24:4

A Moise a mwindo ma Zhiklè tèlèba. Te mangoslèmaʼa a prèk, a ngau sam mvi skwi a Zhiklè a der za, a nzlatseda kwa ndzaraʼa 12, ara verzi Israel 12.

Exode 24:5

Te deɓaʼa a mbaha ta golahi Israel, a ta ndara na skwi a Ndo nzi pèc pècèk, a ta zlaha mamokwa marihai, a ta va na Zhiklè te pombai.

Exode 27:1

Te deɓaʼa gu sam mvi skwi a Zhiklè a wof acacia. Ngur nengaʼa a tsi ri 5, nguzloh nengaʼa a tsi ri 5, tsagraʼa 4 lèmèlèmè. Njüv nengaʼa a tsi ri 3.

Esaie 64:5

Nga tèlèba nga ndaʼa ara skwi nlizhèʼa, ngi-zura nga ara maslaka nlizhèʼa. Nga wu-shahai ara vah wof, mali nga a nhel nga ma ara kozlar.

Lèv. 17:9

a ckoɗa ntamagi mɓicè-va azɓai, a va na Ndo nzi pèc pècèk azɓai, sèi ta zedkoɗauda te va ndohi na.

Mal. 1:11

A hünkoɗi a sam man pats a vangka te pa, a ndè a sam man pats a kèlè a pa, nzlembaɗ ga mbiaʼa a sam ndohi herkeda. A sam tèlèba ta ndarayè skwi shèɗèɗèʼa a nzlembaɗ ga. Aman nzlembaɗ ga mbiaʼa a sam ndohi herkeda, Zhiklè bi mbiaʼa a gaɗa.

Matthew 18:20

Aman a sam man cèw, man makar, ta ɓica va a nzlembaɗ ga, i zhè te ndev tengaʼa.

Matthew 28:20

Va-senda ta, aman ta gi skwi tèlèba man i fa kinè a gèɗ. Na haha, i zhè a sam kinè pèc pècèk, a pats a vaɗ, ha herkeda a ndiv na.

Deutéronome 12:11

te deɓaʼa va-hulko skwi tèlèba man ijhèɗè a sam kinè, a sam man Ndo nzi pèc pècèk, Zhiklè kinè, a ngotskoɗauda, aman nzlembaɗ na a nzi a pa: skwi man kin ndarayè, a kin zlayè; skwi 1 te va 10; skwi man kin co auda; skwi kinè mparaʼa tèlèba man kin gaɗa na hi a Ndo nzi pèc pècèk;

Deutéronome 12:21

Aman sam man Ndo nzi pèc pècèk, Zhiklè ngaya a ngotskoɗauda, a mfeda nzlembaɗ na a pa, dra a sam ngaya, sèi ka zli te va zlè a tambak man ka va na Ndo nzi pèc pècèk, ara man i njè ka a gèɗ; a ka da ndau te gi ngaya.

Deutéronome 12:5

Sèi kin dè a sam man Ndo nzi pèc pècèk, Zhiklè kinè, a ngotsko dʼauda a ndohi te verzi kinè, aman nzlembaɗ nengaʼa da nza a pa. Sèi kin dè a pa!

Deutéronome 14:23

A ka ndau skwi staɗ te va kula te dau a barassa ngaya a sam Ndo nzi pèc pècèk, Zhiklè ngaya, a sam man a ngotskoɗauda, a nzlembaɗ na da nza a pa. Lèmèlèmè tsuvom zlè ngaya, a tambak ngaya; a ka slebi ngi zlau Ndo nzi pèc pècèk, Zhiklè ngaya, pèc pècèk.

Deutéronome 16:11

Ka dawuffèasam Ndo nzi pèc pècèk, Zhiklè ngaya, a sam man Ndo nzi pèc pècèk, Zhiklè ngaya, a ngotskoɗauda, a nzlembaɗ na a nzi a pa: kinè, kra ngaya, nguraʼa a demaʼa, ɓèl ngaya, ko nguraʼa ko ngwoz, ndo Lévi mana zhè a sam ngaya, ndo man verzi na tsaɗ, kra dikai, ngwoz mazai man ta zhè a sam ngaya tèlèba.

Deutéronome 26:2

ka da hul te tsuvom skwi gi dau ngaya, makaɓai, tʼherkeda man Ndo nzi pèc pècèk, Zhiklè ngaya, a va ka, a ka pi a gadagar, a ka dè a sam man Ndo nzi pèc pècèk, Zhiklè ngaya, a ngotskoɗauda, a nzlembaɗ na a nzi a pa.

Deutéronome 7:13

A da woy kinè, a pshè kinè ma, a kin mènè a ma ma. Kin da yi wudahi kumba; ny i skwi te kokwar kinè, nyi wof, dau a barassa a mbar a da gi kumba; wud zlè a wud tambak ta mènè kumba, te kokwar man a da va kinè, man a mbaɗa ta babhi kinè.

1 Timothy 2:8

Gar haha i woya aman ngurhi a sam tèlèba ta tsi rai, a ta peda ri man nlizha a mali ɓai a zhiklè, a ndav ka ɓai, a ndav staɗ.