Exode 20:17 - Ma Zhiklè

¹⁷ Ka gu ntétékè gi nslamagi ngaya bai! Ka gu ntétékè ngwoz nslamagi ngaya bai, ko ɓèl nengaʼa ba, ko nguraʼa ko ngwozaʼa, ko mari nengaʼa ba, ko kɗèh na ba, ko skwi tèlè man nslamagi ngaya a nʼngotso ba.

Exode 20:17 ပူးပေါင်းရင်းမြစ်များ

Genèse 14:23

ko zhèwèɗ, ko teɓa kotokoroh, ko skwi mèmè man skwi ngaya, i cè te ri ngaya azbai, man bai ka da gada: iyè a nʼndeda Abram a ndo mèshèlè.

Genèse 3:6

A ngwoz a nrka, nyi wof amba a skwi nʼndai, amba a dai, amba a ngècè maya. A nʼngulo nyi wof, a nʼndau, a mva na baki nengaʼa ba, man ta nza a vna. A nengaʼa ba a nʼndau.

Genèse 34:23

Te deɓaʼa skwi gi tengaʼa, a skwi man ta ngotso, skwi ndzham tèlèba, kala man skwi nga. Halau, ngokoy ara man ta woyaʼa, a ta nzi a sam nga!

Job 31:1

I basla gèɗ ga i pi di a bidali azɓai.

Job 31:9

Aman ndav ga a ngwode na a verzi ngwoz ngiɗè, a i pi va a i tétékè skwi nslamagi ga,

Psaumes 10:3

Aman ndo ambaɓiaʼa a fi va a gèɗ ntétékè nengaʼa. Ndo metsar a phömdè, a dérɗè Ndo nzi pèc pècèk.

Psaumes 119:36

Ngalday ndav ga a civèɗ ma malwuɗi ngaya, a civèɗ mwoy skwi ka ɓai!

Proverbes 4:23

A géɗ skwi tèlèba, ɓüro ndav ngaya, a nshèffè mbelaʼa a shkè auda te pa!

Proverbes 6:29

Lèmèlèmè ndo man a dè a woy ngwoz nslamagi na; ndo man a lama na, a ngècè kita na.

Ecclésiaste 4:8

Ndo ngiɗè a nza a géɗ na, gwoli na azɓai, kra na azɓai, kramam na azɓai. A gi mizlinè pèc pècèk, ndikèmaʼa azɓai. Skwi mèshèlè a shilè na ɓai. I gi mizlinè a i si matakwan a géɗ ngè? Ko skwi haha, skwi ambalai, mizlinè mwuɗitpa.

Esaie 33:15

Nen-gaʼa man a dè te ngi-zuraʼa, man a gèɗè ma nzuraʼa, man a kwola gani ngi ri, man a hela ri na a nkwola skwi man ta woy a ta ruɓè a vna, man a ndè zlembaɗ na, a woya a ncinè tsaval ndohi nkeɗe ndo ɓai, a pizlè di na, a woya a nrka mali ɓai.

Esaie 57:17

I gu ndav a gèɗ shèwa tengaʼa. I tsau, ndav a ndzayè, i ngheda va ga. Aman tengaʼa ta tsena gèɗ ɓai, to do a civèɗ ara man ndav tengaʼa a woyaʼa.

Jérémie 22:17

Aman ka, ka pi dai a ka pi ndav ngaya a mali genè, aman ka keɗa ndo man a nga mali ɓai, ka ga ta matakwan, ka ga ta shèwa.

Jérémie 5:8

Ta gu ara mari plèshi mpertataʼa, man mi ngwoz a keɗ ta, staɗ staɗ tèlèba a kuɗi a géɗ ngwoz nslamagi na.

Ezéchiel 33:31

Te deɓaʼa ta dè a sam ngaya, ta haya a vata, ta nzahi a sam ngaya, ta tsena ma ngaya, aman ta jèjèrèʼa azɓai. Ta cèkèlma, ndav tengaʼa a hér sèi Suli genè.

Michée 2:2

Ta zeɓi gi dau a ta cèʼa a wuɗai. Ta ngél di a gai a ta cèʼa; ta kala na va a babgiaʼa a skwi gi nengaʼa.

Habakuk 2:9

Wobau a géɗ ndo man a ɓicè skwi a gi na a ngi rai, a pi gi na a ntskal, a woy a mbél na te ri skwi ambaɓia man a da gshèʼa.

Matthew 20:15

Aman i gu skwi man amba, ka gi srak a vna dè?

Matthew 5:28

Aman iyè, i gaɗa kinè: Ndo man a cèkè di a ngwoz, a ngu mphömè a vna te ndav na ma.

Luke 12:15

A ngaɗa ta ndohi tèlèba: Va-rkaʼa, va-gu maya a ntétékè skwai. Ndo a nzi a nshèffè azɓai, a géɗ skwi man a ngotso kumba.

Luke 16:14

Ma haha, ko ndohi pharisie man ta woy Suli kumba, ta tsenaʼa, a ta ɓeslè di a pa.

Actes 20:33

I tétéka verzhègenè a guro a maslaka kinè ɓai,

Actes 5:4

Man ka da preda ma ɓai, skwi ngaya ka ɓi dè? Aman ka preda ma, skwi wuɗi ngaya ka ɓi dè? Ka hur te ndav ngaya ar haha èhèmè? Ka tsokol ma a sam ndohi ka ɓai, ka tsokol ma a sam Bi Zhiklè.

Romans 13:9

Ara man a gaɗa: Ka gu mphöm ɓai, ka keɗa ndo ɓai, ka gu metsar ɓai, ka gu ntétékè ɓai, ko ma nkwère mèmè, man ma kita Zhiklè a gaɗa, mɓica te ma staɗ: Woy ndo a ndav ngaya, ara man ka woy nshèffè ngaya.

Romans 7:7

Kos ani nga gaɗ kè? Ma kita mali ɗè? Azɓai! Aman ma kita a ngra nga malai. Aman agassa ma kita ka ɓai, ar i sun ntétékè ɓai.

1 Corinthians 6:10

ko ndohi metsar, ndohi keda, ndohi njèjèr zom, ndohi nderɗe ndo, ndohi nkeɗe ndo, ta ndi kokwar Bi Zhiklè azɓai.

Ephésiens 5:3

Ngi baki a dala, skwi nlizhèa tüɗük-tüɗükwaʼa, ngi keda, a woy da goɗ ma haha a sam kinè ɓai. Nasa amba a sam ndohi Zhiklè nkezlaʼa.

Ephésiens 5:5

Aman kin suna, ndo man a gi mphömè, ndo man ndav na nlizhèa, ndo keda, nara ndo mbèh skwai, ta ndi kokwar-Bi Kristi a Zhiklè azɓai.

Deutéronome 5:21

Ka gu ntétékè ngwoz nslamagi ngaya ɓai, ka gu ntétékè gi nslamagi ngaya ɓai, ko gi dau nengaʼa, ko ɓèl nengaʼa, ko nguraʼa, ko ngwozaʼa, ko mari nengaʼa, ko kɗèh na ba, ko skwi tèlè man nslamagi ngaya a ngotso ba.

Deutéronome 7:25

Sèi kin fa na vogwa a skwi mbèh skwi tengaʼa, kin gu ntétékè guro a verzhègenè tengaʼa ɓai, kin co ɓai, man ɓai a da slafadama kinè sak; te man skwi horai a sam Ndo nzi pèc pècèk, Zhiklè kinè.

Philippiens 3:19

Ndikè-ma tengaʼa, sam ngédèsh ta. Zhiklè tengaʼa, hwaɗ ta. Nʼnjèl tengaʼa, hori ta, ta hér skwi herkeda.

Colossiens 3:5

Gar haha va-keɗa na gèɗ a hai a skwi herkeda haha: mphömè, skwi nlizhèʼa, mi skwi ambaɓiaʼa, ntétékè, ndo man a wèr va na genè (nara mʼmbèh skwai);

Hébreux 13:5

Mwoy Suli da gso ndav kinè ɓai; skwi man kin ngotso, da dèʼa kinè! Aman Bi Zhiklè a ngaɗa: I pra ka ma gèɗ azɓai, i jèke ka a géɗ ngaya azɓai.

Josué 7:21

Te va kolongwi man ta dumkoɗai, i rka dawar ndohi Shinear mbelaʼa, a Suli gurso 200, a gaɗa guro a gi rèta kilo; a ntétékè a nkedyè, a i co. Na haha dawar a zhè te gi ga, nraʼa te vèvèd, a Suli tʼhwaɗaʼa.

I Samuel 12:3

Anai i zhè! Va-gu malwudai a géɗ ga, a sam Ndo nzi pèc pècèk, a sam ndo man nengaʼa a mbada na mbar a gèɗ: Zlè ngè, kɗèh ngè, man i co? Ndo wa man i ga na matakwan, man i ga na wuɗai? Ndo wa nruɓyè, a i ga na kita a di staɗ? I da pela kinè a deɓa!

I Samuel 15:19

Ka fu gèɗ a ma Ndo nzi pèc pècèk ɓi èhèmè, a ka kala na va a skwi gi èhèmè? A ka gau skwi man ambaha Ndo nzi pèc pècèk ɓai, èhèmè?